ॱसाल्केत् 19:10 - ल्होमी10 हुनी ङे भङ्ज्येम्ब दील छ्यक् छेबेन्। ॱनी हुगी ङल छ्यक् ॱमत् छो़लेत्। ङ को़न्ज्योक्की ॱयोक्पु, रङ् धङ् रङ्गी पी़न्ज्या डस्सी, येशुगी ढीक्ल दीम्बे केच्च्य ॱस्यो़क्केन् घयेत् डस्सीरङ् हीन्। को़न्ज्योक्लरङ् क छ्यक् छो़। येशुगी ढीक्ल दीम्बे केच्च्य ॱस्यो़क्केन् घयेत्ल कलुङ् ॱस्यो़त् छुबल धम्बे थु यो़क्केन् बेत् सीच्च्युङ्। Faic an caibideil |
ॱसाल्केत् 19:10
40 Iomraidhean Croise
ॱनी म दी खीत्रङ् कुरीक् छ्य गन्दीक्म स्योक्केल्ल, तम् खेसी ॱस्यो़क्केल्ल, धो़न् ॱह घोगेल्ल, धेप्पे स्यीदङ् लङ्गेल्ल, ङीत्ल झ्यम्ब झ्यीक्केल्ल धङ् हुन्दुक् झ्यीब कुरीक्ल खीत्रङ् गस्सी झ्यीक्केल्ल ॱसोङ्दुक्। ॱनी हीगो डस्सीरङ् हुगी टो़च्च्येमे गये ले हुल अक् गस्सी झ्यीक्केल्ल थो़न् छुब झ्यीज्यीत्।
च्यङ् थोन दो़च्च्यीत्। को़न्ज्योक्की घन्ड ॱसुङ्गो़दङ् हुल खीत्रङ् ॱअप्स्यी़त् मीप्प मत् झ्यीज्यीत्। धङ्बु इस्राएली घयेत्ल खोङ्गी सीनै लदोक्तु ॱसुङे ॱसुङ्स्येत्ल हुबे ॱअप्स्यी़त् मत् झ्यीबल हुब ॱमत् थर बेत्। ॱनी हुब अक् त ॱमत् थरे ॱनी, हुन्दो तेङ् यी़नी मल्ल ॱसुङ्गेन् येशुल हज्यरङ्गी तक् तो़न्न ॱसुम्ब घन्दुक् झ्यीन थर्केन्?
खोङ्गी पङ्बु जेप्पे केच्च्य हीगो को़न्ज्योक्की ॱरेबुल मी ॱसी़ छ्य स्योक्कुक्क हुगी ॱसीम्ल खुङ्देन् हीम्ब ॱह घोगेन् बेत्। ॱनी को़न्ज्योक्की खोङ् रोरङ्गी ॱरेबी़ ढीक्ल पङ्बु जेप्पे केच्च्य हुल मी ॱसी़ छ्य मीत् स्योक्पेक्क हुगी को़न्ज्योक् ॱएजङल सोगेन् बेत्। घन्ड हीन् सीन्न हुगी को़न्ज्योक्ल छ्य मीत् स्योक्केन् बेत्।
ह ज्योबा घन्ड हीन्न अक्, युङ्गेङ्गी केच्च्य घयेत् कुरीक् को़न्ज्योक्की येशु ख्रीष्ट्ल खोङ् रोरङ्गी ॱयोक्पु घयेत्ल तो़न् सीन्न तो़म्बे केच्च्य घयेत् दी हीन्दुक् झ्यीन युङ्गेन् बेत्। खोङ् रोरङ्गी ॱयोक्पु युहन्ना च्येल्ल तेङ् यी़गी भङ्ज्येम्ब च्यीक् तङ्न युङ्न हुगी केच्च्य घयेत् दी कुरीक् क तो़म्ब बेत्।
खीत्रङ्गी पी़न्ज्या ङ युहन्ना येशुदङ् मत् ढेब यो़प्पल खोङ्गी ढीक्ल दुक्प धङ् खोङ्गी ज्यागक्की मीस्सीर् हीम्बल धङ् गुर् थेक्पल खीत्रङ्दङ् कीदुक् च्यीक्प यो़त्। को़न्ज्योक्की केच्च्य धङ् येशुगी ढीक्की केच्च्य ॱस्येप्पे ढीक्ल ङ छ्यु ज्यम्जो छ्यीम्मी़ घुङ्गी ॱसने पत्मोस् झ्यीस्स च्यीक्तु च्येज्युङ्।
ॱनी हुगी केत् छ्यीम्मु तो़न्न हीन्दुक् सीस्सोङ्। कोलीमी घयेत् को़न्ज्योक्ल ज्यीब झ्यीन खोङ्ल तो़प्प पु। घन्ड हीन् सीन्न ह को़न्ज्योक्की ठीम् च्यो़प्पे धी़ दी ॱलीस्सोङ्। तेङ् यी़, ॱस जम्बुलीङ्, छ्यु ज्यम्जो छ्यीम्मु धङ् छ्यु थो़न्स घयेत् जेङ् सोगेन् खोङ्ल छ्यक् छो़ज्यीत्।
चोव ज्यीन्दक् नीज्यरङ्ल ज्यीब मीत् झ्यीक्केन् ॱसु दी यो़प्प? नीज्यरङ्गी छेल्ल तो़प्प ॱमीत् पुगेन् ॱसु दी यो़प्प? धक्पर् च्येम्म दी ॱनी नीज्यरङ् मेन्द, ॱयोङ् ॱसु उक् मीप्प बेत्। ज्यी़त् ज्यी़क्की मी घयेत् नीज्यरङ्ल छ्यक् छो़दु युङ्गेन् बेत्। घन्ड हीन् सीन्न नीज्यरङ्गी जेप्पे ले घयेत् दी ढङ्बु हीम्ब हुबे ॱह घोन यो़क्केन् बेत्।
Sanasan