ॱसाल्केत् 13:16 - ल्होमी16 हुनी मी छ्यीया च्युङा धङ् छ्युक्पु टङ्बु धङ् मी रङ्वङ् च्येम्म धङ् रङ्मो़ मीप्पे ॱयोक्पु कुरीक्ल यरील लक्प ॱयेबल, यरील थोक्कोक्ल खेरक्की दक् ज्यक्तु ची़स्सोङ्। Faic an caibideil |
ॱसाल्केत् 13:16
26 Iomraidhean Croise
हीगी ढीक्ल यहुदी हीन्, यङ् ज्यी़त् ॱयोङ्गी मी हीन्, यहुदीगी दक् ज्यबे मी हीन्, यङ् मत् ज्यबे मी हीन्, छ्योनी युङे मी हीन्, यङ् री़ब च्युङागी मी हीन्, रङ्मो़ मीप्पे ॱयोक्पु हीन्, रङ्मो़ च्येम्मे मी हीन्न अक्, हीगो घन्ड अक् मेम्बेत्। ॱनी म चा छ्यीस्स्यो दी ख्रीष्ट् बेत्। खोङ् कुरीक्तङ् दल घदु उक् युङ् छुगेन् बेत्।
नीज्यरङ्ल खोङ्डोक् झ्यीक्केङ्गी ज्यी़त् ज्यी़त् घयेत्ल ङेल्लेन् च्यो़ज्येमे धी़ दी धङ् मी ॱस्यी छर घयेत्ल ठीम् च्यो़च्च्येमे धी़ दी ह ॱलीस्सोङ्। ॱनी नीज्यरङ्गी ॱयोक्पु कलुङ् ॱस्यो़क्केन् घयेत् धङ् नीज्यरङ्ल ज्यीब खुर्केन् नीज्यरङ्गी मी चङ्म छ्यीया च्युङा कुरीक्ल ॱल ॱनङ्ज्येमे धी़ दी धङ् जम्बुलीङ् मीत्तल तोङ्गेन् घयेत् दीब यङ् मीत्तल तोङ्ज्येमे धी़ दी ह ॱलीस्सोङ् सीन्न सीस्सोङ्।
ॱनी ङे यङ् छ्यु ज्यम्जो छ्यीम्मु डस्सी च्यीक् थोङ्ज्युङ्। हुगो ॱस्यी च्यस्सीङीय धङ् मी बर ॱरीमा च्येम्म डस्सी दुक्। ॱनी हुगी ॱसीम्ज्येङ्गी डवुल छ्यक् ॱमीत् छो़गेन्, हुगी मीङ्गी ढङ्ज्युक् मत् लीम्ब, हुगोले ज्यला थो़न्न युङे मी घयेत् दी हुगी छ्यु ज्यम्जो छ्यीम्मु डस्सी दीगी छीगन लोङ्न दो़क्कुक्। ॱनी हुब घयेत्ल को़न्ज्योक्की डम्लेङ् री री बीन्दुक्।
हुनी तबा दी ज्यला थो़न्न हुगी ॱसीम्ज्येन् दी धङ् हुगी दल यो़प्पे कलुङ् जी़म ॱस्यो़क्केन् दी सुङ् तङ्सोङ्। हुगी ॱसीम्ज्येङ्गी को़बे कलुङ् जी़म ॱस्यो़क्केन् दीगी यीक् छ्यीम्मी़ लेगी ता गज्येन् झ्यीन तो़न्नी, हुगी ॱसीम्ज्येङ्गी दक् लीङ्गेन्, हुगी डवुल छ्यक् छो़गेन् घयेत् दी हुगी ॱयोङ्गोर्ल छ्यी़नर हीङ्गो़प्प बेत्। हुनी ॱसीम्ज्येन् दी धङ् कलुङ् जी़म ॱस्यो़क्केन् दी ॱङीक्कर् ॱसोम्बु मुसी धङ् मी बर्से छोल पुर् तङ्सोङ्।
हीनी स्युडी ढुङ् दीन मी ॱस्यीनर घयेत् छ्यीज्युङ्मीत् कुरीक् क लोङ्न दो़क्कुक्। हुनी पीज्य गज्येन् ॱलोक्न तेसोङ्। हुनी यङ् पीज्य ॱयोङ्म च्यीक् ॱलोक्न तेसोङ्। हुगो छीये थो दी बेत्। हुगी ॱस्यीनर घयेत् दीगी मीजील एल्ला घन्ड घन्ड झ्यी यो़दङ् हुगो कुरीक् हुगी पीज्य घयेत् दीगी नङ्ल ढीन दुक्। ॱनी हुल तेन रीदङ् रील ठीम् च्येस्सोङ्।
हीनी यङ् ङे थोङल इगीन ॱवङ् च्येम्मे स्युडी गज्येन् दुक्। ॱनी स्युडी रीदङ् रील दो़क्केन् री री दुक्। हुब घयेत्ल ठीम् च्यो़च्च्येमे ॱवङ् बीन्दुक्। हुब घयेत् येशुगी ढीक्ल दीम्बे केच्च्य ॱस्येप्पल धङ् को़न्ज्योक्की ॱसुङ्रप्की केच्च्य ॱस्यो़प्पे ढीक्ल गो दुम् तङ घयेक्की ॱसीम् दी बेत्। हुब घयेक्की हुगी ॱसीम्ज्येन् हुल छ्यक् ॱमत् छेब, हुगी डवु दील अक् छ्यक् ॱमत् छेब, थोक्कोक्ल आक् हुगी दक् मत् लीम्ब, ॱनी लक्पल अक् मत् लीम्बे मी घयेत् दी हुब बेत्। ॱनी हुब कुरीक् ॱसोम्बुल लोङ्न लोङ तोङ्डक् च्यीक् थुक् ख्रीष्ट्तङ् दल ॱवङ् च्योङ थोङ्ज्युङ्।
Sanasan