खोराजीन् सार् खो़त् घन्डे दुक्प। बेथ्सेदा सार् खो़त् घन्डे दुक्प। घन्ड हीन् सीन्न खीत्रङ्गी घुङ्दु तो़म्बे ॱस्यीक् छ्यीम्मी़ ले घयेत् हुगो टायर् सार् धङ् सीदोन् सार्तु तो़म्ब हीन्न, बोर हुगी मी हुब एल्ला ॱएङ्गी लम्नी ॱसीम् ज्युर्न हुगी ढीक्ल बोरागी घो़ घो़न्न गोल घोदा कप्न देत् यो़ट्टो।
ॱसाल्केत् 11:3 - ल्होमी3 ङे ढीक्ल दीम्बे केच्च्य ॱस्यो़क्केन् मीरङ् ॱङी को़न तोङ्गेन्। हुबे बोरागी घो़ घो़न्न स्यक्पु ज्यब च्युन्नी धङ् ढुक्च्यु थुक् कलुङ् ॱस्यो़क्केन् बेत् सीच्च्युङ्। Faic an caibideil |
ॱसाल्केत् 11:3
43 Iomraidhean Croise
खोराजीन् सार् खो़त् घन्डे दुक्प। बेथ्सेदा सार् खो़त् घन्डे दुक्प। घन्ड हीन् सीन्न खीत्रङ्गी घुङ्दु तो़म्बे ॱस्यीक् छ्यीम्मी़ ले घयेत् हुगो टायर् सार् धङ् सीदोन् सार्तु तो़म्ब हीन्न, बोर हुगी मी हुब एल्ला ॱएङ्गी लम्नी ॱसीम् ज्युर्न हुगी ढीक्ल बोरागी घो़ घो़न्न गोल घोदा कप्न देत् यो़ट्टो।
छ्यो़ छो छङ्मल को़न्ज्योक्की को़न यो़प्पल गोम छ्यीस्स्यो दील ठीक्नल घयेत् युङ्गेन् बेत्। हुगी होक्नी कलुङ् ॱस्यो़क्केन् घयेत्, हुगी होक्नी चयेलम घयेत्, हुनी ॱस्यीक् छ्यीम्मी़ ले झ्यीक्केन् घयेत्, हुनी नेप्प ढक्तु ची़च्च्येमे कबप् च्येम्म घयेत्, हुनी फेन् थोबे दगु झ्यीक्केन् घयेत्, हुनी गोयो़त् झ्यीक्केन् घयेत्, हुनी केच्च्योक् ॱमीत् च्यीक्पल तम् ॱस्यो़त् छुगेन् घयेत् को़न युङ्गेन् बेत्।
हुनी ङे भङ्ज्येम्ब दील छ्यक् छेबेन्। ॱनी हुगी ङल छ्यक् ॱमत् छो़लेत्। ङ को़न्ज्योक्की ॱयोक्पु, रङ् धङ् रङ्गी पी़न्ज्या डस्सी, येशुगी ढीक्ल दीम्बे केच्च्य ॱस्यो़क्केन् घयेत् डस्सीरङ् हीन्। को़न्ज्योक्लरङ् क छ्यक् छो़। येशुगी ढीक्ल दीम्बे केच्च्य ॱस्यो़क्केन् घयेत्ल कलुङ् ॱस्यो़त् छुबल धम्बे थु यो़क्केन् बेत् सीच्च्युङ्।
हीनी यङ् ङे थोङल इगीन ॱवङ् च्येम्मे स्युडी गज्येन् दुक्। ॱनी स्युडी रीदङ् रील दो़क्केन् री री दुक्। हुब घयेत्ल ठीम् च्यो़च्च्येमे ॱवङ् बीन्दुक्। हुब घयेत् येशुगी ढीक्ल दीम्बे केच्च्य ॱस्येप्पल धङ् को़न्ज्योक्की ॱसुङ्रप्की केच्च्य ॱस्यो़प्पे ढीक्ल गो दुम् तङ घयेक्की ॱसीम् दी बेत्। हुब घयेक्की हुगी ॱसीम्ज्येन् हुल छ्यक् ॱमत् छेब, हुगी डवु दील अक् छ्यक् ॱमत् छेब, थोक्कोक्ल आक् हुगी दक् मत् लीम्ब, ॱनी लक्पल अक् मत् लीम्बे मी घयेत् दी हुब बेत्। ॱनी हुब कुरीक् ॱसोम्बुल लोङ्न लोङ तोङ्डक् च्यीक् थुक् ख्रीष्ट्तङ् दल ॱवङ् च्योङ थोङ्ज्युङ्।
Sanasan