ॱसाल्‍केत् 17:18 - ल्होमी

¹⁸ रङ्‌गी थोङे भुमु छ्‌येमु हुगी धो़न् दी जम्‍बुलीङ्‌गी ज्‍याबु घयेत्‍ल ॱवङ् च्‍योङ्‌से सार् छ्‌यीम्‍मु दील डोगेन् बेत् सीच्‍च्‍युङ्।

ॱसाल्‍केत् 17:18 Iomraidhean Croise

लुका 2:1

ॱनी हुगी धी़ल रोम्‍गी ज्‍यागक्‍की सीजर् ज्‍याबु अगस्‍टस् दीगी जम्‍लीङ् की़ल्‍ल रोरङ्‌गी मीस्‍सीर् घयेक्‍की जनसङ्‌गीय ढी गोगेन् बेत् सीरे क च्‍यीक् ॱनङ बेत्।

ॱसाल्‍केत् 11:8

हुनी हुबे रो दी हुगी सार् छ्‌यीम्‍मी़ ॱसट्‌टक् दीदु रोरङ्‌सो़ ॱस्‍यीस्‍स दीदुरङ् ले डोगेन् बेत्। हुगी सार् दील पी डस्‍सील सदोम् धङ् मीस्‍र सीक्‍केन् बेत्। हुदु एल्‍ला रोरङ्‌सो़ चोव ज्‍यीन्‍दक् अक् कुरुस्‍ल तान ॱसेप्‍प बेत्।

ॱसाल्‍केत् 12:4

हुगी डुक्‍की ॱङम दीगी ॱनम्‍गी कर्म घयेत् गो ॱसुम्‍ल तङे गो च्‍यीक् ॱसल पुर् तङ्‌सोङ्। ॱनी डुक् दी हुगी भुमु दीगी भीज कीनी, कीलोङ् मीक्‍ल डुन सज्‍येल हुगी भुमु दीगी दोङ्‌दु गुन दो़क्‍कुक्।

ॱसाल्‍केत् 16:19

हुगी ॱसेर दीगी सार् छ्‌यीम्‍मु बेबीलोन् ॱरुम्‍न गो ॱसुम्‍ल तङ् तङ्‌सोङ्। ॱनी ज्‍यागक् घल अक् सार् गज्‍येन् रुम्‍सोङ्। ॱनी हुन्‍दुक् झ्‍यीन हुगी सार् छ्‌यीम्‍मु हुल अल्‍लेत् ॱमत् तङ, को़न्‍ज्‍योक्‍की खोङ्‌डोक्‍की मी बर्न घेङ्‌नरे फोप्‍प दीनी गोङ्‌ज्‍यङ् थुङ डस्‍सी थुङ्‌दु ची़स्‍सोङ्।

ॱसाल्‍केत् 18:2

ॱनी हुगी केत् छ्‌यीम्‍मुल बेबीलोन् छ्‌यीम्‍मु ह रम् डोगेन् बेत्। रम् डोगेन् बेत्। हुगो ॱनो़प्‍प अयेक्‍प घयेक्‍की दो़स्‍स धङ् ॱनो़प्‍प स्‍यीलोक्‍पोक्‍म घयेक्‍की छङ् धङ् झ्‍यज्‍युङ्‌म ढीप्‍लङ् च्‍येम्‍म स्‍यीलोक्‍सी घयेक्‍की दो़स्‍सल युङ्‌गेन् बेत्।