ॱसाल्केत् 19:14 - ल्होमी14 ॱनी खोङ्गी तीङ्ल तेङ् यी़गी ॱमक्मी छेत्मीत् त कप्पुल छ्यीप् स्यो़न्न डोगुक्। हुबे घो़ दील रे सङ्डुक् कप्पु चङ्सी घो़न्दुक्। Faic an caibideil |
ॱसाल्केत् 19:14
18 Iomraidhean Croise
हुनी क खीत्रङ् धङ् ङीत् दुक्पे लक्नी थर्केन् बेत्। हुगी यङ्ल चोव ज्यीन्दक् येशु मीज्ये छ्यीम्मुल भप्न खोङ् रोरङ्गी भङ्ज्येम्ब ज्यीक्पा घयेत्तङ् दल तेङ् यी़नी मल्ल कुरीक्की थोङ्सल झ्यो़ङ्गेन् बेत्। ॱनी हुगी यङ्ल को़न्ज्योक् ॱमीत् ॱसम्गेन् धङ् हज्यरङ्गी चोव ज्यीन्दक् येशुगी केच्च्य ॱनेम्बुल मीत् नेङ्गेन् घयेत्ल खोङ्गी लेन् च्यो़गेन् बेत्।
हुन्दुक् झ्यीबे मी घयेक्की ढीक्ल धङ्बु आदम्नी झ्यीनी मीदोक् दी़न् ॱसोङ्नी, थो़म्बे हनोक्की हीन्दुक् झ्यीबे ॱङो़स्स्यी ॱस्येत्न यो़क्केन् बेत्। मी छङ्म थम्ज्येत्ल ठीम् च्यो़त्तु चोव ज्यीन्दक् इगीनी मल्ल खोङ् रोरङ्गी मी चङ्म ठी बुम्गी दल झ्यो़ङ्गेन् बेत्। ॱनी हुगी यङ्ल को़न्ज्योक् ॱमीत् ॱसम्गेन् घयेक्की ङीबे ले री रील धङ् खोङ्ल ॱमीत् चीगेन् दीक्च्येन् घयेक्की खोङ्ल ङेन्दम् लब घयेत् थम्ज्येक्की ढीक्ल ठीम् च्येत्न छ्येप्प को़गेन् बेत् सीर यो़क्केन् बेत्।
हुनी हुब कुरीक् छ्य झ्यीन लुक्टुक्की डल लोङ्न ॱमक् थुक्तु डोगेन् बेत्। ॱनी ॱमक् दील लुक्टुक् ज्यला थो़न् डोगेन् बेत्। घन्ड हीन् सीन्न खोङ् चो छ्यीया घयेक्की इक् चोव ज्यीन्दक् धङ् ज्याबु घयेक्की इक् ज्याबु बेत्। ॱनी खोङ्गी दम्न भो़ब तेम्बोक्म दो़क्केन् घयेत् हुगी यङ्ल खोङ्दङ् दल ज्यला थो़न्न युङ्गेन् बेत् सीच्च्युङ्।
Sanasan