फीलीप्‍पी 2:30 - ल्होमी

³⁰ घन्‍ड हीन् सीन्‍न ङल खीत्‍रङ्‌गी झ्‍यीत् ॱमीत् छुगेङ्‌गी स्‍यप्‍च्‍यी़ ज्‍युन ख्रीष्‍ट्‌की लेगी ढीक्‍ल ॱस्‍यीज्‍येमरङ् ॱयेङ्‌न आक्, रोरङ्‌गी ॱरोक्‍ल फङ मीप्‍प झ्‍यीब बेत्।

फीलीप्‍पी 2:30 Iomraidhean Croise

ठीक्‍नल 20:24

ङे मीजी यो़स्‍स्‍यीङ् भोर्ल चोव ज्‍यीन्‍दक् येशुगी को़न तङे ले को़न्‍ज्‍योक्‍की थुज्‍यीगी ढीक्‍की केच्‍च्‍य ॱनेम्‍बु ॱस्‍यो़क्‍केन् हीगो डुप्‍च्‍ये ॱनो़बे ॱसम्‍ल दी मेन्‍द, स्‍येन् ङरङ्‌गी ॱरोक्‍ल आक् फङ मीन्‍दुक्।

रोमी 16:4

हुब ॱङीबी़ ङे ढीक्‍ल रोरङ्‌सो़ ॱरोक् दीरङ् ॱसोङ्‌न आक्, फङ मीप्‍प झ्‍यीसोङ्। ॱनी ङे ढीक्‍ल छ्‌युवक् मेम्‍ब, ज्‍यी़त् ॱयोङ् ॱयोङ्‌गी छ्‌यो़ छो घयेत्‍ल अक् हुब ॱङीबी़ ढीन् सुक्‍न यो़क्‍केन् बेत्।

१ कोरीन्‍थी 15:53

फु ॱमीत् तक्‍केन् दी फु तक्‍केल्‍ल ज्‍युर्न युङ् गोगेन् बेत्। ॱस्‍यी डोगेन् दी काबे छीरप्‍ल आक् ॱमीत् ॱस्‍यीगेल्‍ल ज्‍युर्न युङ् गोगेन् बेत्।

१ कोरीन्‍थी 16:10

तीमोथी हुदु खीत्‍रङ् च्‍याल युङ्‌नी, हुगोल हुदु ज्‍यीब छीर मीत् युङे लेमु खीत्‍रङ्‌गी झ्‍यीज्‍यीत्। चोव ज्‍यीन्‍दक्‍की ले ङे झ्‍यीब डस्‍सी हुगी इक् झ्‍यीक्‍केन् बेत्।

१ कोरीन्‍थी 16:17

इस्‍तीफनास्, फोर्टुनाटस् धङ् अखैकस् झ्‍यीब हीदु युङ्‌नी, ङ गेसक्‍की खीत्‍रङ् घयेत् ढेम्‍बे ठेक्‍कीन् थेस्‍सी यो़प्‍प दी इक् येसोङ्।

२ कोरीन्‍थी 12:15

खीत्‍रङ्‌गी ॱसीम्‍ल फेन् थोब झ्‍युङ्‌न, बोर ङल यो़प्‍पे नोर् दीरङ् हीन्, ङरङ्‌गी ली़बु छङ्‌म दीरङ् हीन्‍न अक्, खीत्‍रङ्‌गी ढीक्‍ल टो़प्‍पल ङल गव यो़त्। ङे खीत्‍रङ्‌ल नुक्‍मे झ्‍यम्‍ब छ्‌यीय झ्‍यीक्‍को़त्‍न अक्, खीत्‍रङ्‌गी झ्‍यम्‍ब दी ङल हरुङ् को़न्‍दु को़न्‍दु डोगेन् बेत्।

२ कोरीन्‍थी 4:12

हीगो झ्‍यीनी ङीक्‍की घुङ्‌दु ॱस्‍यीवे ले युङ्‌गेन् बेत्। हुनी खीत्‍रङ्‌गी घुङ्‌दु छीवे ले डुप्‍न युङ्‌गेन् बेत्।

फीलीप्‍पी 2:17

खीत्‍रङ्‌गी छ्‌य स्‍यक्‍प दी को़न्‍ज्‍योक्‍ल छ्‌यो़प्‍प पुबदङ् डगेन् बेत्। ॱनी ङ हीदु ॱस्‍यी गो़ ॱस्‍यर्न ॱनी, ङे ॱरोक् दी गोङ्‌ज्‍यङ्‌गी छ्‌यो़प्‍प पुबदङ् छ्‌येत्‍मीत् खीत्‍रङ्‌गी छ्‌य स्‍यक्‍प दीदङ् दल डोगेन् बेत्। ॱनी हील अक् ङ गव दुक्। हीगी ढीक्‍ल ङल अक् खीत्‍रङ्‌दङ् कङ्‌ज्‍यीक्‍ल गेस यो़त्।

फीलीप्‍पी 2:27

हीम्‍ब त नन ॱस्‍यीज्‍येलरङ् थुक्‍प बेत्। ॱनी को़न्‍ज्‍योक्‍की ॱङीङ्‌ज्‍यी जेत्‍नी, ॱसो़ब बेत्। ॱनी ॱङीङ्‌ज्‍यी दी गोत्‍तल च्‍यीक्‍पु मेम्‍ब, ङल अक् ॱसीम्‍दुक्‍की थोक्‍ल ॱसीम्‍दुक् नोङ्‌ज्‍ये मीप्‍पल झ्‍युङ्।

फीलीप्‍पी 4:10

खीत्‍रङ्‌गी हुन्‍दो स्‍युक्‍ला यङ् ङल गो़बे गो़ज्‍येत् घयेत्‍ल तेन युङ्‌नी, चोव ज्‍यीन्‍दक्‍तङ् मत् ढेबे मी ङल यो़प्‍पल गेस छ्‌यीम्‍मु झ्‍युङ्। खीत्‍रङ्‌गी ॱसीम्‍बे झ्‍यीच्‍च्‍ये ॱनो़ब त यो़क्‍केन् बेत्। ॱनी झ्‍यीत् ॱमत् छुब हीन्‍डो।

फीलीप्‍पी 4:18

खीत्‍रङ्‌गी इपाफ्रोडीटस्‍की लक्‍ल घङ् तङ घयेत् दी ङल ठो़च्‍च्‍युङ्। ठो़त्‍न मो़त् छ्‌यीली झ्‍युङ्। ह ङल गज्‍येन् यो़त्। ॱनी खीत्‍रङ्‌गी तङे कुम्‍मु हीगो को़न्‍ज्‍योक्‍की थुल डोव ढीम स्‍यीम्‍बोक्‍म ॱहीक्‍केन् को़न्‍ज्‍योक् थु गुवे छ्‌यो़प्‍पदङ् छ्‌येत्‍मीत् झ्‍युङ्।

फीलेमोन् 1:13

केच्‍च्‍य ॱनेम्‍बी़ ढीक्‍ल ङ हीदु चो़ल्‍ल ॱस्‍योर्न यो़प्‍पे यङ्‌ल नीज्‍यरङ्‌गी छप्‍पुल हुगो स्‍येन् ङे दगुल स्‍योक्‍कीन् थेच्‍च्‍युङ्।

ॱसाल्‍केत् 12:11

हज्‍यरङ्‌गी पी़न्‍ज्‍या घयेत् डुक् हुगोले ज्‍यला थो़न्‍ज्‍ये दी लुक्‍टुक्‍की ठक् धङ् रोरङ्‌सो़ ॱस्‍येप्‍पे दीम्‍बे केच्‍च्‍य दीगी थो़म्‍ब बेत्। ॱनी हुबे रोरङ्‌सो़ ॱरोक् दीरङ् च्‍यो़ गो़ ॱस्‍यर्न आक्, हुल फङ मत् झ्‍यीब बेत्।