ॱनी ङीक्की तम्ल नेङ्गेन् उन भुमु लीडीया सीक्केन् च्यीक् यो़प्प बेत्। हुगी ले दी खुङ् थोन्दीक्मे घुलक् ॱमुक्लोक्प चोङ्गो़प्प बेत्। हुगो को़न्ज्योक्ल धेप्प मो़ब झ्यीक्केन् थीयाटीरा सार्की मी हीङ्गो़प्प बेत्। ॱनी हुगी ॱसीम्बे ॱमीक् दी चोव ज्यीन्दक्की भीदु ची़त्नी, हुनी पावल्की ॱस्येप्पे तम्ल हुगी नेन्न युङ बेत्।
ॱसाल्केत् 1:11 - ल्होमी11 रङ्गी घङ् थोङे केच्च्य घयेत् दी यीगील ढीन हुगो छ्यो़ छो दी़ल्ल तोङ्, एफीसस्ल, इस्मर्नाल, पर्गामम्ल, थीयाटीराल, सार्डीस्ल, फीलाडेल्फीयाल, लाओडीसीयाल सीन्न ॱस्येच्च्युङ्। Faic an caibideil |
ॱसाल्केत् 1:11
37 Iomraidhean Croise
ङ एफीसस् सार्तु यो़प्पे यङ्ल रीगे ॱसीम्ज्येन्दङ् थुक्प डस्सी थुक्न युङ हुगो कोलीमी लुसे लेमु डस्सी झ्यीक्केन् हीन्न ॱनी, ङल घन्डे फेन्दो दी युङ्ज्ये? ॱनी ॱस्यीनर घयेत् ॱसोम्बुल को़न्ज्योक्की ॱमीत् ॱलोङ्गो़त्न ॱनी, ह हज्यरङ् सेदोङ्, थुङ्दोङ्। नेम्बेप्प ॱस्यी गो़दङ् घन्ड ॱस्यी सीन्न अक् डीक् डोगेन् बेत्। (यशैया २२:१३)
रङ्गी थोङे ङे लक्प ॱये छ्योगी कर्म दी़म्बु दी धङ् ॱसीर्की छ्यो़त्मी दी़म्बु दीगी तीङ् सप्पोक्मे धो़न् दी हीगो बेगो। कर्म दी़म्बु दी छ्यो़ छो दी़म्बी़ ढीक्ल को़बे को़न्ज्योक्की भङ्ज्येम्ब दी़ल्ल डोगेन् बेत्। छ्यो़त्मी दी़म्बु दी छ्यो़ छो दी़ल्ल डोगेन् बेत् सीन्न सीच्च्युङ्।
ॱनी खीत्रङ् उन एशीया लुङ्बन यो़प्पे छ्यो़ छो दी़म्बुल ङ युहन्नागी हीगो ढीन तोङ्गो़त्। ॱङो़न्दु उक् यो़क्केन्, हुन्दो ओक् यो़क्केन्, तीङ्ला आक् झ्यो़ङ्गेन् खोङ् च्यानी धङ् खोङ्गी ॱवङ् च्येम्मे स्युडी ढुङ्न यो़क्केन् थु दी़म्बु च्यानी धङ् थोङे केच्च्य घयेत् ज्युरुव मीप्प ॱस्यो़क्केन्, ढोङ्नी यङ् ॱसोम्बुल लोङ्गेन् ॱएन्स्युक्म, जम्बुलीङ्गी ज्याबु घयेक्की थोक्ल ॱवङ् डोगेन्, येशु ख्रीष्ट् च्यानी खीत्रङ्ल थुज्यी धङ् ॱसीम् दीव युङ्ज्ये यो़प्प तोङ्। हज्यरङ्ल झ्यम्ब जेक्केन्, हज्यरङ् दीक्पनी खोङ्गी ठक्की तो़ङ्गेन्,
हीनी तेङ् यी़नी मल्ल केत् च्यीक्ल हीन्दुक् सीच्च्युङ्। हीगो रङ्गी यीगील ढी। चोव ज्यीन्दक्तङ् या मत् ढेब दो़क्केङ्गी मी हीनी झ्यीब दी ॱसु ॱस्यीन आक्, हुगो ॱसोदी च्येम्म युङ्गेन् बेत्। धम्बे थुगी हीगो दीम्बरङ् बेत् सीगुक्। हुब घयेत् रोरङ्सो़ मीजील कप्ले च्येत्न युङे दुक्स्यी घयेत्नी या ढेन युङ्न, हुनी कीप्पु युङ्गेन् बेत्। घन्ड हीन् सीन्न हुबे झ्यीबे ले घयेक्की ॱल दी इगीदु थोप्केन् बेत् सीच्च्युङ्।
हीगो सार्डीस्की छ्यो़ छोगी ढीक्ल को़बे तेङ् यी़गी भङ्ज्येम्बल ढीज्यीत्। हीगो को़न्ज्योक्की थु दी़न् धङ् कर्म दी़न् यो़प्प च्येम्मे सीगुगो झ्यीज्यीत्। खीत्रङ्गी घङ् झ्यीप्पे ले घयेत् कुरीक् ङल ॱस्यो़च्च्ये यो़त्। खीत्रङ् ॱसोम्बु हीन् त कुरीक्की सीक्केन् बेत्। हुगो मेम्ब, खीत्रङ् ॱस्यीनर हीम्ब ङल ॱस्यो़च्च्ये यो़त्।
हीगो फीलाडेल्फीयागी छ्यो़ छोगी ढीक्ल को़बे तेङ् यी़गी भङ्ज्येम्बल ढीज्यीत्। हीगो धक्पर् धङ् दीम्बर् यो़क्केन्, ज्याबु दाऊद्गी च्यी थोप्न यो़प्प च्येम्मे सीगुगो झ्यीज्यीत्। हीगी गोच्च पीक्सोङ्न ॱनी, ॱसी़ इक् च्यो़त् ॱमीत् छुगेन् बेत्। ॱनी यङ् हीगी गोच्च च्येस्सोङ्न ॱनी, हुगो ॱसी़ इक् पीक् ॱमीत् छुगेन् बेत्।
Sanasan