मर्कुस् 7:11 - ल्होमी

¹¹ ॱनी हीन्‍न अक्, खीत्‍रङ्‌गी टोल हीन्‍दुक् झ्‍यीक्‍केन् बेत्। मी ॱसी़ च्‍याल रोरङ्‌गी फम घन्‍डे गो़बे खोज्‍येत् झ्‍युङ्‌न लीन्‍दु युङ्‌गुक्‍क हुल भु दीगी हीगो टो़त् ॱमीत् छुबेत्। हीगो ङे को़न्‍ज्‍योक्‍ल पुज्‍येल ॱमीन स्‍यक्‍पे कुर्बान् हीन्

मर्कुस् 7:11 Iomraidhean Croise

मत्‍ती 15:5

ॱनी हीन्‍न अक्, खीत्‍रङ्‌गी टोल हीन्‍दुक् झ्‍यीक्‍केन् बेत्। मी ॱसी़ रोरङ् च्‍याल रोरङ्‌गी फम घन्‍डे गो़बे खोज्‍येत् लीन्‍दु युङ्‌गुक्‍क हुल भु दीगी हीगो टो़त् ॱमीत् छुबेत्। हीगो ङे को़न्‍ज्‍योक्‍ल पुज्‍येल ॱमीन स्‍यक्‍पे च्‍यम्‍बे हीन् सीन्‍न सीक्‍केन् बेत्।

मत्‍ती 23:18

ॱनी खीत्‍रङ्‌गी यङ् छ्‌यो़गङ्‌गी छ्‌यो़प्‍प पुस पङ्‌दु डेन्‍न मी ॱसी़ ॱन झ्‍यीगुक्‍क हुगो धम्‍ज्‍ये मीत् युङ्‌गेन् बेत्। ॱनी छ्‌यो़प्‍प पुसल स्‍यक्‍न यो़प्‍पे छ्‌यो़प्‍प दी पङ्‌दु डेन्‍न मी ॱसी़ ॱन झ्‍यीगुक्‍क हुगो धम्‍बा युङ्‌गेन् बेत् सीक्‍केन् बेत्।

मत्‍ती 27:6

हुनी छ्‌यो़प्‍पो़न् चो छ्‌यीया दीबे हुगी यहुदागी तोर् स्‍यक्‍पे टङ्‌ग दी डुन रोरङ्‌सो नङ्‌दु हीगो हुगी मी ठक्‍की रीन् बेत्। हीगो छ्‌यो़गङ्‌गी पयीसक् पुस हीदु स्‍यक्‍न, छ्‌यो़डीम्‍ल डीक्‍तोक्‍प मीन्‍दुक् झ्‍यीब बेत्।

मर्कुस् 7:12

सीन्‍न सीक्‍केन् बेत्। हुन्‍दुक् झ्‍यीन फमल झ्‍यीत् गोगेङ्‌गी खुच्‍च्‍य दी खीत्‍रङ्‌गी झ्‍यीत्‍तु ॱमीत् ची़क्‍केन् बेत्।