ॱसाल्‍केत् 16:10 - ल्होमी

¹⁰ हुनी भङ्‌ज्‍येम्‍ब ॱङब दीगी पालोल रोरङ्‌गी लक्‍ल यो़प्‍पे फोप्‍प दी हुगी ॱसीम्‍ज्‍येङ्‌गी ॱवङ् च्‍येम्‍मे स्‍युडी दील घबुक् ज्‍यप्‍सोङ्। हुनी हुगी ज्‍यागक् दील मेन्‍नक् ॱनक् थीङीय झ्‍युङ्‌न, हुगी मी घयेत् दी म दीरङ् सुक्‍सीक्‍की ॱनर्मी नोङ्‌न, ॱसोस्‍सोरङ्‌गी च्‍यीला ॱलेस्‍सोङ्।

ॱसाल्‍केत् 16:10 Iomraidhean Croise

मत्‍ती 13:42

मी बर्सल पुर्केन् बेत्। ॱनी हुदु ङुजी ज्‍यक्‍केन् धङ् ॱसोन्‍जीन् डीक्‍केन् युङ्‌गेन् बेत्।

मत्‍ती 13:50

हुनी ङेम्‍ब घयेत् दी मी बर्सल पुर्केन् बेत्। हुदु ङुजी ज्‍यक्‍केन् धङ् ॱसोन्‍जीन् डीक्‍केन् युङ्‌गेन् बेत्।

मत्‍ती 22:13

हुनी ज्‍याबु दीगी रोरङ्‌गी ॱयोक्‍पु दीबल हीगी मी हीगो कङ्‌लक् यालक् घयेत् दी कीङ्‌न छ्‌यील मेन्‍नक् ॱनक् थीङीयल पुर्लोङ्। हुदु ङुजी ज्‍यक्‍केन् धङ् ॱसोन्‍जीन् डीक्‍केन् युङ्‌गेन् बेत्।

मत्‍ती 24:51

हुनी हुगो धुम्‍बु धुम्‍बुल दुम्‍न छ्‌यीलेल नङ् मत् लेब घयेत् तोङ्‌सल तोङ्‌गेन् बेत्। हुदु ङुजी ज्‍यक्‍केन् धङ् ॱसोन्‍जीन् डीक्‍केन् युङ्‌गेन् बेत्।

मत्‍ती 8:12

ॱनी ॱलीत् गो़गेन् ज्‍यागक्‍की मीस्‍सीर् घयेत् दी हुनी छ्‌यील मेन्‍नक् ॱनक् थीङीयल पुर्केन् बेत्। हुदु ङुजी ज्‍यक्‍केन् धङ् ॱसोन्‍जीन् डीक्‍केन् युङ्‌गेन् बेत्।

लुका 13:28

अब्राहाम्, इसहाक्, याकुब् धङ् धङ्‌बी़ कलुङ् ॱस्‍यो़क्‍केन् घयेत् इगी को़न्‍ज्‍योक्‍की ज्‍यागक्‍तु दो़प्‍प खीत्‍रङ्‌गी थोङ्‌गेन् बेत्। ॱनी हीन्‍न अक्, खीत्‍रङ् नङ्‌ल स्‍युक्‍तु ॱमीत् ची़प्‍प, छ्‌यील दीत्‍न तोङ्‌गेन् बेत्। हुनी खीत्‍रङ् हुदु ङुजी ज्‍यक्‍केन् धङ् ॱसोन्‍जीन् डीक्‍केन् युङ्‌गेन् बेत्।

१ पत्रुस् 2:17

मी कुरीक्‍ल तो़प्‍प झ्‍यीन पी़न्‍ज्‍या घयेत्‍ल झ्‍यम्‍ब धङ् को़न्‍ज्‍योक्‍ल ज्‍यीब खुर्न दो़च्‍च्‍यीत्। ॱनी सीजर् ज्‍याबुल तो़प्‍प झ्‍यीज्‍यीत्।

ॱसाल्‍केत् 11:10

हीनी जम्‍बुलीङ्‌गी मी घयेक्‍की ह हज्‍यरङ्‌ल दुक्‍प अयेक्‍प तोङ्‌गेन् कलुङ् ॱस्‍यो़क्‍केन् ॱङीबु दी ॱस्‍यीनत्‍तुक् सीन्‍न गेसक्‍की रोरङ्‌सो च्‍यीक्‍तङ् च्‍यीक्‍ल छ्‌यो़म तीर्री चीगेन् बेत्।

ॱसाल्‍केत् 11:2

छ्‌यो़गङ्‌गी धङ्‌र छ्‌यीमा दी पी़प्‍पे ॱयोङ्‌मा घयेत् दील छेत् ज्‍योप्। घन्‍ड हीन् सीन्‍न धङ्‌र छ्‌यीमा हुगो ज्‍यी़त् ॱयोङ् ॱयोङ्‌गी मी घयेत्‍ल ची ज्‍यप्‍न स्‍यक्‍प बेत्। ॱनी को़न्‍ज्‍योक्‍की ढीक्‍ल पी़प्‍पे सार्ल हुब घयेत् दव स्‍यीप्‍च्‍यु स्‍यन्‍नी थुक् देत्‍न हुल छ्‌यम्‍गेन् बेत्।

ॱसाल्‍केत् 11:8

हुनी हुबे रो दी हुगी सार् छ्‌यीम्‍मी़ ॱसट्‌टक् दीदु रोरङ्‌सो़ ॱस्‍यीस्‍स दीदुरङ् ले डोगेन् बेत्। हुगी सार् दील पी डस्‍सील सदोम् धङ् मीस्‍र सीक्‍केन् बेत्। हुदु एल्‍ला रोरङ्‌सो़ चोव ज्‍यीन्‍दक् अक् कुरुस्‍ल तान ॱसेप्‍प बेत्।

ॱसाल्‍केत् 17:17

को़न्‍ज्‍योक्‍की ॱसुङ्‌रप्‍ल यो़प्‍पे ढो़ दी नम् डुप् डुप् थुक्‍ल ज्‍याबु च्‍युबु दी च्‍यीक्‍ल थी़न्‍न रोरङ्‌सो़ ॱवङ् घयेत् दी हुगी ॱसीम्‍ज्‍येन् दील टो़च्‍च्‍ये ॱनो़बे ॱसीम् हुबल को़न्‍ज्‍योक्‍की ॱनङ्‌गेन् बेत्।

ॱसाल्‍केत् 17:9

हीगो ॱह घोवल धो़र्रीक् च्‍येम्‍म गो़गेन् बेत्। गो दी़ङ्‌गी धो़न् दी लदोक् दी़ल्‍ल डोगेन् बेत्। ॱनी हुगी भुमु हुगो लदोक् दी़म्‍बु हुल दो़क्‍केन् बेत्। गो दी़ङ्‌गी धो़न् च्‍यीक् यङ् ज्‍याबु दी़ल्‍ल डोगेन् बेत्।

ॱसाल्‍केत् 18:2

ॱनी हुगी केत् छ्‌यीम्‍मुल बेबीलोन् छ्‌यीम्‍मु ह रम् डोगेन् बेत्। रम् डोगेन् बेत्। हुगो ॱनो़प्‍प अयेक्‍प घयेक्‍की दो़स्‍स धङ् ॱनो़प्‍प स्‍यीलोक्‍पोक्‍म घयेक्‍की छङ् धङ् झ्‍यज्‍युङ्‌म ढीप्‍लङ् च्‍येम्‍म स्‍यीलोक्‍सी घयेक्‍की दो़स्‍सल युङ्‌गेन् बेत्।

ॱसाल्‍केत् 18:21

हीनी तेङ् यी़गी भङ्‌ज्‍येम्‍ब ज्‍यीक्‍पोक्‍म च्‍यीक्‍की लागोर् गर्चम डस्‍सी दो च्‍यीक् डुन ज्‍यम्‍जो छ्‌यीम्‍मुल पुर्न हीन्‍दुक् सीस्‍सोङ्। हीगो पुर डस्‍सी बेबीलोन् सार् छ्‌यीम्‍मु हुगो ह मीप्‍पल येनर बेत्।

ॱसाल्‍केत् 18:23

ॱनी छेङ्‌गी धी़ल बत्‍ती बर्केन् च्‍यीक्‍तङ् मीत् युङ्‌गेन् बेत्। नम्‍ल अक् ॱनम मक्‍पे भालीङ्‌गी हुट्‌ट ॱह मीत् घोगेन् बेत्। स्‍येन् रङ्‌गी छोङ्‌बा घयेत् जम्‍बुलीङ्‌दु ज्‍यीक्‍स्‍योल थो़न्‍न युङ बेत्। रङ्‌गी ॱयोङ्‌गोर् ज्‍यप्‍न जम्‍बुलीङ्‌गी ज्‍यागक् घयेत् कुरीक् रङ् ङो़ल छ्‌यी़दु ची़प्‍प बेत्।

ॱसाल्‍केत् 8:12

हीनी यङ् भङ्‌ज्‍येम्‍ब स्‍यीब दीगी पालोल कङ्‌लीङ् दी भी़सोङ्। हुनी ङीम गो ॱसुम्‍ल तङे गो च्‍यीक् धङ् दच्‍च्‍य गो ॱसुम्‍ल तङे गो च्‍यीक् धङ् कर्म घयेत् गो ॱसुम्‍ल तङे गो च्‍यीक्‍ल च्‍यो़न् तङ्‌सोङ्। हुनी हुबे ओ़त् दी गो ॱसुम्‍ल तङे गो च्‍यीक् येसोङ्। हुनी ङीन् गो ॱसुम्‍ल तङे गो च्‍यीक् धङ् छेन् गो ॱसुम्‍ल तङे गो च्‍यीक्‍की ओ़त् दी च्‍युङ्‌दु टप्‍सोङ्।

ॱसाल्‍केत् 9:2

ॱनी ॱसेङ्‌दोङे घप्‍तोक् दी कर्म दीगी पीक्‍सोङ्। ॱसेङ्‌दोङे नङ् दीन मी छ्‌यीम्‍मु बको़र्प्‍प डस्‍सी हुनी धुवक् छेत्‍मीत् थो़न्‍सोङ्। ॱनी हुगी धुवक् दीगी ॱनम् दीरङ् टेक् घेङ्‌न, ङीमे ओ़त् दी कक् तङ्‌सोङ्।