ॱसाल्केत् 13:17 - ल्होमी17 ॱनी हुगी दक् ज्यब च्येम्मे मी घयेत् दी पी़प्पे हीन्डो़, मी ॱयोङ्मा घयेत्ल घन्ड अक् चोङे ॱहक् मीप्प, घन्ड अक् नोये ॱहक् मीप्प झ्युङ्सोङ्। हुगी दक् दी ॱसीम्ज्येन् दीगी मीङ् दी हीम्ब न, मीङ्गी ढङ्ज्युक् दी हीम्ब न, च्यीक् दुक्। Faic an caibideil |
ॱसाल्केत् 13:17
11 Iomraidhean Croise
ॱनी ङे यङ् छ्यु ज्यम्जो छ्यीम्मु डस्सी च्यीक् थोङ्ज्युङ्। हुगो ॱस्यी च्यस्सीङीय धङ् मी बर ॱरीमा च्येम्म डस्सी दुक्। ॱनी हुगी ॱसीम्ज्येङ्गी डवुल छ्यक् ॱमीत् छो़गेन्, हुगी मीङ्गी ढङ्ज्युक् मत् लीम्ब, हुगोले ज्यला थो़न्न युङे मी घयेत् दी हुगी छ्यु ज्यम्जो छ्यीम्मु डस्सी दीगी छीगन लोङ्न दो़क्कुक्। ॱनी हुब घयेत्ल को़न्ज्योक्की डम्लेङ् री री बीन्दुक्।
हीनी यङ् ङे थोङल इगीन ॱवङ् च्येम्मे स्युडी गज्येन् दुक्। ॱनी स्युडी रीदङ् रील दो़क्केन् री री दुक्। हुब घयेत्ल ठीम् च्यो़च्च्येमे ॱवङ् बीन्दुक्। हुब घयेत् येशुगी ढीक्ल दीम्बे केच्च्य ॱस्येप्पल धङ् को़न्ज्योक्की ॱसुङ्रप्की केच्च्य ॱस्यो़प्पे ढीक्ल गो दुम् तङ घयेक्की ॱसीम् दी बेत्। हुब घयेक्की हुगी ॱसीम्ज्येन् हुल छ्यक् ॱमत् छेब, हुगी डवु दील अक् छ्यक् ॱमत् छेब, थोक्कोक्ल आक् हुगी दक् मत् लीम्ब, ॱनी लक्पल अक् मत् लीम्बे मी घयेत् दी हुब बेत्। ॱनी हुब कुरीक् ॱसोम्बुल लोङ्न लोङ तोङ्डक् च्यीक् थुक् ख्रीष्ट्तङ् दल ॱवङ् च्योङ थोङ्ज्युङ्।
ॱसु ज्यला थो़न्न युङ्गुक्क हुगो ङे को़न्ज्योक् स्युसे छ्यो़गङ्गी का च्यीक्ल सो़न, हुनी हुगो नम्ल अक् छ्यील थो़न् मीत् गो़ब युङ्गेन् बेत्। हुनी हुल ङे को़न्ज्योक्की छेन् धङ् को़न्ज्योक् च्यानी इगी तेङ् यी़नी मल्ल भप्न युङ्गेन् ङे को़न्ज्योक्की सार् यरुशलेम् ॱसम्बे मीङ् धङ् ङरङ्गी मीङ् ॱसम्ब च्यीक् हुल ढीन स्योक्केन्।
Sanasan