ॱसाल्केत् 14:7 - ल्होमी7 ॱनी हुगी केत् छ्यीम्मु तो़न्न हीन्दुक् सीस्सोङ्। कोलीमी घयेत् को़न्ज्योक्ल ज्यीब झ्यीन खोङ्ल तो़प्प पु। घन्ड हीन् सीन्न ह को़न्ज्योक्की ठीम् च्यो़प्पे धी़ दी ॱलीस्सोङ्। तेङ् यी़, ॱस जम्बुलीङ्, छ्यु ज्यम्जो छ्यीम्मु धङ् छ्यु थो़न्स घयेत् जेङ् सोगेन् खोङ्ल छ्यक् छो़ज्यीत्। Faic an caibideil |
ॱसाल्केत् 14:7
44 Iomraidhean Croise
ॱवे खीत्रङ्सो, घन्डल हीन्दुक् झ्यीक्केन्। ङीत् इत् खीत्रङ् डस्सीगी मीरङ् हीन्। हीन्दुक् झ्यीब घो ॱमीत् छ्यो़क्की ले च्यम् स्योक्। तेङ् यी़, जम्बुलीङ्, छ्यु ज्यम्जो छ्यीम्मु धङ् घङ् यो़प्प घयेत् छ्यादु ची़क्केन् ॱसोम्बु हीम्बे को़न्ज्योक् च्याल लोक् छुज्ये यो़प्पल खीत्रङ्ल केच्च्य ॱनेम्बु ॱस्यो़त्तु ङीत् युङ हीन्।
नीज्यरङ्ल खोङ्डोक् झ्यीक्केङ्गी ज्यी़त् ज्यी़त् घयेत्ल ङेल्लेन् च्यो़ज्येमे धी़ दी धङ् मी ॱस्यी छर घयेत्ल ठीम् च्यो़च्च्येमे धी़ दी ह ॱलीस्सोङ्। ॱनी नीज्यरङ्गी ॱयोक्पु कलुङ् ॱस्यो़क्केन् घयेत् धङ् नीज्यरङ्ल ज्यीब खुर्केन् नीज्यरङ्गी मी चङ्म छ्यीया च्युङा कुरीक्ल ॱल ॱनङ्ज्येमे धी़ दी धङ् जम्बुलीङ् मीत्तल तोङ्गेन् घयेत् दीब यङ् मीत्तल तोङ्ज्येमे धी़ दी ह ॱलीस्सोङ् सीन्न सीस्सोङ्।
चोव ज्यीन्दक् नीज्यरङ्ल ज्यीब मीत् झ्यीक्केन् ॱसु दी यो़प्प? नीज्यरङ्गी छेल्ल तो़प्प ॱमीत् पुगेन् ॱसु दी यो़प्प? धक्पर् च्येम्म दी ॱनी नीज्यरङ् मेन्द, ॱयोङ् ॱसु उक् मीप्प बेत्। ज्यी़त् ज्यी़क्की मी घयेत् नीज्यरङ्ल छ्यक् छो़दु युङ्गेन् बेत्। घन्ड हीन् सीन्न नीज्यरङ्गी जेप्पे ले घयेत् दी ढङ्बु हीम्ब हुबे ॱह घोन यो़क्केन् बेत्।
नुक्मे नोर्की ज्यीक्प ॱरीप् घङ्ल येसोङ् न व सीक्केन् बेत्। ॱनी हुगी सार् छीक्न थो़म्बे धुवक् दी थोङ्नी छ्यु ज्यम्जो छ्यीम्मुल ढुल स्युन डोगेन्, ढुबा घयेक्की चोबो़न्, ढुबा घयेत् धङ् छ्यु ज्यम्जो छ्यीम्मुल ले झ्यीन मीजी पीक्केन् घयेत् थम्ज्येत् हुब कुरीक् थक्रीङ्मुदु देत्न हुगो डस्सीगी सार्की ज्यीक्प ह ॱयोङ् घन दी यो़प्प? सीन्न केत् ज्यक्केन् बेत्।
Sanasan