मर्कुस् 8:2 - ल्होमी

² मी घयेत् हीबल ङ ॱङीङ् छगुक्। हीब ङदङ् दल स्‍यक्‍पु ॱसुम् थम्‍ब देत्‍नी, हीबल सम हुन्‍दो घन्‍ड अक् मीप्‍प बेत्।

मर्कुस् 8:2 Iomraidhean Croise

मत्‍ती 14:14

ॱनी येशुसो पारीगी हुगी ॱसने दील ॱलीत्‍न ढु दीनी छ्‌यील थो़न्‍न फीन्‍नी, उन मी छेत्‍मीत् ॱलीत्‍न यो़प्‍प ठेप्‍प बेत्। ॱनी खोङ् हुब घयेत्‍ल ॱङीङ् छन उन घङ् यो़प्‍पे नेप्‍प घयेत् दी ढक्‍तु ची़प्‍प बेत्।

मत्‍ती 20:34

हुनी येशु हुबल ॱङीङ् छन हुबे ॱमीक् दील रेक्‍नी, हुनी ॱस्‍यर्च्‍यक् हुबे ॱमीक् दी थोङ्‌गेल्‍ल ॱसोङ बेत्। ॱनी हुब अक् येशुगी तीङ्‌ल टप्‍नर बेत्।

मत्‍ती 9:36

ॱनी घल अक् मी घयेत् छेत्‍मीत् लुक्‍चीब मीप्‍पे लुक् डस्‍सी यो़प्‍प धङ् हुब केन् झर्न ॱसीम्‍दुक् यो़प्‍प येशुगी थोङ्‌नी खोङ् हुब घयेत्‍ल ॱङीङ् छय बेत्।

मर्कुस् 1:41

ॱनी हुगी जीस्‍सो़ दील येशु ॱङीङ् छय बेत्। हुनी खोङ्‌गी रोरङ्‌गी लक्‍प दी च्‍यङ्‌न हुगी जीस्‍सो़ दील रेक्‍न रङ् ढक्‍तु ची़च्‍च्‍ये ॱनो़ब यो़त्। रङ् हीगी नज हीनी ढक्‍न चङ्‌मल ज्‍युक्‍च्‍यीत् सीन्‍न ॱसुङ बेत्।

मर्कुस् 5:19

ॱनी खोङ्‌गी युङ्‌दु ॱमत् ची़प्‍प, हुगोल रङ् रङ्‌गी खीम्‍ल लोक्‍ल ज्‍युक्‍ल रङ्‌गी ङीया छेङ्‌गोर् घयेत्‍ल रङ्‌ल चोव ज्‍यीन्‍दक्‍की घन्‍दुक्‍मे लेगी ज्‍यीक्‍प झ्‍यीन ॱङीङ्‌ज्‍यी जेप्‍प बेक्‍क हुगो ॱस्‍येत्‍न टो़त्‍लेत् सीन्‍न तङ बेत्।

मर्कुस् 6:32

हीनी खोङ्‌जोसोरङ् ढुल स्‍युन ॱयोङ्‌ल मी मीस्‍से ॱसने च्‍यीक्‍ल फीम्‍ब बेत्।

मर्कुस् 6:34

ॱनी येशुसो पारीगी हुगी ॱसने दील ॱलीत्‍न ढु दीनी छ्‌यील थो़न्‍न युङ्‌न उन मी छेत्‍मीत् ॱलीत्‍न यो़प्‍प ठेप्‍प बेत्। हुगी मी घयेत् दी लुक्‍चीब मीप्‍पे लुक् डस्‍सी यो़प्‍प येशुगी थोङ्‌नी खोङ् हुबल ॱङीङ् छय बेत्। हुनी खोङ्‌गी हुगी मी घयेत् दील ॱलोप्‍से केच्‍च्‍य गज्‍येन् ॱस्‍येत्‍न टेप्‍प बेत्।

मर्कुस् 8:3

हीब यरी थक्‍रीङ्‌मी़ मी बेत्। हीब नुक्‍रङ् ॱलोक्‍न तङ्‌न ॱनी, लम्‍ल डोये यङ्‌ल तोबे ङेस्‍यीक्‍प च्‍यक्‍को़ट्‌टो झ्‍यीब बेत्।

मर्कुस् 9:22

हीगो ॱसो़च्‍च्‍येल लेम्‍म गज्‍येन् लङ्‌न यरी मी बर्सल घप् डोगुक्। यरी छ्‌युल घप् डोगुक्। हील नीज्‍यरङ्‌गी घन्‍ड जेत् छुगुक्‍क? छुन ङीत्‍ल ॱङीङ्‌ज्‍यी जेत्‍न दगु जेत्‍रो ॱनङ् सीन्‍न स्‍यी़ब बेत्।

लुका 15:20

हुनी हुगो पब दी च्‍याल लोक्‍न युङ बेत्। युङ्‌नी, पब दीगी हुगो पीगीनी छुल्‍ल युङ थोङ बेत्। ॱनी पब दी ॱङीङ् छये, हुगी दोङ्‌ल ज्‍युन फीम्‍ब बेत्। हुनी ठेत्‍नी, हुल फङ्‌ब तप्‍न च्‍युप् झ्‍यीब बेत्।

लुका 7:13

ॱनी चोव ज्‍यीन्‍दक्‍ल हुगी आम दी ठेत्‍नी, ॱङीङ् छये, खोङ्‌गी हुल मत् ङु झ्‍यीब बेत्।

हीब्रु 2:17

ॱङीङ्‌ज्‍यी च्‍येम्‍म छ्‌यो़प्‍पो़न् चो छ्‌यीस्‍स्‍यो, को़न्‍ज्‍योक्‍की ले तेम्‍बर् झ्‍यीक्‍केन् धङ् खोङ् मीमङ्‌गी ढीक्‍ल दीक्‍पे ॱस्‍याब पु छुज्‍ये यो़प्‍पल खोङ्‌गी पी़न् हज्‍यरङ् डस्‍सीरङ् खोङ् झ्‍यीन झ्‍यो़न् गो़ ॱस्‍यर बेत्।

हीब्रु 4:15

हज्‍यरङ्‌गी छ्‌यो़प्‍पो़न् चो छ्‌यीस्‍स्‍यो खोङ्‌गी हज्‍यरङ् ॱसीम् योक्‍याबे मील ॱङीङ्‌ज्‍यी जेत् छुगेन् बेत्। घन्‍ड हीन् सीन्‍न हज्‍यरङ्‌ल झ्‍युङे छो़त्‍लीन् डस्‍सी खोङ्‌ल आक् कुरीक् झ्‍युङ बेत्। ॱनी झ्‍युङ्‌न अक्, खोङ्‌गी दीक्‍प ॱस्‍युली मत् झ्‍यीब बेत्।

हीब्रु 5:2

ॱनी हुगो रोरङ् ॱसीम् योक्‍याब मी ॱयोङ्‌म डस्‍सीरङ् झ्‍यीनी, च्‍यवु मेन्‍नक्‍प, ङीब झ्‍यीक्‍केन् घयेत्‍ल हुगी ॱङीङ्‌ज्‍यी झ्‍यीत् छुगेन् बेत्।