हुनी क ज्यी़त् ॱयोङ् ॱयोङ्गी मी घयेक्की इक् को़न्ज्योक्की ॱङीङ्ज्यी छ्यीम्मु जेप्पे ढीक्ल खोङ्ल तो़प्प पु छुगेन् बेत्। हीगी ढीक्ल ॱसुङ्रप्ल ढीन यो़क्केन् बेत्। ज्यी़त् ॱयोङ् ॱयोङ्गी मी घयेक्की छीक्तु नीज्यरङ्ल तो़क्केन्। नीज्यरङ्गी छेङ्गी ढीक्ल तो़प्पे तो़त्लु पुगेन् सीन्न यो़क्केन् बेत्। (ॱसुङ्रप्की गुल्लु १८:४९)
ॱसाल्केत् 15:4 - ल्होमी4 चोव ज्यीन्दक् नीज्यरङ्ल ज्यीब मीत् झ्यीक्केन् ॱसु दी यो़प्प? नीज्यरङ्गी छेल्ल तो़प्प ॱमीत् पुगेन् ॱसु दी यो़प्प? धक्पर् च्येम्म दी ॱनी नीज्यरङ् मेन्द, ॱयोङ् ॱसु उक् मीप्प बेत्। ज्यी़त् ज्यी़क्की मी घयेत् नीज्यरङ्ल छ्यक् छो़दु युङ्गेन् बेत्। घन्ड हीन् सीन्न नीज्यरङ्गी जेप्पे ले घयेत् दी ढङ्बु हीम्ब हुबे ॱह घोन यो़क्केन् बेत्। Faic an caibideil |
ॱसाल्केत् 15:4
44 Iomraidhean Croise
हुनी भङ्ज्येम्ब दी़म्ब दीगी पालोल कङ्लीङ् दी भी़सोङ्। हुनी तेङ् यी़दु केत् छ्यीम्मु च्यङ्ज्यङ्ल गज्येङ्गी हीन्दुक् सीस्सोङ्। ह जम्लीङ् की़ल्ल ज्यागक् च्योङ्गेङ्गी ॱवङ् दी हज्यरङ्गी चोव ज्यीन्दक् धङ् खोङ्गी को़बे च्यप्को़न् ख्रीष्ट्ल झ्युङ्सोङ्। हीनी झ्यीब दी धी़ नम ज्यी़न्दु खोङ्गी ॱवङ् च्योङ्गेन् बेत्।
ॱनी हुगी केत् छ्यीम्मु तो़न्न हीन्दुक् सीस्सोङ्। कोलीमी घयेत् को़न्ज्योक्ल ज्यीब झ्यीन खोङ्ल तो़प्प पु। घन्ड हीन् सीन्न ह को़न्ज्योक्की ठीम् च्यो़प्पे धी़ दी ॱलीस्सोङ्। तेङ् यी़, ॱस जम्बुलीङ्, छ्यु ज्यम्जो छ्यीम्मु धङ् छ्यु थो़न्स घयेत् जेङ् सोगेन् खोङ्ल छ्यक् छो़ज्यीत्।
खोङ्गी ठीम् च्येत्न छ्येप्प केब घयेत् ओ़ब दीम्ब युङ्गेन् बेत्। घन्ड हीन् सीन्न हुगी छ्येमु छ्यीम्मु हुगी छ्ये ज्युबे लेगी जम्लीङ् की़न् दीरङ् हुगी लेमु डस्सील सो़न मीत्तल तङ बेत्। हुगो झ्यीनी हुल ओ़बे छ्येप्प केन खोङ् रोरङ्गी ॱयोक्पु घयेक्की ठक्की ङेल्लेन् दी हुल च्येसोङ् सीन्न सीस्सोङ्।
हीगो फीलाडेल्फीयागी छ्यो़ छोगी ढीक्ल को़बे तेङ् यी़गी भङ्ज्येम्बल ढीज्यीत्। हीगो धक्पर् धङ् दीम्बर् यो़क्केन्, ज्याबु दाऊद्गी च्यी थोप्न यो़प्प च्येम्मे सीगुगो झ्यीज्यीत्। हीगी गोच्च पीक्सोङ्न ॱनी, ॱसी़ इक् च्यो़त् ॱमीत् छुगेन् बेत्। ॱनी यङ् हीगी गोच्च च्येस्सोङ्न ॱनी, हुगो ॱसी़ इक् पीक् ॱमीत् छुगेन् बेत्।
हुब स्यीगर्ल ॱस्योक्पक् ढुक् ढुक् दुक्। ॱनी सी़ दील म दीरङ् ॱमीक् जेक् दुक्। ॱनी ङीन् छेन् मीप्प ङे ॱमीत् ॱसोव, हुब स्यीबी़ ॱङो़न्दु उक् यो़क्केन्, हुन्दो ओक् यो़क्केन्, तीङ्ला आक् झ्यो़ङ्गेन्, ॱवङ् की़न् च्येम्मे चोव ज्यीन्दक् को़न्ज्योक् धक्पर् धक्पर् धक्पर् यो़क्केन् सीन्न च्योर्न पुगुक्।
Sanasan