ॱसाल्‍केत् 18:2 - ल्होमी

² ॱनी हुगी केत् छ्‌यीम्‍मुल बेबीलोन् छ्‌यीम्‍मु ह रम् डोगेन् बेत्। रम् डोगेन् बेत्। हुगो ॱनो़प्‍प अयेक्‍प घयेक्‍की दो़स्‍स धङ् ॱनो़प्‍प स्‍यीलोक्‍पोक्‍म घयेक्‍की छङ् धङ् झ्‍यज्‍युङ्‌म ढीप्‍लङ् च्‍येम्‍म स्‍यीलोक्‍सी घयेक्‍की दो़स्‍सल युङ्‌गेन् बेत्।

ॱसाल्‍केत् 18:2 Iomraidhean Croise

ॱसाल्‍केत् 1:15

कङ्‌ब दी च्‍युक्‍म स्‍यी़न् तङ डस्‍सी टक्‍सी दुक्। ॱनी केत् दी छ्‌युरोक् छ्‌यीम्‍मी़ हुट्‌ट डस्‍सी दुक्।

ॱसाल्‍केत् 10:3

हुगी ॱसेङ्‌गी ङरे केत् डस्‍सी तो़न्‍सोङ्। हुनी डुक्‍केत् दी़ङ्‌गी केत् ज्‍यप्‍न सीस्‍सोङ्।

ॱसाल्‍केत् 11:8

हुनी हुबे रो दी हुगी सार् छ्‌यीम्‍मी़ ॱसट्‌टक् दीदु रोरङ्‌सो़ ॱस्‍यीस्‍स दीदुरङ् ले डोगेन् बेत्। हुगी सार् दील पी डस्‍सील सदोम् धङ् मीस्‍र सीक्‍केन् बेत्। हुदु एल्‍ला रोरङ्‌सो़ चोव ज्‍यीन्‍दक् अक् कुरुस्‍ल तान ॱसेप्‍प बेत्।

ॱसाल्‍केत् 14:15

हीनी को़न्‍ज्‍योक् स्‍युसे छ्‌यो़गङ् दीनी तेङ् यी़गी भङ्‌ज्‍येम्‍ब ॱयोङ्‌म च्‍यीक् थो़न्‍सोङ्। हुगी ॱमुबे थोक्‍ल स्‍युगेन् दील केत् छ्‌यीम्‍मु तो़न्‍न हीन्‍दुक् सीस्‍सोङ्। जम्‍बुलीङ्‌ल ह तो़न्‍दोक् तोक् रेम्‍ब छो़ छर्तुक्। नीज्‍यरङ्‌गी ॱसोक्‍ली हुगो तङ्‌न तोक्‍तु ची़त् सीस्‍सोङ्।

ॱसाल्‍केत् 14:8

हुनी यङ् तेङ् यी़गी भङ्‌ज्‍येम्‍ब ॱयोङ्‌म च्‍यीक्‍की हीन्‍दुक् सीस्‍सोङ्। बेबीलोन् सार् छ्‌यीम्‍मु ह रुम्‍सोङ्, रुम्‍सोङ्। हुगी जम्‍बुलीङ्‌गी ज्‍यागक् घयेत्‍ल रोरङ्‌गी गोङ्‌ज्‍यङ् घर्पोक्‍म बीन्‍न थुङ्‌दु ची़प्‍प डस्‍सी छ्‌ये ज्‍युक्‍तु ची़त्‍न यो़क्‍केन् बेत्।

ॱसाल्‍केत् 16:13

हीनी हुगी डुक् दीगी खनी, ॱसीम्‍ज्‍येन् दीगी खनी धङ् हुगी कलुङ् जी़म ॱस्‍यो़क्‍केन् दीगी खनी ओरोक् डस्‍सी ॱनो़प्‍प स्‍यीलोक्‍सी ॱसुम् थो़न्‍न डोव थोङ्‌ज्‍युङ्।

ॱसाल्‍केत् 16:19

हुगी ॱसेर दीगी सार् छ्‌यीम्‍मु बेबीलोन् ॱरुम्‍न गो ॱसुम्‍ल तङ् तङ्‌सोङ्। ॱनी ज्‍यागक् घल अक् सार् गज्‍येन् रुम्‍सोङ्। ॱनी हुन्‍दुक् झ्‍यीन हुगी सार् छ्‌यीम्‍मु हुल अल्‍लेत् ॱमत् तङ, को़न्‍ज्‍योक्‍की खोङ्‌डोक्‍की मी बर्न घेङ्‌नरे फोप्‍प दीनी गोङ्‌ज्‍यङ् थुङ डस्‍सी थुङ्‌दु ची़स्‍सोङ्।

ॱसाल्‍केत् 17:18

रङ्‌गी थोङे भुमु छ्‌येमु हुगी धो़न् दी जम्‍बुलीङ्‌गी ज्‍याबु घयेत्‍ल ॱवङ् च्‍योङ्‌से सार् छ्‌यीम्‍मु दील डोगेन् बेत् सीच्‍च्‍युङ्।

ॱसाल्‍केत् 17:5

हुगी थोक्‍कोक् दील तीङ् सप्‍पोक्‍मे मीङ् हीन्‍दुक् झ्‍यीब च्‍यीक् दुक्। बेबीलोन् छ्‌यीम्‍मु हुगो छ्‌येमु घयेत् धङ् जम्‍बुलीङ्‌गी स्‍यीलोक्‍सीगी ढङ् घयेक्‍की आम बेत् सीन्‍न ढीन दुक्।

ॱसाल्‍केत् 18:10

हुल हुन्‍दुक्‍मे दुक्‍प छ्‌यीय नोङ थोङ्‌नी, हुब ज्‍यीक्‍टक्‍की थक्‍रीङ्‌मुदु देत्‍न हुबे हुगी सार् दील ॱवे सार् छ्‌यीम्‍मु, बेबीलोन् सार् ज्‍यीक्‍सी, खो़त् घन्‍डे दुक्‍प, घन्‍डे दुक्‍प। हुन्‍दो ॱरीप् घङ्‌ल छ्‌येप्‍प फोक्‍सोङ् न व सीक्‍केन् बेत्।

ॱसाल्‍केत् 18:21

हीनी तेङ् यी़गी भङ्‌ज्‍येम्‍ब ज्‍यीक्‍पोक्‍म च्‍यीक्‍की लागोर् गर्चम डस्‍सी दो च्‍यीक् डुन ज्‍यम्‍जो छ्‌यीम्‍मुल पुर्न हीन्‍दुक् सीस्‍सोङ्। हीगो पुर डस्‍सी बेबीलोन् सार् छ्‌यीम्‍मु हुगो ह मीप्‍पल येनर बेत्।

ॱसाल्‍केत् 5:2

हुनी तेङ् यी़गी भङ्‌ज्‍येम्‍ब ज्‍यीक्‍पोक्‍म च्‍यीक् ङे थोङ्‌ज्‍युङ्। ॱनी हुगी केत् छ्‌यीम्‍मु ज्‍यप्‍न यीगी हीगी थीजी हीगो च्‍यक्‍न तयल ओ़ब ॱसु यो़क्‍केन् बेक्‍क? सीन्‍न सीगुक्।