ॱसाल्केत् 1:4 - ल्होमी4-5 ॱनी खीत्रङ् उन एशीया लुङ्बन यो़प्पे छ्यो़ छो दी़म्बुल ङ युहन्नागी हीगो ढीन तोङ्गो़त्। ॱङो़न्दु उक् यो़क्केन्, हुन्दो ओक् यो़क्केन्, तीङ्ला आक् झ्यो़ङ्गेन् खोङ् च्यानी धङ् खोङ्गी ॱवङ् च्येम्मे स्युडी ढुङ्न यो़क्केन् थु दी़म्बु च्यानी धङ् थोङे केच्च्य घयेत् ज्युरुव मीप्प ॱस्यो़क्केन्, ढोङ्नी यङ् ॱसोम्बुल लोङ्गेन् ॱएन्स्युक्म, जम्बुलीङ्गी ज्याबु घयेक्की थोक्ल ॱवङ् डोगेन्, येशु ख्रीष्ट् च्यानी खीत्रङ्ल थुज्यी धङ् ॱसीम् दीव युङ्ज्ये यो़प्प तोङ्। हज्यरङ्ल झ्यम्ब जेक्केन्, हज्यरङ् दीक्पनी खोङ्गी ठक्की तो़ङ्गेन्, Faic an caibideil |
ॱसाल्केत् 1:4
41 Iomraidhean Croise
ह ज्योबा घन्ड हीन्न अक्, युङ्गेङ्गी केच्च्य घयेत् कुरीक् को़न्ज्योक्की येशु ख्रीष्ट्ल खोङ् रोरङ्गी ॱयोक्पु घयेत्ल तो़न् सीन्न तो़म्बे केच्च्य घयेत् दी हीन्दुक् झ्यीन युङ्गेन् बेत्। खोङ् रोरङ्गी ॱयोक्पु युहन्ना च्येल्ल तेङ् यी़गी भङ्ज्येम्ब च्यीक् तङ्न युङ्न हुगी केच्च्य घयेत् दी कुरीक् क तो़म्ब बेत्।
रङ्गी थोङे ङे लक्प ॱये छ्योगी कर्म दी़म्बु दी धङ् ॱसीर्की छ्यो़त्मी दी़म्बु दीगी तीङ् सप्पोक्मे धो़न् दी हीगो बेगो। कर्म दी़म्बु दी छ्यो़ छो दी़म्बी़ ढीक्ल को़बे को़न्ज्योक्की भङ्ज्येम्ब दी़ल्ल डोगेन् बेत्। छ्यो़त्मी दी़म्बु दी छ्यो़ छो दी़ल्ल डोगेन् बेत् सीन्न सीच्च्युङ्।
खीत्रङ्गी पी़न्ज्या ङ युहन्ना येशुदङ् मत् ढेब यो़प्पल खोङ्गी ढीक्ल दुक्प धङ् खोङ्गी ज्यागक्की मीस्सीर् हीम्बल धङ् गुर् थेक्पल खीत्रङ्दङ् कीदुक् च्यीक्प यो़त्। को़न्ज्योक्की केच्च्य धङ् येशुगी ढीक्की केच्च्य ॱस्येप्पे ढीक्ल ङ छ्यु ज्यम्जो छ्यीम्मी़ घुङ्गी ॱसने पत्मोस् झ्यीस्स च्यीक्तु च्येज्युङ्।
हीगो सार्डीस्की छ्यो़ छोगी ढीक्ल को़बे तेङ् यी़गी भङ्ज्येम्बल ढीज्यीत्। हीगो को़न्ज्योक्की थु दी़न् धङ् कर्म दी़न् यो़प्प च्येम्मे सीगुगो झ्यीज्यीत्। खीत्रङ्गी घङ् झ्यीप्पे ले घयेत् कुरीक् ङल ॱस्यो़च्च्ये यो़त्। खीत्रङ् ॱसोम्बु हीन् त कुरीक्की सीक्केन् बेत्। हुगो मेम्ब, खीत्रङ् ॱस्यीनर हीम्ब ङल ॱस्यो़च्च्ये यो़त्।
हीगो फीलाडेल्फीयागी छ्यो़ छोगी ढीक्ल को़बे तेङ् यी़गी भङ्ज्येम्बल ढीज्यीत्। हीगो धक्पर् धङ् दीम्बर् यो़क्केन्, ज्याबु दाऊद्गी च्यी थोप्न यो़प्प च्येम्मे सीगुगो झ्यीज्यीत्। हीगी गोच्च पीक्सोङ्न ॱनी, ॱसी़ इक् च्यो़त् ॱमीत् छुगेन् बेत्। ॱनी यङ् हीगी गोच्च च्येस्सोङ्न ॱनी, हुगो ॱसी़ इक् पीक् ॱमीत् छुगेन् बेत्।
हुब स्यीगर्ल ॱस्योक्पक् ढुक् ढुक् दुक्। ॱनी सी़ दील म दीरङ् ॱमीक् जेक् दुक्। ॱनी ङीन् छेन् मीप्प ङे ॱमीत् ॱसोव, हुब स्यीबी़ ॱङो़न्दु उक् यो़क्केन्, हुन्दो ओक् यो़क्केन्, तीङ्ला आक् झ्यो़ङ्गेन्, ॱवङ् की़न् च्येम्मे चोव ज्यीन्दक् को़न्ज्योक् धक्पर् धक्पर् धक्पर् यो़क्केन् सीन्न च्योर्न पुगुक्।
Sanasan