ॱसाल्‍केत् 1:13 - ल्होमी

¹³ धङ् हुगी घुङ्‌न घो़ रीङ्‌मु घो़म्‍ब ढङ्‌गोक्‍नी फल्‍ल ॱसीर्की पेट्‌टी कीङ कोलीमीगी ॱरेबु डस्‍सी च्‍यीक् थोङ्‌ज्‍युङ्।

ॱसाल्‍केत् 1:13 Iomraidhean Croise

हीब्रु 4:15

हज्‍यरङ्‌गी छ्‌यो़प्‍पो़न् चो छ्‌यीस्‍स्‍यो खोङ्‌गी हज्‍यरङ् ॱसीम् योक्‍याबे मील ॱङीङ्‌ज्‍यी जेत् छुगेन् बेत्। घन्‍ड हीन् सीन्‍न हज्‍यरङ्‌ल झ्‍युङे छो़त्‍लीन् डस्‍सी खोङ्‌ल आक् कुरीक् झ्‍युङ बेत्। ॱनी झ्‍युङ्‌न अक्, खोङ्‌गी दीक्‍प ॱस्‍युली मत् झ्‍यीब बेत्।

ॱसाल्‍केत् 14:14

हीनी ङे तेनी ॱमुब कप्‍पु च्‍यीक्‍की थोक्‍ल कोलीमीगी ॱरेबु डस्‍सी च्‍यीक् स्‍युन यो़प्‍प थोङ्‌ज्‍युङ्। ॱनी खोङ्‌गी गोल थोप् छ्‌यीम्‍मी़ ॱसीर्की स्‍यमुङ् च्‍यीक् घो़न्‍दुक्। लक् दील ॱसोक्‍ली ॱनोन्‍दीम च्‍यीक् खुर्न दुक्।

ॱसाल्‍केत् 15:6

हुगी नङ्‌नी च्‍यो़न् छ्‌यीम्‍मु तोङ्‌ज्‍येम दी़न् खुरे भङ्‌ज्‍येम्‍ब दी़म्‍बु दी थो़न्‍सोङ्। हुबे घो़ दील रे सङ्‌डुक् धक्‍सी टक्‍पोक्‍म घो़न्‍न दुक्। हुबे ढङ्‌गोक् दील ॱसीर्की पेट्‌टी कीङ्‌दुक्।

ॱसाल्‍केत् 2:1

हीगो एफीसस्‍की छ्‌यो़ छोगी ढीक्‍ल को़बे तेङ् यी़गी भङ्‌ज्‍येम्‍बल ढीज्‍यीत्। हीगो लक्‍प ॱये छ्‌योन कर्म दी़न् च्‍येम्‍म ॱसीर्की छ्‌यो़त्‍मी दी़म्‍बी़ घुङ्‌ल छ्‌यम्‍गेन् दीगी सीगुगो झ्‍यीज्‍यीत्।