मर्कुस् 2:1 - ल्होमी

¹ हुनी स्‍यक्‍पु धोबा च्‍यीक् ॱसोङ्‌नी, येशु खोङ् रोरङ् स्‍युस कफर्नहुम्‍ल लोक्‍न युङ बेत्। हुनी खोङ् उन लोक्‍न ॱलीत्‍तुक् सीरे केच्‍च्‍य हुगी मी घयेत् दीगी ॱह घोनी,

मर्कुस् 2:1 Iomraidhean Croise

मत्‍ती 4:13

हुनी येशु खोङ् रोरङ् ॱङर् स्‍युस नासरत्‍नी थो़न्‍नी कफर्नहुम्‍दु दो़त्‍तु फीम्‍ब बेत्। हुगो गालीलागी छो़ छीगल ॱनेगेन् जबुलुन् धङ् नप्‍तालीगी ज्‍यी़क्‍की लुङ्‌बन यो़प्‍प बेत्।

मत्‍ती 9:1

हुनी येशुसो ढुल स्‍युन छुरील खोङ् रोरङ् स्‍युसे सार् दील लोक्‍न युङ बेत्।

मर्कुस् 1:45

ॱनी तङ्‌न आक्, हुगी मी दीगी हुनी फीन्‍नी हीगी केच्‍च्‍य हीगो घल अक् ॱस्‍येत्‍न टम्‍ब बेत्। हुनी म दीरङ् येशु मीमङ्‌गी थोङ्‌सल सार् घयेत्‍ल स्‍युक् ॱमत् छुब, रीगल डो गो़ ॱस्‍यर बेत्। ॱनी रीगदु उक् खोङ् च्‍याल मी गज्‍येन् घनी इक् च्‍यीनी इक् जोम्‍न युङ बेत्।

मर्कुस् 2:2

हुदु खोङ् च्‍येल्‍ल मी गज्‍येन् जोम्‍न युङ बेत्। मी छेत्‍मीत् जोम्‍न युङ्‌नी, गोक्‍केक्‍की ॱये धङ् ॱयेल्‍ल आक् ॱमीत् ॱस्‍योङ् मेन्‍नक् झ्‍युङ बेत्। ॱनी हुगी मी घयेत् दील खोङ्‌गी ॱसुङ्‌रप्‍की केच्‍च्‍य ॱस्‍येप्‍प बेत्।

मर्कुस् 3:20

हुनी युङ्‌नी येशुसो खीम् च्‍यीक्‍ल स्‍युब बेत्। ॱनी हुदु यङ् मी छेत्‍मीत् जोम्‍न युङ्‌नी, खोङ्‌जोसोल सम सलोङ् ओङ् मत् युङ बेत्।

मर्कुस् 7:17

हीनी खोङ् हुगी मी घयेत् दीनी भीन खीम् च्‍यीक्‍ल फीन्‍न हुदु स्‍युन देप्‍प बेत्। ॱनी हुदु ॱलोप्‍टुक् दीबे खोङ्‌ल हुगी ॱलीङ्‌दम्‍गी धो़न् दी घन्‍ड बेक्‍क? सीन्‍न ढीब बेत्।

मर्कुस् 7:24

हीनी येशु हुनी थो़न्‍नी टायर् सार्की लुङ्‌बल फीम्‍ब बेत्। ॱनी हुदु ॱलीत्‍नी खोङ् खीम् च्‍यीक्‍ल स्‍युन गोङ बेत्। ॱनी गोङ्‌न अक्, खोङ् गोङ् ॱमत् छुब बेत्।

मर्कुस् 9:28

हीनी येशु खीम् च्‍यीक्‍ल स्‍युन हुदु मी ॱयोङ् मीप्‍पे यङ्‌ल ॱलोप्‍टुक् दीबे खोङ्‌ल ॱनो़प्‍प हुगो ङीक्‍की घन्‍डल तो़न्‍न दीत् ॱमत् छुब बेक्‍क? सीन्‍न ढीब बेत्।

लुका 4:23

ॱनी खोङ्‌गी हुबल खीत्‍रङ्‌गी ॱसीम्‍बे म दी ङल पीरङ्‌ल तेबे, रङ्‌रङ् ॱमेम्‍बाल रङ्‌गी नज रङ्‌गीरङ् ढक्‍तु ची़त् छुगो़ट्‌टो। रङ्‌गी कफर्नहुम्‍दु झ्‍यीबे ले घयेत् दी ङीक्‍की ॱह घोज्‍युङ्। ॱनी हुगो डस्‍सी हीदु रङ्‌गी फयुदु उक् झ्‍यीत्‍रो झ्‍यी सीच्‍च्‍ये ॱनो़ब यो़क्‍केन् बेत्।

लुका 5:18

ॱनी हुदु मी घोङ्‌रीय च्‍यीक् तेन्‍दङ् डक्‍च्‍यक् खुर्न युङ बेत्। हुगो ढक्‍च्‍येल येशुगी ढुङ्‌दु युङ् छुब झ्‍यीब बेत्।

युहन्‍ना 4:47

ॱनी यहुदीयानी येशु गालीलाल ॱलीत्‍तुक् सीर ॱह घोनी, हुगी पेम्‍बु दी काना सार्ल युङ्‌न, येशुल ङे भु नस्‍सी नन ॱस्‍यीज्‍ये मेन्‍द मीत्। नीज्‍यरङ् ङे खीम्‍ल झ्‍यो़न्‍न ढक्‍तु ची़त्‍रो झ्‍यी सीन्‍न स्‍युव ज्‍यब बेत्।

ठीक्‍नल 2:6

ॱनी हुगी खीम् दीदु भुयुक् डस्‍सीगी केत् युङ दी हुगी थप्‍स्‍यीगी मी घयेक्‍की ॱह घोनी ॱस्‍यर्च्‍यक् हुदु मी छेत्‍मीत् जोम्‍न युङ बेत्। ॱनी जोम्‍ब घयेत् दीगी ॱसोस्‍सोरङ्‌गी केच्‍च्‍योक्‍ल तम् लब ॱह घोनी, हुब कुरीक् हुल ॱह लेनर बेत्।