ॱसाल्केत् 11:17 - ल्होमी17 ॱङो़न्दु उक् यो़क्केन्, हुन्दो ओक् यो़क्केन्, ॱवङ् की़न् च्येम्मे चोव ज्यीन्दक् को़न्ज्योक् नीज्यरङ्ल थु छ्यी पुगेन्। घन्ड हीन् सीन्न जम्बुलीङ्ल च्योङ्ज्येमे ॱवङ् दी नीज्यरङ्गी छ्यक्ल ठोन, जम्बुलीङ्ल ॱवङ् च्योङ्गेन् ज्याबु दी नीज्यरङ् झ्युङ्सोङ्। Faic an caibideil |
ॱसाल्केत् 11:17
27 Iomraidhean Croise
हुगी यङ्ल धम्बे थुगी येशुल गेस छ्यीम्मु लङ्न खोङ्गी को़न्ज्योक्ल हीन्दुक् ॱसुङ बेत्। तेङ् यी़ धङ् ॱस जम्बुलीङ्गी चोव ज्यीन्दक्, पब, नीज्यरङ्गी हीगो मी खेबा धङ् ॱस्यीब च्येम्म घयेत्ल ॱमत् तो़म्ब, भीज डस्सी झ्यीबे मी घयेत्ल तो़न्न युङ बेत्। हीगी ढीक्ल नीज्यरङ्ल थु छ्यी, थु छ्यी। हीगो पब नीज्यरङ्गी थुल ॱसोङ्न यो़क्केन् बेत् सीन्न ॱसुङ बेत्।
को़न्ज्योक्ल थु छ्यी। घन्ड हीन् सीन्न ॱमक् थुक्सनी ॱमक्मी घयेत् ज्येन युङदङ् छ्येत्मीत् ख्रीष्ट्तङ् मत् ढेबल ङीत् ज्यला थो़म्ब दी कुरीक्की ॱह घोज्ये यो़प्पल को़न्ज्योक्की ङीत् छीगङ् ठीक्कुक्। ङीक्की खोङ् ङु ॱस्यीबे केच्च्य हुगो ढीम स्यीम्बो़त्म ॱहीक्केन्दङ् छ्येत्मीत् ङीत् च्यानी घल अक् धर्च्ये यो़प्पल खोङ्गी टोम्गेन् बेत्।
ॱनी खीत्रङ् उन एशीया लुङ्बन यो़प्पे छ्यो़ छो दी़म्बुल ङ युहन्नागी हीगो ढीन तोङ्गो़त्। ॱङो़न्दु उक् यो़क्केन्, हुन्दो ओक् यो़क्केन्, तीङ्ला आक् झ्यो़ङ्गेन् खोङ् च्यानी धङ् खोङ्गी ॱवङ् च्येम्मे स्युडी ढुङ्न यो़क्केन् थु दी़म्बु च्यानी धङ् थोङे केच्च्य घयेत् ज्युरुव मीप्प ॱस्यो़क्केन्, ढोङ्नी यङ् ॱसोम्बुल लोङ्गेन् ॱएन्स्युक्म, जम्बुलीङ्गी ज्याबु घयेक्की थोक्ल ॱवङ् डोगेन्, येशु ख्रीष्ट् च्यानी खीत्रङ्ल थुज्यी धङ् ॱसीम् दीव युङ्ज्ये यो़प्प तोङ्। हज्यरङ्ल झ्यम्ब जेक्केन्, हज्यरङ् दीक्पनी खोङ्गी ठक्की तो़ङ्गेन्,
हुनी भङ्ज्येम्ब दी़म्ब दीगी पालोल कङ्लीङ् दी भी़सोङ्। हुनी तेङ् यी़दु केत् छ्यीम्मु च्यङ्ज्यङ्ल गज्येङ्गी हीन्दुक् सीस्सोङ्। ह जम्लीङ् की़ल्ल ज्यागक् च्योङ्गेङ्गी ॱवङ् दी हज्यरङ्गी चोव ज्यीन्दक् धङ् खोङ्गी को़बे च्यप्को़न् ख्रीष्ट्ल झ्युङ्सोङ्। हीनी झ्यीब दी धी़ नम ज्यी़न्दु खोङ्गी ॱवङ् च्योङ्गेन् बेत्।
ॱनी हुब घयेक्की लुक्टुक्की ॱलु च्यीक् हीन्दुक् सीन्न लीन्सोङ्। हुगो को़न्ज्योक्की ॱयोक्पु मोशागी इक् लीम्ब बेत्। ॱवङ् की़न् च्येम्मे चोव ज्यीन्दक् को़न्ज्योक् नीज्यरङ्गी जेप्पे ले घयेत् यीक् छ्यीम्मु ॱह लेसी दुक्। नीज्यरङ् ज्यागक् घयेक्की थोक्ल यो़क्केन् ज्याबु बेत्। नीज्यरङ्गी थुगी लेमु घयेत् कुरीक् ढङ्बु धङ् दीम्ब यो़क्केन् बेत्।
Sanasan