ॱसाल्केत् 13:10 - ल्होमी10 हुगी धी़ल को़न्ज्योक्की मी चङ्म ॱसु चो़ल्ल डो गोगेन् बेक्क हुगो चो़ल्ल डोगेन् बेत्। ॱनी यङ् मी ॱसु ढी पदङ्गी लक्ल ॱस्यी गोगेन् बेक्क हुगो पदङ्गी लक् दीलरङ् ॱस्यीगेन् बेत्। हीगी यङ्ल क थीरी देत्न गुर् थेक्प गो़गेन् बेत्। Faic an caibideil |
ॱसाल्केत् 13:10
29 Iomraidhean Croise
खीत्रङ्गी पी़न्ज्या ङ युहन्ना येशुदङ् मत् ढेब यो़प्पल खोङ्गी ढीक्ल दुक्प धङ् खोङ्गी ज्यागक्की मीस्सीर् हीम्बल धङ् गुर् थेक्पल खीत्रङ्दङ् कीदुक् च्यीक्प यो़त्। को़न्ज्योक्की केच्च्य धङ् येशुगी ढीक्की केच्च्य ॱस्येप्पे ढीक्ल ङ छ्यु ज्यम्जो छ्यीम्मी़ घुङ्गी ॱसने पत्मोस् झ्यीस्स च्यीक्तु च्येज्युङ्।
नीज्यरङ्ल खोङ्डोक् झ्यीक्केङ्गी ज्यी़त् ज्यी़त् घयेत्ल ङेल्लेन् च्यो़ज्येमे धी़ दी धङ् मी ॱस्यी छर घयेत्ल ठीम् च्यो़च्च्येमे धी़ दी ह ॱलीस्सोङ्। ॱनी नीज्यरङ्गी ॱयोक्पु कलुङ् ॱस्यो़क्केन् घयेत् धङ् नीज्यरङ्ल ज्यीब खुर्केन् नीज्यरङ्गी मी चङ्म छ्यीया च्युङा कुरीक्ल ॱल ॱनङ्ज्येमे धी़ दी धङ् जम्बुलीङ् मीत्तल तोङ्गेन् घयेत् दीब यङ् मीत्तल तोङ्ज्येमे धी़ दी ह ॱलीस्सोङ् सीन्न सीस्सोङ्।
रङ्गी थोङे ॱसीम्ज्येन् हुगो एल्ला झ्युङ बेत्। ॱनी हुन्दो मीप्प बेत्। ॱनी हुगो यङ् खीस मीप्पे ॱसेङ्दोङ दीगी नङ्नी थो़ङ्गेन् बेत्। थो़न्नी, यङ् हुगो खरप्ल टप् डोगेन् बेत्। ॱस धङ् ॱनम् छ्यादु ची़प्पनी झ्यीनी छीये थोल मीङ् मत् ढीबे मी घयेत् दी हुगी ॱसीम्ज्येन् हुगो थो़म्ब थोङ्नी, ॱह लेगेन् बेत्। घन्ड हीन् सीन्न एल्ला हुगो झ्युङ बेत्। हुनी यङ् मीप्प बेत्। ॱनी यङ् तीङ्ला थो़ङ्गेन् बेत्।
छ्यो़ छो नङ्दु खीत्रङ्गी कले च्येप्प, धु च्योङ धङ् हुनी ॱयोङ्मा घङ् झ्यीप्प घयेत् कुरीक् ङल ॱस्यो़च्च्ये यो़त्। मी ङेम्ब घयेक्की खल खीत्रङ् मत् नेम्ब हीम्ब ङल ॱस्यो़च्च्ये यो़त्। हुबे ङीत् ठीक्नल हीन् सीन्न सीक्केन् बेत्। ॱनी सीन्न अक्, खीत्रङ्गी हुबल छो़त् तेन जी़म हीम्ब ॱयुव पीक् छुसोङ्।
Sanasan