Biblia Todo Logo
Bìoball air-loidhne

- Sanasan -




फीलीप्‍पी 3:13 - ल्होमी

13 पी़न्‍ज्‍यासो, ङे थस्‍स्‍युक्‍ल ॱनोप् छर हीन् ॱनो़ब मीत् झ्‍यीत्। ॱएङ्‌गी लेमु घयेत् दी जेङ् तक्‍ल ॱयुन स्‍यक्‍नी दोङ्‌ल घङ् युङल तेन ङ टेत् च्‍येत्‍न ज्‍युक्‍को़त्।

Faic an caibideil Dèan lethbhreac




फीलीप्‍पी 3:13
15 Iomraidhean Croise  

ले चा छ्‌यीस्‍स्‍यो दी च्‍यीगी च्‍यीक्‍रङ् यो़क्‍केन् बेत्। ॱनी हुगो क मरीयम्‍गी दम्‍न यो़क्‍केन् बेत्। हुगो ॱयोङ्‌गी या टो़ज्‍ये मीत् युङ्‌गेन् बेत् सीन्‍न ॱसुङ बेत्।


ॱनी हुल खोङ्‌गी हीन्‍दुक् ॱसुङ बेत्। थोङ्‌बल लक्‍प सुङ्‌न ॱमो़ ॱमो़क्‍केन् मी ॱसी़ तक्‍ल लोक्‍न तगुक्‍क हुगो को़न्‍ज्‍योक्‍की ज्‍यागक्‍की लेल ओ़ब मीत् युङ्‌गेन् बेत्।


ह ङीक्‍की कोलीमीगी लेमु डस्‍सी झ्‍यीन मी ॱसुल आक् गस्‍स्‍येङ् तेन नम् ॱमीत् च्‍यो़प्‍प यो़त्। एल्‍ला त ङीक्‍की ख्रीष्‍ट्‌ल आक् कोलीमीगी लेमु डस्‍सी झ्‍यीन गस्‍स्‍येङ् तेन नम् च्‍येप्‍पेन्। ॱनी ह हुगो डस्‍सी नम् ॱमीत् च्‍यो़प्‍प यो़त्।


ङे झ्‍यम्‍बे मी खीत्‍रङ्‌सो, ङ हुदु खीत्‍रङ्‌दङ् यो़प्‍पे यङ्‌ल खीत्‍रङ्‌गी को़न्‍ज्‍योक्‍की कल चीन दो़क्‍कुक्। ॱनी हुन्‍दो ङ हुदु मीप्‍पे कप्‍ल आक् हरुङ् गदु झ्‍यीन को़न्‍ज्‍योक्‍ल ज्‍यीब खुर्न दर्कीन् दर्कीन् खीत्‍रङ्‌गी मीजीगी छ्‌यलु दी थर् छरे लेमु डस्‍सी झ्‍यीज्‍यीत्।


हुन्‍दो ङ ॱलीत् गो़बे थस्‍स्‍युक्‍ल ॱलीत्‍न, फी़न्‍सुम् छङल युङ् छुमोङ्। ख्रीष्‍ट्‌की ङ दक्‍पु झ्‍यीब डस्‍सी ङ अक् हुगी ॱनोप् गो़बे थस्‍स्‍युक्‍ल ॱनोप् छुज्‍ये यो़प्‍पल टेत् च्‍यो़क्‍को़त्।


ॱनी धो़न् ङोम दी ङे चोव ज्‍यीन्‍दक् ख्रीष्‍ट् येशु ङु ॱस्‍यीब हुगो चा छ्‌यीस्‍स्‍योल ॱनेगुक्। खोङ्‌दङ् ङोस्‍स्‍यीन् युङ धङ् खोङ्‌दङ् मत् ढेब हील तेन, ङे ॱएङ्‌गी ले घयेत् हुगो घी़न्‍नक् धङ् धो़म्‍मीक्‍की ले जेङ् झ्‍यीब हीम्‍ब छोर्कुक्। खोङ्‌गी धो़ल्‍ल हुगो कुरीक् फङ् छरेन्।


हुगो झ्‍यीनी ख्रीष्‍ट्‌की ढीक्‍की केच्‍च्‍य गोम क क आमे ॱलोप्‍सदङ् छ्‌येत्‍मीत् फीच्‍च्‍य यङ् ॱसप्‍तेन् तीङ्‌गेङ्‌गी लेमु डस्‍सी मत् झ्‍यीदोङ्। ॱस्‍यीस्‍सल च्‍यो़गेङ्‌गी ले घयेत् ॱलो़ तङ्‌न ॱसीम् ज्‍युर् गोगेन्, को़न्‍ज्‍योक्‍ल छ्‌य स्‍योक् गोगेन्, ठी़ ज्‍यक्‍केन् बप्‍तीस्‍की लेमु घयेक्‍की ढीक्‍की ॱलोप्‍स, लक्‍पे ॱवङ् को़बे ढीक्‍की ॱलोप्‍स, ॱस्‍यीनी यङ् ॱसोम्‍बुल लोङ्‌गेङ्‌गी ॱलोप्‍स धङ् फुगी ढीक्‍ल छ्‌येप्‍प फोक्‍केन् हीम्‍बे ॱलोप्‍स हुन्‍दुक् झ्‍यीब हुगो कुरीक् क क आमे ॱलोप्‍स डस्‍सीरङ् बेत्। उजो़त् च्‍यीक्‍की ॱमीत् छ्‌येप्‍प, धो़न् कुरीक् ॱस्‍यीन फी़न्‍सुम् छङ युङ झ्‍यीत् गोगेन् बेत्।


झ्‍यम्‍बे दगुसो, चोव ज्‍यीन्‍दक्‍ल लोङ तोङ्‌डक् च्‍यीक् ङीन् च्‍यीक् डस्‍सील अक् डो छुगेन् बेत्। ॱनी यङ् ङीन् च्‍यीक् लोङ तोङ्‌डक् च्‍यीक् डस्‍सील अक् डो छुगेन् बेत्। हीगो टोक् मत् ज्‍यीब, ॱसीम्‍ल सुङ्‌न स्‍योक्‍च्‍यीत्।


Lean sinn:

Sanasan


Sanasan