ॱसाल्‍केत् 18:1 - ल्होमी

¹ हीनी तीङ्‌ला ॱवङ् छ्‌यीम्‍मु च्‍येम्‍मे भङ्‌ज्‍येम्‍ब ॱयोङ्‌म च्‍यीक् तेङ् यी़नी मल्‍ल भप्‍न युङ ङे थोङ्‌ज्‍युङ्। हुगी ओ़क्‍की ॱस जम्‍बुलीङ् दीरङ् च्‍यवली झ्‍युङ्‌सोङ्।

ॱसाल्‍केत् 18:1 Iomraidhean Croise

लुका 17:24

कोलीमीगी ॱरेबी़ ङीङ्‌गी यङ्‌ल खोङ् झ्‍यो़म्‍बे लेमु दी ॱनम्‍ल डुक्‍की च्‍यीला पीगीनी इगील थुक् टक्‍सी तो़म्‍ब डस्‍सी झ्‍यीन झ्‍यो़ङ्‌गेन् बेत्।

२ थीस्‍सलोनीका 2:8

हुनी हस्‍सो़त् छ्‌यो़डीम् मीप्‍प हीम्‍बे मी हुगो थो़न्‍न युङ्‌गेन् बेत्। ॱनी चोव ज्‍यीन्‍दक् इगीनी मल्‍ल झ्‍यो़म्‍बे ओ़च्‍च्‍य छ्‌यीम्‍मु धङ् खोङ्‌गी फु सीत्‍तेम्‍ब च्‍यीक्‍की हुगो ॱसेत्‍न ॱसीङ् थागी सो़ तोङ्‌गेन् बेत्।

ॱसाल्‍केत् 10:1

हीनी यङ् भङ्‌ज्‍येम्‍ब ज्‍यीक्‍पोक्‍म ॱयोङ्‌म च्‍यीक् तेङ् यी़नी मल्‍ल भप्‍न युङ ङे थोङ्‌ज्‍युङ्। हुगो ॱमुबे घुङ्‌ल तुम्‍न हुगी गो दील तीक् खीरी ज्‍य सुक्‍तुक्। हुगी झ्‍येत्‍ङे दी टक्‍सी ङीम डस्‍सी दुक्। ॱनी कङ्‌ब दी मीज्‍येगी का डस्‍सी दुक्।

ॱसाल्‍केत् 17:1

हीनी फोप्‍प दी़न् खुरे भङ्‌ज्‍येम्‍ब दी़म्‍बु दीगी छीक्‍नी च्‍यीक्‍की ङल ॱस्‍योक् सीन्‍न हीन्‍दुक् सीच्‍च्‍युङ्। छ्‌यु गज्‍येन् यो़स्‍सल दो़क्‍केन् हुगी छ्‌येमु छ्‌यीम्‍मु हुगोल घन्‍दुक् झ्‍यीबे छ्‌येप्‍प फोक्‍केन् बेक्‍क हुगो रङ्‌ल ङे तो़न् योङ्।

ॱसाल्‍केत् 17:7

हुनी भङ्‌ज्‍येम्‍ब दीगी ङल खो़त् घन्‍डे धो़ल्‍ल ॱह लेगुक्‍क? रङ्‌ल ङे भुमु हुगो धङ् हुगो खुर्केन् गो दी़न् धङ् रच्‍च्‍योक् च्‍यु च्‍येम्‍मे ॱसीम्‍ज्‍येन् हुगी धो़न् तीङ् सप्‍पोक्‍म दी हुन्‍दो ङे तो़न् योङ्।

ॱसाल्‍केत् 21:23

ॱनी हुदु ङीम धङ् दच्‍च्‍ये ओ़क्‍की गो़ज्‍येत् मीन्‍दुक्। घन्‍ड हीन् सीन्‍न को़न्‍ज्‍योक्‍की तो़त्‍वङ्‌गी ओ़त् धङ् लुक्‍टुक्‍की ओ़क्‍की हुदु च्‍यवलीय युङ्‌गुक्।