Biblia Todo Logo
Bìoball air-loidhne

- Sanasan -




फीलीप्‍पी 2:17 - ल्होमी

17 खीत्‍रङ्‌गी छ्‌य स्‍यक्‍प दी को़न्‍ज्‍योक्‍ल छ्‌यो़प्‍प पुबदङ् डगेन् बेत्। ॱनी ङ हीदु ॱस्‍यी गो़ ॱस्‍यर्न ॱनी, ङे ॱरोक् दी गोङ्‌ज्‍यङ्‌गी छ्‌यो़प्‍प पुबदङ् छ्‌येत्‍मीत् खीत्‍रङ्‌गी छ्‌य स्‍यक्‍प दीदङ् दल डोगेन् बेत्। ॱनी हील अक् ङ गव दुक्। हीगी ढीक्‍ल ङल अक् खीत्‍रङ्‌दङ् कङ्‌ज्‍यीक्‍ल गेस यो़त्।

Faic an caibideil Dèan lethbhreac




फीलीप्‍पी 2:17
21 Iomraidhean Croise  

ङे मीजी यो़स्‍स्‍यीङ् भोर्ल चोव ज्‍यीन्‍दक् येशुगी को़न तङे ले को़न्‍ज्‍योक्‍की थुज्‍यीगी ढीक्‍की केच्‍च्‍य ॱनेम्‍बु ॱस्‍यो़क्‍केन् हीगो डुप्‍च्‍ये ॱनो़बे ॱसम्‍ल दी मेन्‍द, स्‍येन् ङरङ्‌गी ॱरोक्‍ल आक् फङ मीन्‍दुक्।


ॱनी पावल्‍की लेम्‍बुल खीत् घयेत् ङी़न घन्‍डल ङे ॱसीम्‍ब ठुदु ची़क्‍केन्। ङ चोव ज्‍यीन्‍दक् येशुगी छेङ्‌गी ढीक्‍ल कीङ छ्‌युवक् मेम्‍ब, यरुशलेम्‍दु ॱस्‍यी गो़रङ् ॱस्‍यर्न आक्, ङे ॱरोक् हीगो च्‍यो़गेन् सीन्‍न झ्‍यीब बेत्।


पी़न्‍ज्‍यासो, को़न्‍ज्‍योक् ॱङीङ्‌ज्‍यी छ्‌यीम्‍मु च्‍येम्‍म यो़क्‍केन् झ्‍यीनी, खीत्‍रङ्‌ल ङ ॱलोप्‍स हीगो ज्‍यक्‍केनो। खीत्‍रङ्‌गी ली़सीम् दी चङ्‌म, को़न्‍ज्‍योक् थु गुव, को़न्‍ज्‍योक्‍ल सुङ्‌ल चुब डस्‍सी पुज्‍यीत्। हीगो क हस्‍सो़त् दीम्‍बरङ्‌गी धेप्‍प मो़ब झ्‍यीब दील डोगेन् बेत्।


ङ ज्‍यी़त् ॱयोङ् ॱयोङ्‌गी मी घयेक्‍की ढीक्‍ल ख्रीष्‍ट् येशुगी ॱयोक्‍पुल खो़त्‍न यो़त्। ॱनी ज्‍यी़त् ॱयोङ् ॱयोङ्‌गी मी घयेत् धम्‍बे थुगी धक्‍पर् हीम्‍बल सो़न हुब घयेत् को़न्‍ज्‍योक् थु गुवे छ्‌यो़प्‍प डस्‍सील युङ्‌ज्‍ये यो़प्‍पल को़न्‍ज्‍योक्‍की केच्‍च्‍य ॱनेम्‍बु ॱस्‍यो़क्‍केन्, ङ छ्‌यो़प्‍पो़न् डस्‍सी हीन्।


खीत्‍रङ्‌गी ॱसीम्‍ल फेन् थोब झ्‍युङ्‌न, बोर ङल यो़प्‍पे नोर् दीरङ् हीन्, ङरङ्‌गी ली़बु छङ्‌म दीरङ् हीन्‍न अक्, खीत्‍रङ्‌गी ढीक्‍ल टो़प्‍पल ङल गव यो़त्। ङे खीत्‍रङ्‌ल नुक्‍मे झ्‍यम्‍ब छ्‌यीय झ्‍यीक्‍को़त्‍न अक्, खीत्‍रङ्‌गी झ्‍यम्‍ब दी ङल हरुङ् को़न्‍दु को़न्‍दु डोगेन् बेत्।


हीगो झ्‍यीनी ङीक्‍की घुङ्‌दु ॱस्‍यीवे ले युङ्‌गेन् बेत्। हुनी खीत्‍रङ्‌गी घुङ्‌दु छीवे ले डुप्‍न युङ्‌गेन् बेत्।


ॱसीम्‍ल दुक्‍ङा झ्‍युङ्। ॱनी हीन्‍न अक्, छीगङ् गेस झ्‍यीक्‍को़त्। ङीत् टङ्‌बु हीन्‍न अक्, ङीक्‍की ॱयोङ्‌मा छ्‌युक्‍पुल सोगो़त्। ङीत्‍ल घन्‍ड अक् मीप्‍प डस्‍सी यो़त्‍न अक्, ङीत्‍ल म दी कुरीक् यो़त्।


खीत्‍रङ्‌ल ङ ॱलो खीज्‍युङ्। ॱनी खीत्‍रङ्‌गी ढीक्‍ल यङ् ङल ङोम्‍ज्‍येत् एत् यो़त्। ॱलोप्‍स्‍यीक् इक् छ्‌यीम्‍मु ॱङीच्‍च्‍युङ्। दुक्‍प ॱनजोरङ् नोङ्‌न अक्, ङ गेसक्‍की फीको़र्त्।


ङ ॱस्‍यीन आक्, ॱसो़न आक्, ॱङच्‍च्‍यी़न् तबु ङल हुन्‍दो ओक् ज्‍यीक्‍टक् मीत्। ङल तीङ्‌ला आक् ङु छ गोगेङ्‌गी ले घन्‍ड अक् मीत् युङ, ङे मीजीनी ख्रीष्‍ट्‌ल तो़प्‍प युङे देङ्‌जो़त् यो़त्।


ॱनी खीत्‍रङ् ॱअङ् ङ डस्‍सीरङ् ङदङ् दल गव धङ् गेस झ्‍यीलेच्‍च्‍यीत्।


घन्‍ड हीन् सीन्‍न ङल खीत्‍रङ्‌गी झ्‍यीत् ॱमीत् छुगेङ्‌गी स्‍यप्‍च्‍यी़ ज्‍युन ख्रीष्‍ट्‌की लेगी ढीक्‍ल ॱस्‍यीज्‍येमरङ् ॱयेङ्‌न आक्, रोरङ्‌गी ॱरोक्‍ल फङ मीप्‍प झ्‍यीब बेत्।


खीत्‍रङ्‌गी इपाफ्रोडीटस्‍की लक्‍ल घङ् तङ घयेत् दी ङल ठो़च्‍च्‍युङ्। ठो़त्‍न मो़त् छ्‌यीली झ्‍युङ्। ह ङल गज्‍येन् यो़त्। ॱनी खीत्‍रङ्‌गी तङे कुम्‍मु हीगो को़न्‍ज्‍योक्‍की थुल डोव ढीम स्‍यीम्‍बोक्‍म ॱहीक्‍केन् को़न्‍ज्‍योक् थु गुवे छ्‌यो़प्‍पदङ् छ्‌येत्‍मीत् झ्‍युङ्।


खीत्‍रङ्‌ल फेम्‍ब युङे ढीक्‍ल हुन्‍दो ङल यो़प्‍पे दुक्‍प हील ङ गेस दुक्। घन्‍ड हीन् सीन्‍न ख्रीष्‍ट्‌की सी़बु हीम्‍बे छ्‌यो़ छोल फेम्‍ब युङे ढीक्‍ल ख्रीष्‍ट्‌की दुक्‍स्‍यी ॱमत् छङ दी ङे ङरङ्‌गी सी़ल गुर्न छङल सोगो़त्।


खीत्‍रङ्‌ल ङीक्‍की च्‍यीब झ्‍यम्‍ब झ्‍यीक्‍कीन् थेच्‍च्‍युङ्। हुगो झ्‍यीनी खीत्‍रङ्‌ल को़न्‍ज्‍योक्‍की केच्‍च्‍य ॱनेम्‍बु दी ॱसीम् गव झ्‍यीन ॱस्‍यो़च्‍च्‍ये ॱनो़ब छ्‌युवक् मेम्‍ब, ङीक्‍की ली़सीम् दीरङ् जेङ् खीत्‍रङ्‌ल टो़त् गो़ ॱस्‍यर्न आक्, टो़त् छुबे ॱसीम् झ्‍युङ्। घन्‍ड हीन् सीन्‍न खीत्‍रङ् ङीक्‍की झ्‍यम्‍बे मील झ्‍युङ बेत्।


ङ ॱनी ह ॱरोक् छ्‌यो़प्‍पल पुगेन्‍दङ् छ्‌येत्‍मीत् डोये धी़ ॱलीस्‍सोङ्।


ॱनी हीगो डस्‍सी खीत्‍रङ् ॱअङ् दो ॱसोम्‍बु बेत्। धम्‍बे थु स्‍युसे स्‍युगङ् दी खीत्‍रङ् घयेत्‍नी सोगेन् बेत्। खीत्‍रङ् को़न्‍ज्‍योक्‍की ढीक्‍ल पी़प्‍पे छ्‌यो़प्‍पो़न् चङ्‌म दी बेत्। खीत्‍रङ्‌गी ॱसीम्‍नी पुबे छ्‌यो़प्‍प दी येशु ख्रीष्‍ट्‌की लम्‍नी को़न्‍ज्‍योक्‍की स्‍यागी स्‍यीगेन् बेत्।


येशु ख्रीष्‍ट्‌की हज्‍यरङ्‌गी ढीक्‍ल खोङ् रोरङ्‌गी ॱरोक् दीरङ् च्‍येब बेत्। हुल तेनी क, दीम्‍बरङ्‌गी झ्‍यम्‍ब दी घन्‍दुक् झ्‍यीब युङ्‌गेन् बेक्‍क हुगो हज्‍यरङ्‌गी ॱह घो छुगेन् बेत्। ॱनी हीगो डस्‍सीगी झ्‍यम्‍ब दी क हज्‍यरङ्‌गी इक् पी़न्‍ज्‍या नङ्‌गी पी़ङ्‌गी ढीक्‍ल ॱरोक्‍रङ् ॱसोङ्‌न आक्, च्‍यो़ छुब युङ् गोगेन् बेत्।


Lean sinn:

Sanasan


Sanasan