मर्कुस् 2:13 - ल्होमी

¹³ हुनी यङ् येशु छो़ छीगनल फीन्‍नी, हुदु खोङ् च्‍येल्‍ल मी छेत्‍मीत् जोम्‍न युङ बेत्। ॱनी खोङ्‌गी हुब घयेत्‍ल ॱलोप्‍स ज्‍यप्‍न टेप्‍प बेत्।

मर्कुस् 2:13 Iomraidhean Croise

मत्‍ती 13:1

ॱनी येशु हुगी ङीन् दीरङ् हुनी थो़न्‍न छो़ छीगल फीन्‍न हुदु ॱसल देप्‍प बेत्।

मत्‍ती 9:9

हुनी थो़न्‍न फीन्‍नी, यङ् येशुल मत्‍ती सीक्‍केन् गोलदर् च्‍यीक् गोलदु दो़प्‍प ठेप्‍प बेत्। ॱनी हुल येशुगी ङे ॱलोप्‍टुक्‍ल ॱस्‍योक् सीन्‍न भो़ब बेत्। हुनी हुगो लोङ्‌न खोङ्‌दङ् दल टप्‍नर बेत्।

मर्कुस् 1:45

ॱनी तङ्‌न आक्, हुगी मी दीगी हुनी फीन्‍नी हीगी केच्‍च्‍य हीगो घल अक् ॱस्‍येत्‍न टम्‍ब बेत्। हुनी म दीरङ् येशु मीमङ्‌गी थोङ्‌सल सार् घयेत्‍ल स्‍युक् ॱमत् छुब, रीगल डो गो़ ॱस्‍यर बेत्। ॱनी रीगदु उक् खोङ् च्‍याल मी गज्‍येन् घनी इक् च्‍यीनी इक् जोम्‍न युङ बेत्।

मर्कुस् 10:1

हुनी थो़न्‍नी येशुसो यहुदीया लुङ्‌बे चङ्‌बु यर्दन्‍गी पारीगी लुङ्‌बल फीम्‍ब बेत्। ॱनी हुदु मी छेत्‍मीत् खोङ् च्‍याल जोम्‍न युङ्‌नी, हुब घयेत्‍ल खोङ्‌गी ॱएङ्‌गी लेक्‍मुरङ् ॱलोप्‍से केच्‍च्‍य ॱस्‍येप्‍प बेत्।

मर्कुस् 2:2

हुदु खोङ् च्‍येल्‍ल मी गज्‍येन् जोम्‍न युङ बेत्। मी छेत्‍मीत् जोम्‍न युङ्‌नी, गोक्‍केक्‍की ॱये धङ् ॱयेल्‍ल आक् ॱमीत् ॱस्‍योङ् मेन्‍नक् झ्‍युङ बेत्। ॱनी हुगी मी घयेत् दील खोङ्‌गी ॱसुङ्‌रप्‍की केच्‍च्‍य ॱस्‍येप्‍प बेत्।

मर्कुस् 4:1

हुनी यङ् लेन् च्‍यीक् येशु हुगी छो दीगी छीगल फीन्‍न हुदु जोम्‍न युङे मी घयेत्‍ल ॱलोप्‍से केच्‍च्‍य ॱस्‍येत्‍न टेप्‍प बेत्। ॱनी मी मङ् ढानी, येशु छो़ थोक्‍तु ढुल स्‍युन देप्‍प बेत्। मी घयेत् दीब छो़ छीगदु देप्‍प बेत्।

लुका 19:48

ॱनी हीन्‍न अक्, हुबे घन्‍ड झ्‍यी इक् ॱमत् छुब बेत्। घन्‍ड हीन् सीन्‍न मीमङ् घयेत् दी खोङ्‌गी केच्‍च्‍यल नेन्‍दु छेत्‍मीत् जोम्‍न युङ्‌गो़प्‍प बेत्।

लुका 21:38

ॱनी ॱङेट्‌टो ॱङेन्‍ज्‍यानी मी घयेत् खोङ्‌गी केच्‍च्‍यल नेन्‍दु छ्‌यो़गङ्‌गी च्‍यारीदु जोम्‍न युङ्‌गो़प्‍प बेत्।