ॱसाल्केत् 1:6 - ल्होमी6 हज्यरङ् खोङ्गी ज्यागक्की मीस्सीर् धङ् खोङ्गी यप् को़न्ज्योक्की छ्यो़प्पो़ल्ल सोगेन् खोङ्ल धी़ नम ज्यी़न्दु तो़प्प धङ् ॱवङ् छ्यीम्मु युङ् युङ युङ्ज्ये यो़प्प स्योक्च्यीत्। आमेन्। Faic an caibideil |
ॱसाल्केत् 1:6
23 Iomraidhean Croise
को़न्ज्योक्की थुल यो़प्पे लेमु घयेत् झ्यीत् छुज्ये यो़प्पल खीत्रङ्ल गो़बे खोज्येत् घयेत् थोप्च्ये यो़प्प तोङ्। खोङ् थु गुवे लेमु घयेत् येशु ख्रीष्ट्की लम्नी हज्यरङ्गी ॱसीम्ल डुप्च्ये यो़प्प तोङ्। ख्रीष्ट्ल धी़ नम ज्यी़न्दु तो़प्प युङ् युङ युङ्ज्ये यो़प्प स्योक्च्यीत्। आमेन्।
हीन्दुक् झ्यीन मी ॱसी़ को़न्ज्योक् ङो़गी केच्च्य ॱस्यो़क्को़दङ् हुगी को़न्ज्योक्की ॱनङे ॱसुङ्स्येत् ॱस्यो़क्केन् हीम्ब डस्सी ॱस्यो़त् गोगेन् बेत्। ॱनी यङ् मी ॱसी़ ॱयोङ्ल फेम्बे ले झ्यीक्को़दङ् हुगी को़न्ज्योक्की ॱनङे ॱस्यीक्की झ्यीत् गोगेन् बेत्। हुन्दुक् झ्यीन क, हस्सो़त् येशु ख्रीष्ट्की लम्नी झ्यीबे लेमु घन् दीनी इक् को़न्ज्योक्ल तो़प्प युङ्गेन् बेत्। खोङ्ल तो़त्वङ् धङ् ॱवङ्ग धी़ नम ज्यी़न्दु युङ् युङ युङ्ज्ये यो़प्प स्योक्च्यीत्। आमेन्।
हज्यरङ्गी च्यप्को़न् को़न्ज्योक् च्यीगी च्यीक्ल हज्यरङ्गी चोव ज्यीन्दक् येशु ख्रीष्ट्की लम्नी तो़त्वङ् छ्यीम्मी़ ओ़च्च्य, ॱवङ्दा छ्यीम्मु, ॱस्यीक् धङ् ॱवङ् ॱङो़न् धङ्बी़ धी़गी एल्लानी झ्यीनी हुन्दो धङ् ॱनी धी़ नम ज्यी़न्दु युङ् युङ युङ्ज्ये यो़प्प स्योक्च्यीत्। आमेन्।
खीत्रङ्गी पी़न्ज्या ङ युहन्ना येशुदङ् मत् ढेब यो़प्पल खोङ्गी ढीक्ल दुक्प धङ् खोङ्गी ज्यागक्की मीस्सीर् हीम्बल धङ् गुर् थेक्पल खीत्रङ्दङ् कीदुक् च्यीक्प यो़त्। को़न्ज्योक्की केच्च्य धङ् येशुगी ढीक्की केच्च्य ॱस्येप्पे ढीक्ल ङ छ्यु ज्यम्जो छ्यीम्मी़ घुङ्गी ॱसने पत्मोस् झ्यीस्स च्यीक्तु च्येज्युङ्।
गोम ॱएन्स्युक्ल ॱसोम्बुल लोङ्ज्ये ॱनोङे मी घयेत् हुब ॱसोदी छ्यीम्मु च्येम्म को़न्ज्योक्की मी चङ्म हीम्ब युङ्गेन् बेत्। घन्ड हीन् सीन्न हुब घयेत् ॱस्यीव तीङ्मागी ॱवङ्गी होक्ल ॱमीत् ॱस्योर, हुब को़न्ज्योक् धङ् ख्रीष्ट्की छ्यो़प्पो़ल्ल खो़त्न, ख्रीष्ट्तङ् दल लोङ तोङ्डक् च्यीक् थुक् ॱवङ् च्योङ्ज्ये ॱनोङ्गेन् बेत्।
Sanasan