ॱसाल्केत् 1:18 - ल्होमी18 ङ ॱसोम्बु यो़त्। एल्ला ङ ॱस्यीज्युङ्। ॱनी ह धी़ नम ज्यी़न्दु ङ ॱसोम्बु यो़त्। ॱनी ॱस्यीव धङ् ॱस्यीवे यी़गी च्यी दी ङल यो़त्। Faic an caibideil |
ॱसाल्केत् 1:18
32 Iomraidhean Croise
खोङ् ज्यीक्च्ये मीप्प यो़प्पे कप्ल खोङ् कुरुस्ल ताब बेत्। ॱनी हीन्न अक्, को़न्ज्योक्की ॱस्यीक्की यङ् खोङ् ॱसोम्बुल ॱलोङ्न यो़क्केन् बेत्। हुगो डस्सी खोङ्दङ् मत् ढेब यो़क्केन् झ्यीनी, ङीत् इत् ज्यीक्च्ये मीप्प यो़त्। ॱनी हीन्न अक्, खीत्रङ्गी घुङ्दु स्यप्च्यी़गी ले झ्यीप्पल ङीत् इत् को़न्ज्योक्की ॱस्यीक्की ख्रीष्ट्तङ् कङ्ज्यीक्ल ॱसोम्बुल सो़न यो़क्केन् बेत्।
खोङ्ल को़न्ज्योक्ल यो़प्पे तो़त्वङ्गी ओ़च्च्य दी थोङ्गेन् बेत्। खोङ् को़न्ज्योक् ठोक् यो़क्केन् बेत्। खोङ्गी ॱस्यीक् छ्यीम्मी़ ॱसुङ्स्येक्की ॱस धङ् ॱनम् हीगो जेङ् सुङ्न यो़क्केन् बेत्। दीक्प धक्तु ची़क्केङ्गी ले खोङ्गी जेत् छर्नी, खोङ् हुन्दो इगी थोरी चीदु स्युगेन्, ॱवङ् की़न् च्येम्मे ज्याबी़ ॱये छ्योन स्युन यो़क्केन् बेत्।
छ्य स्योक्केन् घयेक्की लम्बा ॱङो़म फी़न्सुम् छङल सोगेन् खोङ् येशुल हज्यरङ्गी ॱसीम्बे फोरी तेन ज्युदोङ्ज्यीत्। खोङ्ल दुक्स्यी छ्यीम्मु नोङे यङ्ल खोङ्गी इक् तीङ्मागी ॱसीम् गव युङ्गेन् दील तेनी, कुरुस्तु ॱम पबल तव मत् झ्यीब, हुगो गुर बेत्। हुन्दो खोङ् को़न्ज्योक्की ॱवङ् च्येम्मे स्युडीगी ॱये छ्योन स्युन यो़क्केन् बेत्।
तेङ् यी़ धङ् उन घङ् यो़प्प घयेत्, ॱस जम्बुलीङ् धङ् उन घङ् यो़प्प घयेत्, छ्यु ज्यम्जो छ्यीम्मु धङ् उन घङ् यो़प्प घयेत् जेङ् छ्यादु ची़क्केन्, धी़ नम ज्यी़न्दु ॱसोम्बु यो़क्केन् खोङ्गी छेन् डेन्न रोरङ्गी केच्च्य दी खुङ् हीन् धङ् मेल्ल हुगी ॱन झ्यीन हीन्दुक् सीस्सोङ्। ह भङ्ज्येम्ब दी़म्बी़ पालोल कङ्लीङ् भी़क्केन् बेत्। हुगी यङ्ल को़न्ज्योक्की खोङ् रोरङ्गी ॱयोक्पु कलुङ् ॱस्यो़क्केन् घयेत्लरङ् क तो़न्न टेप्पे खोङ्गी ढो़ तीङ् सप्पोक्म दी डुप्केन् बेत्। हीगी धी़ हीगो ज्यङ्न मीत् स्योक्केन् बेत् सीस्सोङ्।
हीगो फीलाडेल्फीयागी छ्यो़ छोगी ढीक्ल को़बे तेङ् यी़गी भङ्ज्येम्बल ढीज्यीत्। हीगो धक्पर् धङ् दीम्बर् यो़क्केन्, ज्याबु दाऊद्गी च्यी थोप्न यो़प्प च्येम्मे सीगुगो झ्यीज्यीत्। हीगी गोच्च पीक्सोङ्न ॱनी, ॱसी़ इक् च्यो़त् ॱमीत् छुगेन् बेत्। ॱनी यङ् हीगी गोच्च च्येस्सोङ्न ॱनी, हुगो ॱसी़ इक् पीक् ॱमीत् छुगेन् बेत्।
हुनी त ॱसीयलीय च्यीक् थो़न्सोङ्। हुल स्यो़ङ्गेन् दीगी मीङ् दील ॱस्यीव सीन्न तादुक्। ॱनी हुगी तीङ्ला ॱयोङ्म च्यीक् युङ्गुक्। ॱनी हुगी मीङ् दील ॱस्यीवे यी़ सीन्न तादुक्। ॱनी जम्बुलीङ् गो स्यील तङे गो च्यीक्की मी घयेत् ॱसो़त्रील तङ्न ॱस्यीदु ची़क्केन्, तोरील तङ्न ॱस्यीदु ची़क्केन्, नज अयेक्प तङ्न ॱस्यीदु ची़क्केन्, रीगे ॱसीम्ज्येन् घयेक्की खल ॱस्योर्न ॱस्यीदु ची़क्केङ्गी ॱवङ् हुब ॱङीबुल बीन्दुक्।
Sanasan