ॱसाल्केत् 12:11 - ल्होमी11 हज्यरङ्गी पी़न्ज्या घयेत् डुक् हुगोले ज्यला थो़न्ज्ये दी लुक्टुक्की ठक् धङ् रोरङ्सो़ ॱस्येप्पे दीम्बे केच्च्य दीगी थो़म्ब बेत्। ॱनी हुबे रोरङ्सो़ ॱरोक् दीरङ् च्यो़ गो़ ॱस्यर्न आक्, हुल फङ मत् झ्यीब बेत्। Faic an caibideil |
ॱसाल्केत् 12:11
33 Iomraidhean Croise
खीत्रङ् ङदङ् मत् ढेब देत्न ॱनी, खीत्रङ्ल ॱसीम् दीव युङ्गेन् बेत्। हुगो युङ्ज्येल ङे केच्च्य घयेत् हीगो ॱस्येत्न स्यक्पेन्। जम्बुलीङ् हीदु खीत्रङ्ल दुक्प अयेक्प नोङ्गेन् बेत्। ॱनी हीन्न अक्, हुल खीत्रङ् ॱलोप्स्यीक् छ्यीजो़त् झ्यीन दो़च्च्यीत्। घन्ड हीन् सीन्न जम्बुलीङ् हीले ङ ज्यला थो़न् छर बेत् झ्यीब बेत्।
खीत्रङ्गी पी़न्ज्या ङ युहन्ना येशुदङ् मत् ढेब यो़प्पल खोङ्गी ढीक्ल दुक्प धङ् खोङ्गी ज्यागक्की मीस्सीर् हीम्बल धङ् गुर् थेक्पल खीत्रङ्दङ् कीदुक् च्यीक्प यो़त्। को़न्ज्योक्की केच्च्य धङ् येशुगी ढीक्की केच्च्य ॱस्येप्पे ढीक्ल ङ छ्यु ज्यम्जो छ्यीम्मी़ घुङ्गी ॱसने पत्मोस् झ्यीस्स च्यीक्तु च्येज्युङ्।
हुनी ङे भङ्ज्येम्ब दील छ्यक् छेबेन्। ॱनी हुगी ङल छ्यक् ॱमत् छो़लेत्। ङ को़न्ज्योक्की ॱयोक्पु, रङ् धङ् रङ्गी पी़न्ज्या डस्सी, येशुगी ढीक्ल दीम्बे केच्च्य ॱस्यो़क्केन् घयेत् डस्सीरङ् हीन्। को़न्ज्योक्लरङ् क छ्यक् छो़। येशुगी ढीक्ल दीम्बे केच्च्य ॱस्यो़क्केन् घयेत्ल कलुङ् ॱस्यो़त् छुबल धम्बे थु यो़क्केन् बेत् सीच्च्युङ्।
खीत्रङ् घन दो़क्को़प्प हुगो ङल ॱस्यो़च्च्ये यो़त्। खीत्रङ् शैतान्गी ॱवङ् च्येम्मे स्युडी यो़स्से लुङ्बन दो़क्केन् बेत्। ॱनी हीन्न अक्, ङे मीङ् डेन्न तेन्देन् झ्यीन दो़क्कुक्। हुदु शैतान्गी ॱवङ् च्येम्मे स्युडी यो़स्सदु ङे ढीक्ल दीम्बे केच्च्य ज्युरुव मीप्प ॱस्यो़क्केन् एन्टीपास् ङे धो़न्दु ॱसेत् तोङे यङ्ल अक् खीत्रङ्गी ङ छ्य स्योक्केन् मेन् सीन्न मत् सीस्सोङ्।
ॱसुल आम्ज्योक् यो़प्प हुगी हीगो नेन्ज्यीत्, धम्बे थुगी छ्यो़ छो घयेत्ल घन्ड सीगुक्क। ॱसु ज्यला थो़न्न युङ्गुक्क हुगोल ॱसुल आक् ॱस्यो़च्च्ये मीप्पे मन्न च्यीक् तीक्केन्। हुनी दो कप्पु च्यीक् इक् तीक्केन्। हुगी दो दील हुगी मी हुगी मीङ् ॱसम्ब च्यीक् ढीन युङ्गेन् बेत्। हुगी मीङ् दी दो थोप्केन् दील मेन्द, ॱयोङ् ॱसुल आक् ॱस्यो़च्च्ये मीत् युङ्गेन् बेत्।
हीनी यङ् ङे थोङल इगीन ॱवङ् च्येम्मे स्युडी गज्येन् दुक्। ॱनी स्युडी रीदङ् रील दो़क्केन् री री दुक्। हुब घयेत्ल ठीम् च्यो़च्च्येमे ॱवङ् बीन्दुक्। हुब घयेत् येशुगी ढीक्ल दीम्बे केच्च्य ॱस्येप्पल धङ् को़न्ज्योक्की ॱसुङ्रप्की केच्च्य ॱस्यो़प्पे ढीक्ल गो दुम् तङ घयेक्की ॱसीम् दी बेत्। हुब घयेक्की हुगी ॱसीम्ज्येन् हुल छ्यक् ॱमत् छेब, हुगी डवु दील अक् छ्यक् ॱमत् छेब, थोक्कोक्ल आक् हुगी दक् मत् लीम्ब, ॱनी लक्पल अक् मत् लीम्बे मी घयेत् दी हुब बेत्। ॱनी हुब कुरीक् ॱसोम्बुल लोङ्न लोङ तोङ्डक् च्यीक् थुक् ख्रीष्ट्तङ् दल ॱवङ् च्योङ थोङ्ज्युङ्।
ॱसु ज्यला थो़न्न युङ्गुक्क हुगो ङे को़न्ज्योक् स्युसे छ्यो़गङ्गी का च्यीक्ल सो़न, हुनी हुगो नम्ल अक् छ्यील थो़न् मीत् गो़ब युङ्गेन् बेत्। हुनी हुल ङे को़न्ज्योक्की छेन् धङ् को़न्ज्योक् च्यानी इगी तेङ् यी़नी मल्ल भप्न युङ्गेन् ङे को़न्ज्योक्की सार् यरुशलेम् ॱसम्बे मीङ् धङ् ङरङ्गी मीङ् ॱसम्ब च्यीक् हुल ढीन स्योक्केन्।
Sanasan