ॱसाल्केत् 13:6 - ल्होमी6 ॱनी हुगी खनी को़न्ज्योक्ल धङ् खोङ् स्युस तेङ् यी़ल धङ् उन घङ् यो़प्प कुरीक्की ढीक्ल ॱमो़म्बी़क्की तम् लप्कुक्। Faic an caibideil |
ॱसाल्केत् 13:6
26 Iomraidhean Croise
ॱनी हुगी ॱसुङ्स्येत् दी क कोलीमील कीन युङ्न हज्यरङ् मी घयेक्की घुङ्दु स्युब बेत्। खोङ् म दीरङ् यप् को़न्ज्योक्की ॱरेबु च्यीगी च्यीक् हीम्ब खोङ्ल यप्की तो़त्वङ् छ्यीम्मु ॱनङ्न यो़प्प ङीक्की थोङ्ज्युङ्। खोङ्ल यप् च्यानी झ्युङे थुज्यी धङ् दीम्ब छङ्न यो़प्प ङीक्की ॱस्यीज्युङ्।
हीनी स्युडी ढुङ् दीनी मल्ल केत् छ्यीम्मु च्यीक्ल ह को़न्ज्योक् स्युस मी घयेक्की घुङ्दु झ्युङ्सोङ्। खोङ् मी घयेत्तङ् दल स्युदु झ्यो़ङ्गेन् बेत्। ॱनी हुगी मी हुब को़न्ज्योक्की मीस्सीर् हीम्ब युङ्गेन् बेत्। ॱनी खोङ् हुबदङ् दल स्युनी, खोङ् हुबे को़न्ज्योक् हीम्ब युङ्गेन् बेत्।
हुनी यङ् तेङ् यी़न घङ् यो़प्प घयेत्, जम्बुलीङ्न घङ् यो़प्प घयेत्, ॱसे होक्ल घङ् यो़प्प घयेत् धङ् ज्यम्जो छ्यीम्मुल घङ् यो़प्प उज्येन्गी रीस्स ज्यी़प्प कुरीक्की स्युडील स्युगेन् दील धङ् लुक्टुक्ल थु छ्यी, यस्सो, तो़त्वङ्गी ओ़च्च्य धङ् ॱवङ् छ्यीम्मु धी़ नम ज्यी़न्दु युङ् युङ युङ्ज्ये यो़प्प स्योक्च्यीत् सीर ङे ॱह घोज्युङ्।
Sanasan