ॱसाल्‍केत् 16:11 - ल्होमी

¹¹ हुनी इक् हुबे रोरङ्‌सो़ ले अयेक्‍प घयेत् दी ॱलो़ ॱमत् तङ, सुक्‍सीक्‍की ॱनर्मी धङ् ॱम थो़न्‍दु ची़प्‍पे ढीक्‍ल तेङ् यी़गी को़न्‍ज्‍योक्‍ल ॱमो़म्‍बी़त् तङ्‌सोङ्।

ॱसाल्‍केत् 16:11 Iomraidhean Croise

२ तीमोथी 3:13

ॱनी मी ङेम्‍ब धङ् ॱयोज्‍यी़ ठम्‍ज्‍यी़ ॱस्‍यो़क्‍केन् घयेत् हुब रोरङ्‌सो़ हुगी ङेम्‍ब धङ् ॱयोज्‍यी़ ठम्‍ज्‍यी़ दील रोरङ्‌सोरङ् थुम्‍न हरुङ् दुक्‍तु डोगेन् बेत्।

ॱसाल्‍केत् 11:13

हुनी ॱस्‍यर्च्‍यक् ॱसेर छ्‌यीम्‍मु ज्‍यप्‍सोङ्। हुनी हुगी सार् दी गो च्‍युल तङे गो च्‍यीक् रुम्‍सोङ्। ॱनी मीरङ् तोङ्‌डक् दी़न् हुदु ॱस्‍यीसोङ्। ॱनी हुदु ॱमत् ॱस्‍यीय यो़प्‍प घयेत् दी टक्‍प सेत्‍न ज्‍यीबे, हुनी क तेङ् यी़गी को़न्‍ज्‍योक्‍ल तो़प्‍प पुसोङ्।

ॱसाल्‍केत् 16:2

हुनी भङ्‌ज्‍येम्‍ब धङ्‌बु दीगी पालोल रोरङ्‌गी लक्‍ल यो़प्‍पे फोप्‍प दी जम्‍बुलीङ्‌ल घबुक् ज्‍यप्‍सोङ्। हुनी हुगी ॱसीम्‍ज्‍येङ्‌गी दक् लीङ्‌गेन्, हुगी डवुल छ्‌यक् छो़गेन् घयेत्‍ल ॱम नस्‍सी थो़न्‍सोङ्।

ॱसाल्‍केत् 16:21

हीगी यङ्‌ल मी घयेत्‍ल ॱनम्‍नी मल्‍ल मो़न् री थेगेङ्‌गी ॱसीरा गर्चम ज्‍यप्‍सोङ्। ॱनी हुगी ॱसीरा दीगी च्‍यो़न् छ्‌यीम्‍मु तङ्‌नी, मी घयेक्‍की हुगी ढीक्‍ल को़न्‍ज्‍योक्‍ल ॱमो़म्‍बी़त् तङ्‌सोङ्।

ॱसाल्‍केत् 16:9

ॱनी ङीमे गन्‍दीक्‍म छीक्‍न आक्, मी घयेक्‍की ॱसीम् दी ॱएङ्‌गी लम्‍नी इक् मत् ज्‍युर्सोङ्। ॱनी को़न्‍ज्‍योक्‍ल तो़प्‍प आक् ॱमत् पुसोङ्। हरुङ् हुबे च्‍यो़न् तोङ्‌दु ची़क्‍केङ्‌गी ॱवङ् यो़प्‍प च्‍येम्‍मे को़न्‍ज्‍योक्‍ल ॱमो़म्‍बी़त् तङ्‌सोङ्।

ॱसाल्‍केत् 2:21

हुगी भी़मीक् हुगो ॱसीम् ज्‍युर्न युङ्‌गो़ट्‌टो ॱनो़न ङे गज्‍येन् गुबेन्। हजो़त् थुक्‍ल हुगी छ्‌येमी़ ले दी ॱलो़ तोङ्‌ज्‍ये ॱनो़ब दीरङ् मीत् झ्‍यीप्‍पेत्।