ॱसाल्केत् 1:9 - ल्होमी9 खीत्रङ्गी पी़न्ज्या ङ युहन्ना येशुदङ् मत् ढेब यो़प्पल खोङ्गी ढीक्ल दुक्प धङ् खोङ्गी ज्यागक्की मीस्सीर् हीम्बल धङ् गुर् थेक्पल खीत्रङ्दङ् कीदुक् च्यीक्प यो़त्। को़न्ज्योक्की केच्च्य धङ् येशुगी ढीक्की केच्च्य ॱस्येप्पे ढीक्ल ङ छ्यु ज्यम्जो छ्यीम्मी़ घुङ्गी ॱसने पत्मोस् झ्यीस्स च्यीक्तु च्येज्युङ्। Faic an caibideil |
ॱसाल्केत् 1:9
35 Iomraidhean Croise
खीत्रङ् ङदङ् मत् ढेब देत्न ॱनी, खीत्रङ्ल ॱसीम् दीव युङ्गेन् बेत्। हुगो युङ्ज्येल ङे केच्च्य घयेत् हीगो ॱस्येत्न स्यक्पेन्। जम्बुलीङ् हीदु खीत्रङ्ल दुक्प अयेक्प नोङ्गेन् बेत्। ॱनी हीन्न अक्, हुल खीत्रङ् ॱलोप्स्यीक् छ्यीजो़त् झ्यीन दो़च्च्यीत्। घन्ड हीन् सीन्न जम्बुलीङ् हीले ङ ज्यला थो़न् छर बेत् झ्यीब बेत्।
हुगी सार् ॱसुम्बु दीन येशुगी ॱलोप्टुक्ल स्युन यो़प्प घयेत्ल पावल्सो़ ॱलोप्स्यीक् टेत्न छ्य स्यक्पे लम्ल थीरी दो़च्च्यीत् सीन्न ॱस्येप्प बेत्। को़न्ज्योक्की ज्यागक्ल स्युक्पल हज्यरङ्ल दुक्स्यी गज्येन् नोङ्गेन् बेत्। ॱनी हुगी दुक्स्यी हुगो गुर्न डो गोगेन् बेत् सीन्न ॱस्येत्न स्यक्प बेत्।
हुगो झ्यीनी हज्यरङ्गी चोव ज्यीन्दक्की ढीक्की केच्च्य ॱस्येत्न टो़प्पल ङु छय मत् झ्यीज्यीत्। खोङ्गी ढीक्ल चो़ल्ल ॱस्योर्न यो़क्केन् ङे ढीक्ल अक् ङु छय मत् झ्यीज्यीत्। बोर केच्च्य ॱनेम्बी़ ढीक्ल नोङे दुक्प रङ्गी इक् गुर्च्यीत्। हुल पीबे ॱस्यीक् को़न्ज्योक्की ॱनङ्गेन् बेत्।
ह ज्योबा घन्ड हीन्न अक्, युङ्गेङ्गी केच्च्य घयेत् कुरीक् को़न्ज्योक्की येशु ख्रीष्ट्ल खोङ् रोरङ्गी ॱयोक्पु घयेत्ल तो़न् सीन्न तो़म्बे केच्च्य घयेत् दी हीन्दुक् झ्यीन युङ्गेन् बेत्। खोङ् रोरङ्गी ॱयोक्पु युहन्ना च्येल्ल तेङ् यी़गी भङ्ज्येम्ब च्यीक् तङ्न युङ्न हुगी केच्च्य घयेत् दी कुरीक् क तो़म्ब बेत्।
ॱनी खीत्रङ् उन एशीया लुङ्बन यो़प्पे छ्यो़ छो दी़म्बुल ङ युहन्नागी हीगो ढीन तोङ्गो़त्। ॱङो़न्दु उक् यो़क्केन्, हुन्दो ओक् यो़क्केन्, तीङ्ला आक् झ्यो़ङ्गेन् खोङ् च्यानी धङ् खोङ्गी ॱवङ् च्येम्मे स्युडी ढुङ्न यो़क्केन् थु दी़म्बु च्यानी धङ् थोङे केच्च्य घयेत् ज्युरुव मीप्प ॱस्यो़क्केन्, ढोङ्नी यङ् ॱसोम्बुल लोङ्गेन् ॱएन्स्युक्म, जम्बुलीङ्गी ज्याबु घयेक्की थोक्ल ॱवङ् डोगेन्, येशु ख्रीष्ट् च्यानी खीत्रङ्ल थुज्यी धङ् ॱसीम् दीव युङ्ज्ये यो़प्प तोङ्। हज्यरङ्ल झ्यम्ब जेक्केन्, हज्यरङ् दीक्पनी खोङ्गी ठक्की तो़ङ्गेन्,
हुनी ङे भङ्ज्येम्ब दील छ्यक् छेबेन्। ॱनी हुगी ङल छ्यक् ॱमत् छो़लेत्। ङ को़न्ज्योक्की ॱयोक्पु, रङ् धङ् रङ्गी पी़न्ज्या डस्सी, येशुगी ढीक्ल दीम्बे केच्च्य ॱस्यो़क्केन् घयेत् डस्सीरङ् हीन्। को़न्ज्योक्लरङ् क छ्यक् छो़। येशुगी ढीक्ल दीम्बे केच्च्य ॱस्यो़क्केन् घयेत्ल कलुङ् ॱस्यो़त् छुबल धम्बे थु यो़क्केन् बेत् सीच्च्युङ्।
हीनी यङ् ङे थोङल इगीन ॱवङ् च्येम्मे स्युडी गज्येन् दुक्। ॱनी स्युडी रीदङ् रील दो़क्केन् री री दुक्। हुब घयेत्ल ठीम् च्यो़च्च्येमे ॱवङ् बीन्दुक्। हुब घयेत् येशुगी ढीक्ल दीम्बे केच्च्य ॱस्येप्पल धङ् को़न्ज्योक्की ॱसुङ्रप्की केच्च्य ॱस्यो़प्पे ढीक्ल गो दुम् तङ घयेक्की ॱसीम् दी बेत्। हुब घयेक्की हुगी ॱसीम्ज्येन् हुल छ्यक् ॱमत् छेब, हुगी डवु दील अक् छ्यक् ॱमत् छेब, थोक्कोक्ल आक् हुगी दक् मत् लीम्ब, ॱनी लक्पल अक् मत् लीम्बे मी घयेत् दी हुब बेत्। ॱनी हुब कुरीक् ॱसोम्बुल लोङ्न लोङ तोङ्डक् च्यीक् थुक् ख्रीष्ट्तङ् दल ॱवङ् च्योङ थोङ्ज्युङ्।
Sanasan