ॱसाल्‍केत् 15:8 - ल्होमी

⁸ हुनी को़न्‍ज्‍योक्‍की ओ़च्‍च्‍य धङ् खोङ्‌गी ॱस्‍यीक्‍की हुगी छ्‌यो़गङ् दी धुवक्‍की टेक् घेङ्‌सोङ्। ॱनी च्‍यो़न् छ्‌यीम्‍मु तोङ्‌ज्‍येम दी़म्‍बु दीगी नम् च्‍यो़न् दी तोङ् छर् छर् थुक्‍ल ॱसु उक् हुगी नङ् दील स्‍युक् ॱमत् छुसोङ्।

ॱसाल्‍केत् 15:8 Iomraidhean Croise

रोमी 11:33

को़न्‍ज्‍योक्‍की झ्‍यी़रीक् धङ् ॱस्‍यीरप् रीक्‍प हुगो घन्‍दुक्‍मे तीङ् सब दुक्‍क। खोङ्‌ल घन्‍दुक्‍मे नोर्की भङ्‌जेत् दुक्‍क। खोङ्‌गी ठीम् तये लेमु हुगोल नम् च्‍येत्‍न तेन आक्, ॱस्‍यीदोक्‍प दीरङ् मीन्‍दुक्। खोङ्‌गी लुस घयेत् हुगो ॱह दीरङ् घो छुदोक्‍प मीन्‍दुक्।

२ थीस्‍सलोनीका 1:9

ॱनी हुन्‍दुक् झ्‍यीन हुब घयेत्‍ल ओ़बे छ्‌येप्‍प केन हुब चोव ज्‍यीन्‍दक्‍की ढुङ्‌दु, खोङ् रोरङ्‌गी तो़त्‍वङ् छ्‌यीम्‍मी़ ओ़च्‍च्‍य झ्‍यीस्‍सल ॱलीच्‍च्‍ये मीप्‍पल सो़न फुगी ॱस्‍यीस्‍सल तोङ्‌गेन् बेत्।

ॱसाल्‍केत् 15:1

हीनी यङ् तेङ् यी़दु ॱमीत् च्‍यीक्‍पे ता छ्‌यीम्‍मु ॱह लेसी च्‍यीक् ङे थोङ्‌ज्‍युङ्। उन भङ्‌ज्‍येम्‍ब दी़न् दुक्। ॱनी हुबे लक्‍ल तीङ्‌स्‍युक्‍ल को़न्‍ज्‍योक्‍की ङेल्‍लेन् च्‍येन च्‍यो़न् छ्‌यीम्‍मु तोङ्‌ज्‍येम दी़न् दुक्। हुनी क खोङ्‌गी खोङ्‌डोक् दी स्‍यीगेन् बेत्।

ॱसाल्‍केत् 21:11

हुल को़न्‍ज्‍योक्‍की तो़त्‍वङ्‌गी ओ़क्‍की म दीरङ् हुगो टक्‍सी रीम्‍बुर् छ्‌यीये दो ॱस्‍यीदो डस्‍सी च्‍यस्‍सीङीय दुक्।