Biblia Todo Logo
Bìoball air-loidhne

- Sanasan -




फीलीप्‍पी 3:10 - ल्होमी

10 खोङ् गदु ङु ॱस्‍यीज्‍ये यो़प्‍प, खोङ् ढोङ्‌नी, यङ् ॱसोम्‍बुल लोङ्‌गेङ्‌गी ॱस्‍यीक् दी ङल अक् ॱङीच्‍च्‍ये यो़प्‍प, खोङ्‌ल नोङे दुक्‍प गुर्रो झ्‍यीच्‍च्‍ये यो़प्‍प धङ् खोङ् ढोङे लेमु डस्‍सी ङल अक् युङ्‌ज्‍ये यो़प्‍प तोङ् सीक्‍को़त्।

Faic an caibideil Dèan lethbhreac




फीलीप्‍पी 3:10
34 Iomraidhean Croise  

ॱनी यङ् खोङ्‌गी हुबल ङे फोप्‍पनी खीत्‍रङ्‌गी थुङ दी त थुङ्‌गेन् बेत्। ॱनी हीन्‍न अक्, ङे ॱये छ्‌योदु धङ् ॱयेन् छ्‌योदु दो़त्‍तु ची़च्‍च्‍येमे ॱवङ् ङल मीत्। हुगो ङे यप्‍की ॱसी़ ढीक्‍ल स्‍यक्‍न यो़दङ् हुगोरङ् दो़क्‍केन् बेत् सीन्‍न झ्‍यीब बेत्।


ॱयोङ् ॱसी़ इक् ङे ॱरोक् हीगो च्‍यो़त् ॱमीत् छुगेन् बेत्। हीगो ङ ङरङ्‌गी ॱलो़लङ्‌गी च्‍यो़गेन् हीन्। हीगो च्‍यो़ज्‍येमे ॱवङ् ङल यो़त्। यङ् लीन्‍ज्‍येमे ॱवङ् ॱअङ् ङल यो़त्। हीन्‍दुक् झ्‍यीच्‍च्‍येमे क ङल यप्‍की ॱनङ्‌न यो़त् झ्‍यीब बेत्।


फु तक्‍पे छी दी कोलीमी घयेक्‍की को़न्‍ज्‍योक् दी नीज्‍यरङ् च्‍यीगी च्‍यीक्‍रङ् दुक् ॱनो़न गन्‍दीय ङु ॱस्‍यीब धङ् नीज्‍यरङ्‌गी तङे येशु ख्रीष्‍ट् ङु ॱस्‍यीब हीगो बेत्।


हज्‍यरङ् को़न्‍ज्‍योक्‍की भीजल झ्‍युङ्‌नी, हुनी पब च्‍यानी भीजल थोबे नोर्की फक् दी हज्‍यरङ्‌ल ख्रीष्‍ट्‌तङ् कङ्‌ज्‍यीक्‍ल थोप्‍केन् बेत्। ॱनी खोङ्‌दङ् कङ्‌ज्‍यीक्‍ल दुक्‍प गुर्रो झ्‍यीन ॱनी, खोङ्‌दङ् कङ्‌ज्‍यीक्‍ल तो़त्‍वङ्‌गी फक् दी इक् हज्‍यरङ्‌ल थोप्‍केन् बेत्।


ॱनी हज्‍यरङ् पी़न्‍ज्‍या कुरीक्‍की छीक्‍नी को़न्‍ज्‍योक्‍की ॱरेबु गेन्‍स्‍यो युङ्‌ज्‍येल धङ् को़न्‍ज्‍योक्‍की एल्‍लानीरङ् दम्‍न यो़प्‍प घयेत् खोङ्‌गी ॱरेबुदङ् डव युङ्‌ज्‍ये यो़प्‍पल हज्‍यरङ् खोङ्‌गी थुल ॱमीन स्‍यक्‍न यो़क्‍केन् बेत्।


हीगी ढीक्‍ल ॱसुङ्‌रप्‍ल थो़ङ्‌गेन् बेत्। नीज्‍यरङ्‌गी धो़न्‍दु ङीत् ङीन्‍दङ् फो़स्‍स्‍यी ॱसो़त्‍तु ठीक्‍केन् बेत्। ॱरोक्‍ल ॱसो़त्‍तु ठीक्‍केङ्‌गी लुक्‍तङ् छ्‌येत्‍मीत् ङीत्‍ल ॱसम्‍गेन् बेत्। (ॱसुङ्‌रप्‍की गुल्‍लु ४४:२२)


हुन्‍दुक् झ्‍यीबे ॱस्‍यीये लक्‍नी को़न्‍ज्‍योक्‍की ङीत् छ्‌यीज्‍युङ्। ॱनी तीङ्‌ला आक् खोङ्‌गी छ्‌यीगेन् बेत्। ङीत्‍ल दगु झ्‍यीच्‍च्‍येल खीत्‍रङ्‌गी ॱसुव तबल खोङ्‌गी ङीत् छीगङ् छ्‌यीगो़त् ॱनो़बे रीगो झ्‍यीक्‍को़त्। मी गज्‍येङ्‌गी हुन्‍दुक् झ्‍यीन ॱसुव तबे लेल्‍ल को़न्‍ज्‍योक्‍की ङीत्‍ल थुज्‍यी ॱनङ्‌नी, हुनी मी गज्‍येङ्‌गी खोङ्‌ल थु छ्‌यी पु पुब झ्‍यीक्‍केन् बेत्।


ख्रीष्‍ट्‌ल दुक्‍प अयेक्‍प गज्‍येन् नोङ डस्‍सी हज्‍यरङ्‌ल अक् नोङ्‌गुक्। ॱनी हीगो डस्‍सी ॱलोप्‍स्‍यीक् दी इक् खोङ्‌गी च्‍यानी गज्‍येन् ॱङीक्‍कुक्।


खोङ् ज्‍यीक्‍च्‍ये मीप्‍प यो़प्‍पे कप्‍ल खोङ् कुरुस्‍ल ताब बेत्। ॱनी हीन्‍न अक्, को़न्‍ज्‍योक्‍की ॱस्‍यीक्‍की यङ् खोङ् ॱसोम्‍बुल ॱलोङ्‌न यो़क्‍केन् बेत्। हुगो डस्‍सी खोङ्‌दङ् मत् ढेब यो़क्‍केन् झ्‍यीनी, ङीत् इत् ज्‍यीक्‍च्‍ये मीप्‍प यो़त्। ॱनी हीन्‍न अक्, खीत्‍रङ्‌गी घुङ्‌दु स्‍यप्‍च्‍यी़गी ले झ्‍यीप्‍पल ङीत् इत् को़न्‍ज्‍योक्‍की ॱस्‍यीक्‍की ख्रीष्‍ट्‌तङ् कङ्‌ज्‍यीक्‍ल ॱसोम्‍बुल सो़न यो़क्‍केन् बेत्।


ङ ख्रीष्‍ट्‌तङ् दल कुरुस्‍ल तान ॱस्‍यीनरदङ् च्‍यीक्‍प हीन्। हीगो झ्‍यीनी ङ ॱसोम्‍बु मेन्। ङे मीजी च्‍योङ्‌गेन्, ङे ॱसीम्‍ल ख्रीष्‍ट् ॱसोम्‍बु यो़त्। ङ ॱस्‍यस्‍सी़ हील यो़स्‍स्‍यीङ् भोर्ल ङल झ्‍यम्‍ब जेक्‍केन्, ङे धो़न्‍दु ॱरोक् च्‍यो़गेन् को़न्‍ज्‍योक्‍की ॱरेबुल ङ ॱलो केन दो़क्‍को़त्।


ह हीनी झ्‍यीब दी मी ॱसी़ इक् ङल दुक्‍स्‍यी ॱमत् तोङ्‌लेच्‍च्‍यीत्। घन्‍ड हीन् सीन्‍न येशुगी ढीक्‍ल दुक्‍प नोङ्‌न ङे सी़ल खोङ्‌गी ङोत्‍तागी ॱमील यो़त्।


हुनी हज्‍यरङ्‌गी छ्‌य स्‍यक्‍प दीनी धङ् को़न्‍ज्‍योक्‍की ॱरेबी़ धो़न् थोब दीनी हज्‍यरङ् कुरीक्‍की ॱसीम् दी च्‍यीक्‍ल डोगेन् बेत्। हुनी हस्‍सो़त् हज्‍यरङ् गेम्‍बा ॱनोक्‍सम् ॱलीत् छरदङ् छ्‌येत्‍मीत् झ्‍युङ्‌न ख्रीष्‍ट्‌तङ् डमु छङ्‌मल ॱनोप्‍न युङ् छुगेन् बेत्।


ॱनी धो़न् ङोम दी ङे चोव ज्‍यीन्‍दक् ख्रीष्‍ट् येशु ङु ॱस्‍यीब हुगो चा छ्‌यीस्‍स्‍योल ॱनेगुक्। खोङ्‌दङ् ङोस्‍स्‍यीन् युङ धङ् खोङ्‌दङ् मत् ढेब हील तेन, ङे ॱएङ्‌गी ले घयेत् हुगो घी़न्‍नक् धङ् धो़म्‍मीक्‍की ले जेङ् झ्‍यीब हीम्‍ब छोर्कुक्। खोङ्‌गी धो़ल्‍ल हुगो कुरीक् फङ् छरेन्।


खीत्‍रङ्‌ल फेम्‍ब युङे ढीक्‍ल हुन्‍दो ङल यो़प्‍पे दुक्‍प हील ङ गेस दुक्। घन्‍ड हीन् सीन्‍न ख्रीष्‍ट्‌की सी़बु हीम्‍बे छ्‌यो़ छोल फेम्‍ब युङे ढीक्‍ल ख्रीष्‍ट्‌की दुक्‍स्‍यी ॱमत् छङ दी ङे ङरङ्‌गी सी़ल गुर्न छङल सोगो़त्।


हीगो मत् युङे एल्‍ला खीत्‍रङ् ङीब दीक्‍प झ्‍यीक्‍केन्, सी़ल यहुदीगी दक् मीप्‍प, ज्‍यी़त् ॱयोङ् ॱयोङ्‌गी मी झ्‍यीनी, खीत्‍रङ् ॱस्‍यीनरदङ् छ्‌येत्‍मीत् यो़क्‍केन् बेत्। ॱनी हीन्‍न अक्, खीत्‍रङ् येशुदङ् दल को़न्‍ज्‍योक् ङो़ल ॱसोम्‍बु युङल को़न्‍ज्‍योक्‍की खीत्‍रङ् ॱसोम्‍बुल सो़ब बेत्। हज्‍यरङ्‌गी ङीब दीक्‍प घयेत् को़न्‍ज्‍योक्‍की धक्‍तु ची़प्‍प बेत्।


खीत्‍रङ् ख्रीष्‍ट्‌तङ् दल को़न्‍ज्‍योक् ङो़ल ॱसोम्‍बुल ॱलोङ्‌न यो़क्‍केन् झ्‍यीनी, खीत्‍रङ्‌गी ॱसीम् दी ख्रीष्‍ट् झ्‍यीस्‍स तेङ् यी़ल तङ्‌न दो़च्‍च्‍यीत्। इगीन ख्रीष्‍ट् ॱवङ् छ्‌यीम्‍मु खुर्न को़न्‍ज्‍योक्‍की ॱये छ्‌योन स्‍युन यो़क्‍केन् बेत्।


हज्‍यरङ्‌गी चोव ज्‍यीन्‍दक् येशु ख्रीष्‍ट्‌की यप् को़न्‍ज्‍योक्‍ल यस्‍सो युङ् युङ युङ्‌ज्‍ये यो़प्‍प स्‍योक्‍च्‍यीत्। घन्‍ड हीन् सीन्‍न खोङ्‌गी थुज्‍यी छ्‌यीम्‍मु जेत्‍न येशु ख्रीष्‍ट् ढोङ्‌नरनी ॱसोम्‍बुल ॱलोङ हीम्‍बे लम्‍नी हज्‍यरङ्‌ल रीगो ॱङो़न्‍ने दी थोबल खोङ्‌गी ॱसीम् ॱसम्‍ब झ्‍युङ्‌दु ची़प्‍प बेत्।


ङे हीगी ली़ हीगो यो़स्‍स्‍यीङ् भोर्ल हीगो खीत्‍रङ्‌ल छीगङ् ढेन्‍सो़ ॱलङ्‌न ॱसीम्‍ल छ्‌यर्तु ची़त्‍न आक्, डीक्‍को़ट्‌टो ॱनो़गुक्।


खोङ्‌गी क धङ् धम्‍ल हज्‍यरङ् ॱसी़ चीन युङ्‌गुक्‍क हुगी खोङ् गन्‍दीय ङु ॱस्‍यीगुक् ॱनो़ब हज्‍यरङ् कुरीक्‍की ॱह घोगेन् बेत्।


खोङ्‌गी क धङ् धम्‍ल चीन युङ्‌गेङ्‌गी मी ॱसीम् दील हस्‍सो़त् को़न्‍ज्‍योक्‍ल दीम्‍बरङ्‌गी झ्‍यम्‍ब छङ यो़प्‍प युङ्‌गेन् बेत्। ॱनी यङ् हज्‍यरङ् खोङ्‌दङ् मत् ढेब यो़त् सीक्‍केन् दीगी छ्‌यलु दी येशुगी लेमु डस्‍सी युङ् गोगेन् बेत्। हुनी क हुगो को़न्‍ज्‍योक्‍तङ् मत् ढेब यो़प्‍प हीम्‍ब दी हज्‍यरङ्‌गी ॱह घो छुगेन् बेत्।


ङ ॱसोम्‍बु यो़त्। एल्‍ला ङ ॱस्‍यीज्‍युङ्। ॱनी ह धी़ नम ज्‍यी़न्‍दु ङ ॱसोम्‍बु यो़त्। ॱनी ॱस्‍यीव धङ् ॱस्‍यीवे यी़गी च्‍यी दी ङल यो़त्।


Lean sinn:

Sanasan


Sanasan