फीलीप्पी 1:1 - ल्होमी1 ख्रीष्ट् येशुगी ॱयोक्पु ङ पावल् धङ् तीमोथीगी फीलीप्पीगी सार्न यो़प्पे ख्रीष्ट् येशुदङ् मत् ढेब, को़न्ज्योक्की मी चङ्म घयेत्, छ्यो़ छोगी गोयो़प्प धङ् छ्यो़योक्प घयेत्ल हीगी यीगी हीगो ढीन तोङ्गो़त्। Faic an caibideil |
फीलीप्पी 1:1
48 Iomraidhean Croise
गोत्ते ढीक्ल ॱसुङ्रप्की गुल्लुल थो़ङ्गेन् बेत्। हुगी खीम् दी खीम्दोङ् लेल ज्युक्च्यीत्। हुल मी ॱसु उक् दो़च्च्ये मीप्प तोङ्ज्यीत् सीन्न ढीन यो़क्केन् बेत्। (ॱसुङ्रप्की गुल्लु ६९:२५) ॱनी हरुङ्द हुगी गोयो़प्पे लेगी छप्पु दी ॱयोङ्गी झ्यीज्यीत् सीर थो़ङ्गेन् बेत्। (ॱसुङ्रप्की गुल्लु १०९:८)
ॱनी हुले एल्ला फीलीप्पी सार्तु ङीत्ल मी घयेक्की घन्दुक्मे दुक्प तङ्न ॱम पब बेक्क हुगो ओक् खीत्रङ्ल ॱस्यो़च्च्ये यो़क्केन् बेत्। ॱनी खीत्रङ् च्येल्ल ॱलीत्नी, हुदु उक् ङीक्की डल मी गज्येन् लोङ्ज्युङ्। ॱनी हीन्न अक्, हज्यरङ्गी को़न्ज्योक्की दगु जेत्नी, खोङ्गी केच्च्य ॱनेम्बु ज्यीक्टक् मीप्प, ङीक्की खीत्रङ्ल ॱस्यो़त् छुज्युङ्।
हुगी ङीन् दी येशु खोङ् रोरङ्गी मी चङ्म घयेत् च्यानी तो़प्प लीन्दु धङ् खोङ्ल छ्य स्यक्न यो़क्केन् घयेत् यीक् छ्यीन खोङ्ल तो़प्प पुज्ये यो़प्पल इगीनी मल्ल झ्यो़ङ्गेन् बेत्। ङीक्की गन्दीय दीम्ब बेत् सीरे केच्च्यल खीत्रङ्गी छ्य स्यक्न यो़क्केन् झ्यीनी, हुबे दल खीत्रङ् ॱअङ् युङ्गेन् बेत्।
ह ज्योबा घन्ड हीन्न अक्, युङ्गेङ्गी केच्च्य घयेत् कुरीक् को़न्ज्योक्की येशु ख्रीष्ट्ल खोङ् रोरङ्गी ॱयोक्पु घयेत्ल तो़न् सीन्न तो़म्बे केच्च्य घयेत् दी हीन्दुक् झ्यीन युङ्गेन् बेत्। खोङ् रोरङ्गी ॱयोक्पु युहन्ना च्येल्ल तेङ् यी़गी भङ्ज्येम्ब च्यीक् तङ्न युङ्न हुगी केच्च्य घयेत् दी कुरीक् क तो़म्ब बेत्।
रङ्गी थोङे ङे लक्प ॱये छ्योगी कर्म दी़म्बु दी धङ् ॱसीर्की छ्यो़त्मी दी़म्बु दीगी तीङ् सप्पोक्मे धो़न् दी हीगो बेगो। कर्म दी़म्बु दी छ्यो़ छो दी़म्बी़ ढीक्ल को़बे को़न्ज्योक्की भङ्ज्येम्ब दी़ल्ल डोगेन् बेत्। छ्यो़त्मी दी़म्बु दी छ्यो़ छो दी़ल्ल डोगेन् बेत् सीन्न सीच्च्युङ्।
हुनी ङे भङ्ज्येम्ब दील छ्यक् छेबेन्। ॱनी हुगी ङल छ्यक् ॱमत् छो़लेत्। ङ को़न्ज्योक्की ॱयोक्पु, रङ् धङ् रङ्गी पी़न्ज्या डस्सी, येशुगी ढीक्ल दीम्बे केच्च्य ॱस्यो़क्केन् घयेत् डस्सीरङ् हीन्। को़न्ज्योक्लरङ् क छ्यक् छो़। येशुगी ढीक्ल दीम्बे केच्च्य ॱस्यो़क्केन् घयेत्ल कलुङ् ॱस्यो़त् छुबल धम्बे थु यो़क्केन् बेत् सीच्च्युङ्।
Sanasan