ॱसाल्‍केत् 1:10 - ल्होमी

¹⁰ ॱनी ङ हुदु चोव ज्‍यीन्‍दक्‍की ङीङ्‌गी यङ्‌ल धम्‍बे थुगी ॱवङ्‌ल फीन्‍ज्‍युङ्। ॱनी तक्‍नी छुल्‍ल रच्‍च्‍योक्‍की कङ्‌लीङ्‌गी केत् छ्‌यीम्‍मु च्‍यीक्‍ल

ॱसाल्‍केत् 1:10 Iomraidhean Croise

मत्‍ती 22:43

हुनी खोङ्‌गी हुबल हीगो हीन्‍न, धम्‍बे थुगी झ्‍यीन दाऊद्‌गी रोरङ्‌गी ज्‍यी़त्‍ल चोव ज्‍यीन्‍दक् सीन्‍न घन्‍दुक् झ्‍यीन सीर् छुगेन् बेक्‍क? खोङ्‌गी हीन्‍दुक् सीर थो़ङ्‌गेन् बेत्।

युहन्‍ना 20:19

ॱनी हुगी स ङीमे गोङ् दी ॱलोप्‍टुक् दीब खीम् च्‍यीक्‍ल जोम्‍न, यहुदी छ्‌यीया घयेत्‍ल ज्‍यीबे, गोच्‍च थम् च्‍येत्‍न पीक् ॱमीत् छुगेन् सो़न यो़प्‍प बेत्। ॱनी हुगी यङ्‌ल येशु हुबे घुङ्‌दु नुक्‍रङ् डङी थो़न्‍न खीत्‍रङ्‌ल स्‍यीव दीव युङ स्‍योक्‍च्‍यीत् सीन्‍न,

युहन्‍ना 20:26

ॱनी तीङ्‌मागी स ङीमे ङीन् दीगी यङ्‌ल थोमा दी इक् झ्‍यीन, हुगी खीम् दीदुरङ् ॱलोप्‍टुक् दीब जोम्‍न, गोच्‍च थम् च्‍येत्‍न पीक् ॱमीत् छुगेन् सो़न यो़प्‍प बेत्। ॱनी हुब घयेक्‍की घुङ्‌दु येशु नुक्‍रङ् डङी थो़न्‍न हुबल खीत्‍रङ्‌ल स्‍यीव दीव युङ स्‍योक्‍च्‍यीत् झ्‍यीब बेत्।

ठीक्‍नल 20:7

ॱनी हुदु स पीम्‍बे गोङ् च्‍यीक् ङीत् कुरीक् खीम् च्‍यीक्‍ल स्‍युन झ्‍यील्‍लप्‍की ढोप्‍ची च्‍यक्‍न सदु जोम्‍बेन्। ॱनी पावल् नेम्‍बेत् दी डोगेन् झ्‍यीनी, हुदु मी जोम्‍ब घयेत् दील केच्‍च्‍य गज्‍येन् ॱस्‍यो़क्‍कीन् देत्‍नी, छेङ्‌गी घुङ् छीनर बेत्।

१ कोरीन्‍थी 12:3

हीगी ढीक्‍ल खीत्‍रङ्‌ल ङे हीगो ॱस्‍येत् योङ्। को़न्‍ज्‍योक्‍की थुगी झ्‍यीन मी ॱसी़ इक् येशुल ॱमो़त्‍मु सुक्‍ल ज्‍युक्‍च्‍यीत् सीन्‍न सीर् ॱमीत् छुगेन् बेत्। हुनी यङ् येशु ङे चोव ज्‍यीन्‍दक् हीन् सीन्‍न मी ॱसी़ सीगुक्‍क हुगो धम्‍बे थुगी झ्‍यीन मेन्‍द, सीर् ॱमीत् छुगेन् बेत्।

१ कोरीन्‍थी 16:2

दी़न्‍डक् रीगी स ङीमे ङीन् दी खीत्‍रङ् ॱसोस्‍सोरङ्‌गी घङ् ॱसान यो़प्‍प दीनी छ्‌यक्‍चो़त् च्‍यीक् पी़त्‍न स्‍योक्‍च्‍यीत्। हुनी ङ युङे ॱङेस्‍स्‍यो चेन्‍ड दी़त् मीत् गो़ब युङ्‌गेन् बेत्।

ॱसाल्‍केत् 17:3

हीनी यङ् ङ धम्‍बे थुगी ॱवङ्‌ल फीन्‍ज्‍युङ्। ॱनी हुगी भङ्‌ज्‍येम्‍ब दीगी पक्‍क झ्‍यङ्‌दङ्‌ल ठीक्‍च्‍युङ्। ॱनी हुगी भुमु छ्‌येमु दी उन ॱसीम्‍ज्‍येन् ॱमप्‍पु च्‍यीक्‍ल स्‍यो़न्‍न दो़क्‍कुक्। ॱनी हुगी ॱसीम्‍ज्‍येन् दील को़न्‍ज्‍योक्‍ल ॱमो़म्‍बी़त् तोङ्‌गेङ्‌गी मीङ् छेत्‍मीत् ढीन दुक्। हुल गो दी़न् धङ् रच्‍च्‍योक् च्‍यु दुक्।

ॱसाल्‍केत् 21:10

हुनी ङ धम्‍बे थुगी ॱवङ्‌ल फीन्‍ज्‍युङ्। ॱनी ङ हुगी भङ्‌ज्‍येम्‍ब दीगी लदोक् छ्‌यीम्‍मु थोन्‍दीम च्‍यीक्‍ल ठीक्‍न ङल इगी तेङ् यी़ को़न्‍ज्‍योक् च्‍यानी मल्‍ल को़न्‍ज्‍योक्‍ल पी़प्‍पे सार् यरुशलेम् भप्‍न युङ तो़न्‍ज्‍युङ्।