Biblia Todo Logo
Bìoball air-loidhne

- Sanasan -




फीलीप्‍पी 1:20 - ल्होमी

20 ङ ॱस्‍यीन आक्, ॱसो़न आक्, ॱङच्‍च्‍यी़न् तबु ङल हुन्‍दो ओक् ज्‍यीक्‍टक् मीत्। ङल तीङ्‌ला आक् ङु छ गोगेङ्‌गी ले घन्‍ड अक् मीत् युङ, ङे मीजीनी ख्रीष्‍ट्‌ल तो़प्‍प युङे देङ्‌जो़त् यो़त्।

Faic an caibideil Dèan lethbhreac




फीलीप्‍पी 1:20
41 Iomraidhean Croise  

ॱनी म दीरङ् ङे लम्‍ल थीरी दो़च्‍च्‍यीत् झ्‍यीब बेत्। हीगो को़न्‍ज्‍योक्‍ल तो़प्‍प युङ्‌ज्‍येल पत्रुस् घन्‍दुक् झ्‍यीन ॱस्‍यीगो़दङ् हुगो येशुगी तो़न्‍न ॱस्‍येप्‍प बेत्।


ङे मीजी यो़स्‍स्‍यीङ् भोर्ल चोव ज्‍यीन्‍दक् येशुगी को़न तङे ले को़न्‍ज्‍योक्‍की थुज्‍यीगी ढीक्‍की केच्‍च्‍य ॱनेम्‍बु ॱस्‍यो़क्‍केन् हीगो डुप्‍च्‍ये ॱनो़बे ॱसम्‍ल दी मेन्‍द, स्‍येन् ङरङ्‌गी ॱरोक्‍ल आक् फङ मीन्‍दुक्।


ॱनी पावल्‍की लेम्‍बुल खीत् घयेत् ङी़न घन्‍डल ङे ॱसीम्‍ब ठुदु ची़क्‍केन्। ङ चोव ज्‍यीन्‍दक् येशुगी छेङ्‌गी ढीक्‍ल कीङ छ्‌युवक् मेम्‍ब, यरुशलेम्‍दु ॱस्‍यी गो़रङ् ॱस्‍यर्न आक्, ङे ॱरोक् हीगो च्‍यो़गेन् सीन्‍न झ्‍यीब बेत्।


हुन्‍दुक् झ्‍यीन ॱसुव दी तप् छर्नी, रोरङ्‌सो घयेत् जोम्‍से ॱसने दी म दीरङ् भीरीरी भीर् झ्‍यीन हुब कुरीक्‍ल धम्‍बे थु स्‍युन घेङ्‌न युङ बेत्। हुनी हुब कुरीक् ज्‍यीब मीप्‍प, को़न्‍ज्‍योक्‍की केच्‍च्‍य ॱस्‍येप्‍प बेत्।


पी़न्‍ज्‍यासो, को़न्‍ज्‍योक् ॱङीङ्‌ज्‍यी छ्‌यीम्‍मु च्‍येम्‍म यो़क्‍केन् झ्‍यीनी, खीत्‍रङ्‌ल ङ ॱलोप्‍स हीगो ज्‍यक्‍केनो। खीत्‍रङ्‌गी ली़सीम् दी चङ्‌म, को़न्‍ज्‍योक् थु गुव, को़न्‍ज्‍योक्‍ल सुङ्‌ल चुब डस्‍सी पुज्‍यीत्। हीगो क हस्‍सो़त् दीम्‍बरङ्‌गी धेप्‍प मो़ब झ्‍यीब दील डोगेन् बेत्।


ॱनी रीगो दीगी ॱने फम्‍दु ॱमीत् ची़क्‍केन् बेत्। घन्‍ड हीन् सीन्‍न हज्‍यरङ्‌गी ॱसीम्‍ल धम्‍बे थु ॱनङ्‌न को़न्‍ज्‍योक्‍की झ्‍यम्‍ब दी ॱलुक्‍न यो़क्‍केन् बेत्।


खीत्‍रङ्‌गी सी़गी यल्‍लक् घयेत् दीक्‍प झ्‍यीच्‍च्‍येल ढङ्‌ज्‍ये मीप्‍पे लक्‍च्‍यल ॱमत् तङ, खीत्‍रङ् ॱस्‍यीनरनी ॱसोम्‍बुल लोङ् छर हीन् ॱनो़ब ॱसम्‍न बोर खीत्‍रङ्‌गी यल्‍लक् घयेत् दी ढङ्‌बु झ्‍यीच्‍च्‍येल को़न्‍ज्‍योक्‍की घो छ्‌यो़प्‍पे लक्‍च्‍य युङ्‌ज्‍येल खीत्‍रङ् ॱसोस्‍सोरङ् को़न्‍ज्‍योक्‍ल पुज्‍यीत्।


खीत्‍रङ्‌गी ॱह घो ॱमीत् छुबल, ङे कोलीमीगी लुसे पी डस्‍सी तो़न्‍न ॱस्‍यो़क्‍को़त्। एल्‍ला खीत्‍रङ्‌गी ली़गी यल्‍लक् घयेत् चङ्‌ज्‍ये मीप्‍पे ॱवङ्‌ल धङ् ङेम्‍बे ढङ्‌गी ॱयोक्‍ल तङ्‌न यो़क्‍केन् बेत्। ह हीनी झ्‍यीब दी खीत्‍रङ्‌गी यल्‍लक् घयेत् हुगो ढङ्‌बु ङो़गी धक्‍पर् युङे ॱयोक्‍पु युङ झ्‍यीज्‍यीत्।


तीङ्‌ला को़न्‍ज्‍योक्‍की भीज घयेत् कुरीक् इगीदु थोङ्‌सल तो़न्‍न युङे यङ्‌ल खोङ्‌गी छ्‌यादु ची़प्‍प घयेत् म दीरङ् छङ्‌म थम्‍ज्‍येत् हुगो ढेम्‍बे गन्‍दीक्‍म गुक्‍कीन् दो़क्‍केन् बेत्।


हीगी ढीक्‍ल ॱसुङ्‌रप्‍ल थो़ङ्‌गेन् बेत्। तेदे मी घयेत् ॱनत्‍त दुज्‍येल दो च्‍यीक् धङ् मी घयेत् थुक्‍न च्‍यो़न् युङ्‌ज्‍येल ढक् च्‍यीक् ङ सीयोन्‍दु स्‍योक्‍केन्। ॱसी़ खोङ्‌ल छ्‌य स्‍योक्‍कुक्‍क हुल ॱने फम्‍ब मीत् युङ्‌गेन् बेत् सीर यो़क्‍केन् बेत्। (यशैया २८:१६)


पी़न्‍ज्‍यासो, ङ ङीन् रीम फो़स्‍स्‍यी ॱस्‍यीयल थुक्‍च्‍येम ॱयेङ्‌गुक्। ख्रीष्‍ट् येशु हज्‍यरङ्‌गी चोव ज्‍यीन्‍दक्‍तङ् मत् ढेब खीत्‍रङ्‌गी ढीक्‍ल ङल यो़प्‍पे ङोम्‍ज्‍येत् दी खुङ्‌देन् हीम्‍ब डस्‍सी ङे हीगी तम् हीगो खुङ्‌देन् बेत्।


खीत्‍रङ् को़न्‍ज्‍योक्‍की रीन् टेत्‍न नो़बे मी बेत्। हीगो झ्‍यीनी खीत्‍रङ्‌गी सी़नी को़न्‍ज्‍योक्‍ल तो़प्‍प युङ झ्‍यीज्‍यीत्।


हुगी ॱसीम् दी छ्‌योद ॱङील तोङ् गो़ ॱस्‍यर्केन् बेत्। ॱनी छ्‌योबु मीप्‍पे भुमु धङ् भुमु नज्‍युङ्‌मे रोरङ्‌गी ली़ धङ् ॱसीम् छङ्‌मे चोव ज्‍यीन्‍दक्‍ल धेस्‍सीम् खुर्न खोङ्‌गी ढीक्‍ल च्‍युगा झ्‍यीक्‍केन् बेत्। ॱनी यङ् छ्‌योबु यो़प्‍प च्‍येम्‍मे भुमी़ रोरङ्‌गी छ्‌योबु घन्‍दुक् झ्‍यीन गुदु ची़च्‍च्‍ये ब अक्? ॱनो़न सज्‍यी़ डोज्‍यी़गी ढीक्‍ल च्‍युगा खुर्केन् बेत्।


ङे हीगो खीत्‍रङ् मीत्‍तल तोङ्‌ज्‍येल सीन्‍न मेम्‍ब, खीत्‍रङ्‌गी छ्‌य स्‍यक्‍प दी गदु युङ्‌ज्‍ये यो़प्‍पल चोव ज्‍यीन्‍दक्‍की ङल ॱवङ् ॱनङल ङे ङोम्‍ज्‍येत् अच्‍च्‍येत् मङ् ढाब झ्‍युङ्‌न अक्, हील ङ ङु छ मीत् गो़ब यो़त्।


ङीत्‍ल हीन्‍दुक्‍मे रीगो यो़क्‍केन् झ्‍यीनी, ङीक्‍की ॱसङ्‌सोङ् मीप्‍प ॱस्‍यो़क्‍को़त्।


येशु ढोङ डस्‍सी ङीत् इत् घल फीन्‍न आक्, ह त ॱसो़क्‍को़ट्‌टो ॱनो़ब छ्‌यर्न डोगो़त्। ॱनी हीगो येशु ॱसोम्‍बु यो़प्‍प हीम्‍ब कुरीक्‍की ॱह घोज्‍येल ङीत् ॱमत् ॱस्‍यीय हीगी तो़ङ्‌गो़त्।


खोङ् कुरीक्‍की ढीक्‍ल ढोङ्‌ज्‍येगी धो़न् दी मी ॱसु ॱसुल छी थोप्‍न, ॱसोम्‍बुल झ्‍युङ् यो़दङ् हुब घयेक्‍की मीजी दी रोरङ्‌सो़ युङ्‌ज्‍यी़गी लेमुल मेम्‍ब, रोरङ्‌सो़ धो़ल्‍ल ढोङ्‌न हुनी यङ् को़न्‍ज्‍योक्‍की ॱसोम्‍बुल ॱलोङ्‌न यो़क्‍केन्, खोङ्‌गी ढीक्‍ल घो छ्‌यो़प्‍प झ्‍यीन युङ् गोगेन् बेत्।


खीत्‍रङ्‌गी ढीक्‍ल ङे एल्‍ला तीतस्‍ल ङोम्‍ज्‍येत् ॱस्‍येप्‍पल पीब ङल हुन्‍दो ङु छय मीप्‍प झ्‍युङ्। ङीक्‍की खीत्‍रङ्‌ल ॱस्‍येप्‍पे केच्‍च्‍य घयेत् दीम्‍ब डस्‍सी ङीक्‍की तीतस्‍ल ॱस्‍येप्‍पे ङोम्‍ज्‍येत् हुगो ओक् दीम्‍बल झ्‍युङ बेत्।


खीत्‍रङ्‌ल ङ ॱलो खीज्‍युङ्। ॱनी खीत्‍रङ्‌गी ढीक्‍ल यङ् ङल ङोम्‍ज्‍येत् एत् यो़त्। ॱलोप्‍स्‍यीक् इक् छ्‌यीम्‍मु ॱङीच्‍च्‍युङ्। दुक्‍प ॱनजोरङ् नोङ्‌न अक्, ङ गेसक्‍की फीको़र्त्।


ॱनी हीन चोव ज्‍यीन्‍दक्‍तङ् मत् ढेबे पी़न्‍ज्‍या मङाल ङ चो़ल्‍ल ॱस्‍योरे लेगी हरुङ् ॱलोप्‍स्‍यीक् छ्‌यीदु ॱङीत्‍न, को़न्‍ज्‍योक्‍की केच्‍च्‍य ज्‍यीक्‍टक् मीप्‍प, ॱआर् झ्‍यीन ॱस्‍यो़क्‍केल्‍ल झ्‍युङ्‌सोङ्।


खीत्‍रङ्‌गी छ्‌य स्‍यक्‍प दी को़न्‍ज्‍योक्‍ल छ्‌यो़प्‍प पुबदङ् डगेन् बेत्। ॱनी ङ हीदु ॱस्‍यी गो़ ॱस्‍यर्न ॱनी, ङे ॱरोक् दी गोङ्‌ज्‍यङ्‌गी छ्‌यो़प्‍प पुबदङ् छ्‌येत्‍मीत् खीत्‍रङ्‌गी छ्‌य स्‍यक्‍प दीदङ् दल डोगेन् बेत्। ॱनी हील अक् ङ गव दुक्। हीगी ढीक्‍ल ङल अक् खीत्‍रङ्‌दङ् कङ्‌ज्‍यीक्‍ल गेस यो़त्।


खीत्‍रङ्‌ल फेम्‍ब युङे ढीक्‍ल हुन्‍दो ङल यो़प्‍पे दुक्‍प हील ङ गेस दुक्। घन्‍ड हीन् सीन्‍न ख्रीष्‍ट्‌की सी़बु हीम्‍बे छ्‌यो़ छोल फेम्‍ब युङे ढीक्‍ल ख्रीष्‍ट्‌की दुक्‍स्‍यी ॱमत् छङ दी ङे ङरङ्‌गी सी़ल गुर्न छङल सोगो़त्।


खीत्‍रङ् रीदङ् री स्‍यीव दीव ॱनङ्‌गेङ्‌गी को़न्‍ज्‍योक् खोङ् रोरङ्‌गी धक्‍पर् जेङ् सो़न, हज्‍यरङ्‌गी चोव ज्‍यीन्‍दक् येशु ख्रीष्‍ट् फीच्‍च्‍य झ्‍यो़न् झ्‍यो़न् थुक्‍ल खीत्‍रङ्‌गी ली़सीम् छङ्‌मल ङीबे ज्‍यी़त् मीप्‍प दो़त् छुज्‍ये यो़प्‍प तोङ्।


खीत्‍रङ् ख्रीष्‍ट्‌यान् हीम्‍बे ढीक्‍ल खीत्‍रङ्‌ल दुक्‍प नोङल ॱसु उक् ङु छय मत् झ्‍यीप्‍प, बोर हुगी मीङ्‌गी ढीक्‍ल को़न्‍ज्‍योक्‍ल तो़प्‍प पुज्‍यीत्।


भीजसो, खोङ् फीच्‍च्‍य इगीनी मल्‍ल झ्‍यो़म्‍बे यङ्‌ल खीत्‍रङ् खे ॱमीत् छ्‌यङ ज्‍यीब मीप्‍प, थो़न् छुज्‍ये यो़प्‍पल हुन्‍दोनीरङ् खोङ्‌दङ् मत् ढेब थीरी दो़च्‍च्‍यीत्।


Lean sinn:

Sanasan


Sanasan