ॱसाल्केत् 14:10 - ल्होमी10 हुगी को़न्ज्योक्की खोङ्डोक् पो़त्न युङ दी गोङ्ज्यङ् घर्पोक्म थुङ डस्सी थुङ् गो़ ॱस्यर्केन् बेत्। हुगो ङेल्लेन् च्यो़ज्येमे को़न्ज्योक्की छ्यो़स्स्याल ॱलुक्न दुक्। हुगी मी हुगोल तेङ् यी़गी भङ्ज्येम्ब चङ्म घयेत् धङ् लुक्टुक्की ढुङ्दु मी धङ् मुसी बरे नङ्ल ॱलुक्न दुक्स्यीगी ॱनर्मी नोङ्गेन् बेत्। Faic an caibideil |
ॱसाल्केत् 14:10
45 Iomraidhean Croise
ॱनी हुल भो़त्मीय दीबे पत्रुस्ल कर्नीलीयस् सीक्केन् ॱमक्पो़न् च्यीक्की ङीत् तङ्ज्युङ्। खोङ् ढङ्बु, को़न्ज्योक्ल ज्यीब खुर्न दो़क्केङ्गी मी बेत्। यहुदी घयेत् कुरीक्की खोङ्ल तो़क्केन् बेत्। खोङ्ल तेङ् यी़गी भङ्ज्येम्ब चङ्म च्यीक्की पत्रुस् हुगो ठीक्तु तोङ्। हुगी रङ्ल तम् ॱस्यो़क्केन् बेत् सीन्न ॱङानी, खोङ्गी ङीत् तङ्ज्युङ् सीन्न झ्यीब बेत्।
हुनी क खीत्रङ् धङ् ङीत् दुक्पे लक्नी थर्केन् बेत्। हुगी यङ्ल चोव ज्यीन्दक् येशु मीज्ये छ्यीम्मुल भप्न खोङ् रोरङ्गी भङ्ज्येम्ब ज्यीक्पा घयेत्तङ् दल तेङ् यी़नी मल्ल कुरीक्की थोङ्सल झ्यो़ङ्गेन् बेत्। ॱनी हुगी यङ्ल को़न्ज्योक् ॱमीत् ॱसम्गेन् धङ् हज्यरङ्गी चोव ज्यीन्दक् येशुगी केच्च्य ॱनेम्बुल मीत् नेङ्गेन् घयेत्ल खोङ्गी लेन् च्यो़गेन् बेत्।
हीगो डस्सी सदोम् सार् धङ् गमोरा सार्, ॱनी हुगी थप्स्यीगी सार् घयेक्की मी इक् हुन्दुक् दीरङ् झ्यीन छ्येगी ॱवङ्ल ॱस्योर्न, कोलीमीगी लुसल मीप्पे झ्यीत् मत् रुङे ले एक् झ्यीब बेत्। हुन्दुक् झ्यीनी हुबल को़न्ज्योक्की छ्येप्प केब बेत्। ॱनी हुगो फुगी मी बर्से ॱनर्मी नोङ्से लेमु डस्सी झ्युङ बेत्।
घन्ड हीन् सीन्न छ्येमु बेबीलोन् हुगी छ्ये ज्युबे गोङ्ज्यङ् घर्पोक्म जम्बुलीङ्गी ज्यागक् कुरीक्ल थुङ्दु ची़त्तुक्। ॱनी जम्बुलीङ्गी ज्याबु घयेत् धङ् हुगो छ्ये गज्येन् ज्युदुक्। हुगो नोर्की भङ्जेत् च्येम्म झ्यीनी, हुगोदङ् छोङ् ज्यक्केन् जम्बुलीङ्गी छोङ्बा घयेत् एत् छ्युक्पुल बर्नत्तुक् सीस्सोङ्।
हुनी तबा दी ज्यला थो़न्न हुगी ॱसीम्ज्येन् दी धङ् हुगी दल यो़प्पे कलुङ् जी़म ॱस्यो़क्केन् दी सुङ् तङ्सोङ्। हुगी ॱसीम्ज्येङ्गी को़बे कलुङ् जी़म ॱस्यो़क्केन् दीगी यीक् छ्यीम्मी़ लेगी ता गज्येन् झ्यीन तो़न्नी, हुगी ॱसीम्ज्येङ्गी दक् लीङ्गेन्, हुगी डवुल छ्यक् छो़गेन् घयेत् दी हुगी ॱयोङ्गोर्ल छ्यी़नर हीङ्गो़प्प बेत्। हुनी ॱसीम्ज्येन् दी धङ् कलुङ् जी़म ॱस्यो़क्केन् दी ॱङीक्कर् ॱसोम्बु मुसी धङ् मी बर्से छोल पुर् तङ्सोङ्।
ॱनी ॱङीङ् च्युङेत्मु खुर्केन्, छ्य मीत् स्योक्केन्, स्यीलोक्सीगी ले झ्यीक्केन्, मीस्सेन्, छ्ये ज्युक्केन्, जुम्डी़ तो़ङ्गेन्, ॱल्ह धङ् कुल छ्यक् छ्यो़प्प पुगेन् धङ् ॱएजङ हुन्दुक् झ्यीब कुरीक् हुब घयेक्की दो़स्स दी मुसी धङ् मी बर्से छोल युङ्गेन् बेत्। हील ॱस्यीव तीङ्मा सीक्केन् बेत् ॱसुङ्ज्युङ्।
Sanasan