ॱसाल्‍केत् 18:20 - ल्होमी

²⁰ ॱवे तेङ् यी़ धङ् को़न्‍ज्‍योक्‍की मी चङ्‌म घयेत्, ठीक्‍नल घयेत् धङ् कलुङ् ॱस्‍यो़क्‍केन् घयेत् गेस झ्‍यीज्‍यीत्। घन्‍ड हीन् सीन्‍न खीत्‍रङ्‌ल अयेक्‍प झ्‍यीब घयेक्‍की ङेल्‍लेन् दी को़न्‍ज्‍योक्‍की हुगी सार् हुल च्‍येसोङ्।

ॱसाल्‍केत् 18:20 Iomraidhean Croise

एफीसस् 2:20

खीत्‍रङ् खीम्‍गी दो चीबदङ् छ्‌येत्‍मीत् बेत्। ॱनी ॱसप्‍तेन् दी कलुङ् ॱस्‍यो़क्‍केन् घयेत् धङ् ठीक्‍नल घयेत् बेत्। ॱनी सुर्की दो घो छ्‌यो़स्‍स्‍यो दी ख्रीष्‍ट् येशु खोङ् रोरङ् बेत्।

एफीसस् 3:5

ॱङो़न् धङ्‌बुनी कोलीमी घयेत्‍ल ॱमत् तो़म्‍बे ॱङीङ्‌बु हुगो धी़ धीङ्‌सङ्‌रङ् खोङ्‌गी ठीक्‍नल धङ् कलुङ् ॱस्‍यो़क्‍केन् चङ्‌म घयेत्‍ल धम्‍बे थुगी तो़न्‍न ॱसल्‍तु ची़त्‍न यो़क्‍केन् बेत्।

एफीसस् 4:11

ॱनी खोङ्‌गी यरी ठीक्‍नलल, यरी कलुङ् ॱस्‍यो़क्‍केल्‍ल, यरी केच्‍च्‍य ॱनेम्‍बु ॱस्‍येत्‍न टोम्‍गेल्‍ल, यरी छ्‌यो़ छोगी लुक्‍चीबल धङ् यरी चयेलमल को़न यो़क्‍केन् बेत्।

२ पत्रुस् 3:2

धङ्‌बु कलुङ् ॱस्‍यो़क्‍केन् चङ्‌म घयेक्‍की ॱस्‍येप्‍पे केच्‍च्‍य घयेत् धङ् खीत्‍रङ् च्‍याल युङे ठीक्‍नल घयेक्‍की लम् ज्‍यी़त्‍नी खीत्‍रङ्‌ल थोबे हज्‍यरङ्‌गी च्‍यप्‍को़न् चोव ज्‍यीन्‍दक्‍की ॱनङे क दी खीत्‍रङ्‌गी ॱसीम्‍ल सुङ्‌न स्‍योक्।

यहुदा 1:17

झ्‍यम्‍बे दगुसो, हज्‍यरङ्‌गी चोव ज्‍यीन्‍दक् येशु ख्रीष्‍ट्‌की ठीक्‍नल घयेक्‍की एल्‍लादु ॱस्‍येत्‍न यो़प्‍पे केच्‍च्‍य हीगो खीत्‍रङ्‌गी ॱसीम्‍बे यीक्‍ल सुङ्‌न स्‍योक्‍च्‍यीत्।

ॱसाल्‍केत् 12:12

ह तेङ् यी़ धङ् तेङ् यी़न यो़प्‍प घयेत् गेस झ्‍यी। जम्‍बुलीङ् धङ् छ्‌यु ज्‍यम्‍जो छ्‌यीम्‍मु घन्‍डे दुक्‍प। घन्‍ड हीन् सीन्‍न दी़क्‍की चो हुगो ॱसल पुर् तङ्‌नी, हुगी रोरङ्‌ल धी़ गक् मीप्‍प ॱह घोनी, खोङ्‌डोक्‍की मी बर डस्‍सी झ्‍यीक्‍केन् बेत् सीर ॱह घोज्‍युङ्।

ॱसाल्‍केत् 18:6

हुल हुगी घङ् झ्‍यीबे ङेल्‍लेन् च्‍यो़ज्‍यीत्। हुगी झ्‍यीबे लेगी लेन् दील ङीबक् टो़च्‍च्‍यीत्। हुगी फोप्‍प घङ्‌ल हुल फोप्‍प धो टो़च्‍च्‍यीत्।

ॱसाल्‍केत् 6:10

ॱनी हुब घयेक्‍की केत् छ्‌यीम्‍मु तो़न्‍न ॱवङ् छ्‌यीम्‍मु च्‍येम्‍म, धक्‍पर् धङ् दीम्‍बर् च्‍येम्‍म यो़क्‍केन् नीज्‍यरङ्‌गी जम्‍बुलीङ्‌गी मील नम् दी ङीक्‍की ठक्‍की लेन् दी च्‍येन छ्‌येप्‍प को़गेन्? सीस्‍सोङ्।