फीलेमोन् 1:1 - ल्होमी1 ख्रीष्ट् येशुगी ढीक्ल चो़ल्ल ॱस्योर्न यो़क्केन्, ङ पावल् धङ् पी़न्ज्या तीमोथीगी ङीक्की झ्यम्बे ले च्यीक्की छ्यीट्टो फीलेमोन् नीज्यरङ्, Faic an caibideil |
ङे ले च्यीक्की छ्यीट्टो दीम्बरङ्, रङ्गी हुगी भुमु ॱङीबु हुगो डीक्च्या झ्यीन टो़त्रो झ्यी सीन्न सीक्को़दो। केलेमेन्ट् धङ् ङे ले च्यीक्की छ्यीट्टो ॱयोङ्म घयेत्तङ् दल भुमु ॱङीबु हुबे एक् केच्च्य ॱनेम्बु टोम्बे लेल टेत् च्येत्न ङल दगु झ्यीज्युङ्। हुब कुरीक्की मीङ् दी छीये थोल ढीन यो़क्केन् बेत्।
ख्रीष्ट्की ढीक्की केच्च्य ॱनेम्बु टोम्गेन् को़न्ज्योक्की ले झ्यीक्केन् ङीक्की छ्यीट्टो हज्यरङ्गी पी़न्ज्या तीमोथी तोङ्ज्ये दी खीत्रङ्ल नोङे दुक्प हुल खीत्रङ् योक् ठी़त् मीप्प दो़त् छुज्ये यो़प्पे ढीक्ल, खीत्रङ्गी छ्य स्यक्प दी डम्दु सोदु धङ् ॱलोप्स्यीक् टो़त्तु सीन्न तङेन्। म दी हज्यरङ् हुन्दुक् झ्यीबे दुक्प नोङ्ज्येगी ढीक्ल अक् खो़प्प बेत्। हीगो खीत्रङ्ल ॱस्यो़च्च्ये यो़क्केन् बेत्।
हुगो झ्यीनी हज्यरङ्गी चोव ज्यीन्दक्की ढीक्की केच्च्य ॱस्येत्न टो़प्पल ङु छय मत् झ्यीज्यीत्। खोङ्गी ढीक्ल चो़ल्ल ॱस्योर्न यो़क्केन् ङे ढीक्ल अक् ङु छय मत् झ्यीज्यीत्। बोर केच्च्य ॱनेम्बी़ ढीक्ल नोङे दुक्प रङ्गी इक् गुर्च्यीत्। हुल पीबे ॱस्यीक् को़न्ज्योक्की ॱनङ्गेन् बेत्।