Biblia Todo Logo
Bìoball air-loidhne

- Sanasan -




फीलीप्‍पी 4:20 - ल्होमी

20 हज्‍यरङ्‌गी यप् को़न्‍ज्‍योक्‍ल धी़ नम ज्‍यी़न्‍दु तो़प्‍प युङ् युङ युङ्‌ज्‍ये यो़प्‍प स्‍योक्‍च्‍यीत्। आमेन्।

Faic an caibideil Dèan lethbhreac




फीलीप्‍पी 4:20
19 Iomraidhean Croise  

ॱनी ङे खीत्‍रङ्‌ल घङ् ॱलप्‍न झ्‍यीत्‍तु ची़प्‍प घयेत् दी हुबल अक् खीत्‍रङ्‌गी हुन्‍दुक् दीरङ् ॱलप्‍न नेन्‍न झ्‍यीक्‍केल्‍ल सो़ज्‍यीत्। तेदे ङ धी़ ज्‍यी़न्‍दु स्‍युक् थमे धी़ थुक्‍ल खीत्‍रङ्‌दङ् दल दो़क्‍केन् हीनो झ्‍यीब बेत्।


खीत्‍रङ्‌गी ॱसुव दी हीन्‍दुक् सीन्‍न तोप्‍च्‍यीत्। तेङ् यी़न स्‍युगेन् ङीक्‍की यप् नीज्‍यरङ्‌गी चङ्‌म हीम्‍बे छेल्‍ल तो़प्‍प युङ्‌ज्‍ये यो़प्‍प स्‍योक्‍च्‍यीत्।


छङ्‌म थम्‍ज्‍येत् घङ् यो़प्‍प घयेत् कुरीक् खोङ्‌गी च्‍यानी झ्‍युङ बेत्। खोङ्‌गी सो़ब बेत्। खोङ्‌गी धो़ल्‍ल बेत्। खोङ्‌ल धी़ नम ज्‍यी़न्‍दु तो़प्‍प युङ् युङ युङ्‌ज्‍ये यो़प्‍प स्‍योक्‍च्‍यीत्। आमेन्।


धो़र्रीक् छङे को़न्‍ज्‍योक् च्‍यीगी च्‍यीक्‍ल येशु ख्रीष्‍ट्‌की लम्‍नी धी़ ज्‍यी़न्‍दु तो़प्‍प युङ् युङ युङ्‌ज्‍ये यो़प्‍प स्‍योक्‍च्‍यीत्। आमेन्।


खोङ्‌ल ख्रीष्‍ट् येशुदङ् मत् ढेब यो़क्‍केन् छ्‌यो़ छोनी धी़ नम ज्‍यी़न्‍दु भु छे ङोनी तो़प्‍प युङ् युङ युङ्‌ज्‍ये यो़प्‍प स्‍योक्‍च्‍यीत्। आमेन्।


हुनी हस्‍सो़त् को़न्‍ज्‍योक्‍ल तो़प्‍प धङ् यस्‍सो युङ्‌ज्‍ये यो़प्‍पल ख्रीष्‍ट्‌की लम्‍नी खीत्‍रङ् ॱसीम् सङ्‌बुल झ्‍युङ्‌न डेबु छेत्‍मीत् छ्‌यागेन् बेत्।


चोव ज्‍यीन्‍दक् येशु ख्रीष्‍ट्‌की थुज्‍यी खीत्‍रङ् घयेक्‍की ॱसीम्‍गी दगुल युङ् युङ युङ्‌ज्‍ये यो़प्‍प स्‍योक्‍च्‍यीत्।


धी़ नम ज्‍यी़न्‍दु स्‍युगेङ्‌गी ज्‍याबु, कोलीमीगी ॱमीक्‍की ॱमीत् थोङ्‌गेन् धङ् छील थ मीप्‍पे को़न्‍ज्‍योक् च्‍यीगी च्‍यीक्‍ल तो़प्‍प धङ् तो़त्‍वङ् धी़ ज्‍यी़न्‍दु युङ् युङ युङ्‌ज्‍ये यो़प्‍प स्‍योक्‍च्‍यीत्। आमेन्।


हज्‍यरङ्‌गी च्‍यप्‍को़न् को़न्‍ज्‍योक् च्‍यीगी च्‍यीक्‍ल हज्‍यरङ्‌गी चोव ज्‍यीन्‍दक् येशु ख्रीष्‍ट्‌की लम्‍नी तो़त्‍वङ् छ्‌यीम्‍मी़ ओ़च्‍च्‍य, ॱवङ्‌दा छ्‌यीम्‍मु, ॱस्‍यीक् धङ् ॱवङ् ॱङो़न् धङ्‌बी़ धी़गी एल्‍लानी झ्‍यीनी हुन्‍दो धङ् ॱनी धी़ नम ज्‍यी़न्‍दु युङ् युङ युङ्‌ज्‍ये यो़प्‍प स्‍योक्‍च्‍यीत्। आमेन्।


हज्‍यरङ् खोङ्‌गी ज्‍यागक्‍की मीस्‍सीर् धङ् खोङ्‌गी यप् को़न्‍ज्‍योक्‍की छ्‌यो़प्‍पो़ल्‍ल सोगेन् खोङ्‌ल धी़ नम ज्‍यी़न्‍दु तो़प्‍प धङ् ॱवङ् छ्‌यीम्‍मु युङ् युङ युङ्‌ज्‍ये यो़प्‍प स्‍योक्‍च्‍यीत्। आमेन्।


हुनी ॱस्‍यर्च्‍यक् ॱसेर छ्‌यीम्‍मु ज्‍यप्‍सोङ्। हुनी हुगी सार् दी गो च्‍युल तङे गो च्‍यीक् रुम्‍सोङ्। ॱनी मीरङ् तोङ्‌डक् दी़न् हुदु ॱस्‍यीसोङ्। ॱनी हुदु ॱमत् ॱस्‍यीय यो़प्‍प घयेत् दी टक्‍प सेत्‍न ज्‍यीबे, हुनी क तेङ् यी़गी को़न्‍ज्‍योक्‍ल तो़प्‍प पुसोङ्।


ॱनी हुगी केत् छ्‌यीम्‍मु तो़न्‍न हीन्‍दुक् सीस्‍सोङ्। कोलीमी घयेत् को़न्‍ज्‍योक्‍ल ज्‍यीब झ्‍यीन खोङ्‌ल तो़प्‍प पु। घन्‍ड हीन् सीन्‍न ह को़न्‍ज्‍योक्‍की ठीम् च्‍यो़प्‍पे धी़ दी ॱलीस्‍सोङ्। तेङ् यी़, ॱस जम्‍बुलीङ्, छ्‌यु ज्‍यम्‍जो छ्‌यीम्‍मु धङ् छ्‌यु थो़न्‍स घयेत् जेङ् सोगेन् खोङ्‌ल छ्‌यक् छो़ज्‍यीत्।


ॱनी हुब कुरीक्‍की केत् छ्‌यीम्‍मु तो़न्‍न हीन्‍दुक् सीन्‍न तो़प्‍प पुगुक्। ॱरोक्‍ल ढोङ हीम्‍बे लुक्‍टुक् नीज्‍यरङ्‌ल ॱवङ्, नोर्, झ्‍यी़, ॱस्‍यीक्, यस्‍सो, तो़त्‍वङ्‌गी ओ़च्‍च्‍य धङ् थु छ्‌यी थोप् ओ़ब यो़क्‍केन् बेत्।


आमेन् सीन्‍न तो़प्‍प, तो़त्‍वङ्‌गी ओ़च्‍च्‍य, झ्‍यी़, थु छ्‌यी, यस्‍सो, ॱवङ् धङ् ॱस्‍यीक् झ्‍यीब को़न्‍ज्‍योक्‍ल धी़ नम ज्‍यी़न्‍दु युङ् युङ युङ्‌ज्‍ये यो़प्‍प स्‍योक्‍च्‍यीत्। आमेन्।


Lean sinn:

Sanasan


Sanasan