मर्कुस् 13:6 - ल्होमी

⁶ ङे मीङ् खुर्न युङ्‌गेन् मी गज्‍येन् थो़न्‍न युङ्‌न हुबे ङ ह हुगो हीन् सीन्‍न ॱस्‍यो़क्‍केन् बेत्। ॱनी मी गज्‍येन् हुबे ॱयोङ्‌गोर् ज्‍यबल छ्‌यी़ डोगेन् बेत्।

मर्कुस् 13:6 Iomraidhean Croise

मत्‍ती 24:11

हुनी कलुङ् जी़म ॱस्‍यो़क्‍केन् गज्‍येन् थो़न्‍न युङ्‌न, हुबे ॱयोङ्‌गोर् ज्‍यबल मी गज्‍येन् छ्‌यी़ डोगेन् बेत्।

मत्‍ती 24:5

ङे मीङ् खुर्न युङ्‌गेन् मी गज्‍येन् थो़न्‍न युङ्‌न हुबे ङ को़न्‍ज्‍योक्‍की को़बे च्‍यप्‍को़न् ख्रीष्‍ट् हीन् सीन्‍न सीक्‍केन् बेत्। ॱनी मी गज्‍येन् हुबे ॱयोङ्‌गोर् ज्‍यबल छ्‌यी़ डोगेन् बेत्।

मर्कुस् 13:22

घन्‍ड हीन् सीन्‍न हुगी यङ्‌ल ख्रीष्‍ट् जी़म धङ् कलुङ् जी़म ॱस्‍यो़क्‍केन् गज्‍येन् थो़न्‍न युङ्‌न हुबे यीक् छ्‌यीम्‍मी़ लेगी ता धङ् यम् छेम्‍मे ले गज्‍येन् झ्‍यीन तो़न्‍न दम्‍बे मी घयेत्‍ल अक् ॱयोङ्‌गोर् ज्‍यक् छुब झ्‍यीक्‍केन् बेत्।

मर्कुस् 13:5

ॱनी येशुगी हुबल हीन्‍दुक् सीन्‍न ॱस्‍येप्‍प बेत्। मी ॱसी़ इक् ॱयोङ्‌गोर् ज्‍यबल खीत्‍रङ् छ्‌यी़ज्‍ये मीप्‍प, धोजीम् झ्‍यीन दो़च्‍च्‍यीत्।

मर्कुस् 13:7

खीत्‍रङ्‌गी ॱमक् थुक्‍पे केत् धङ् ॱमक् ॱस्‍योरे ॱहल्‍ला घयेत् ॱह घोगेन् बेत्। ॱनी हुल खीत्‍रङ् ज्‍यीक्‍टक् मत् झ्‍यीज्‍यीत्। हुगो युङ् गोगेन् बेत्। ॱनी स्‍युक् थमे धी़ दी हुगी यङ्‌ल ॱमीत् ॱलीक्‍केन् बेत्।

युहन्‍ना 5:43

ङ ङे यप्‍की छेन्‍नी युङ हीन्। ॱनी युङ्‌न अक्, खीत्‍रङ् घयेक्‍की ङ ॱलोल मीत् झ्‍यीक्‍केन् बेत्। ॱनी मी ॱयोङ्‌म रोरङ्‌गी मीङ्‌नी थो़न्‍न युङ्‌गेल्‍ल खीत्‍रङ्‌गी ॱलोल झ्‍यीक्‍केन् बेत्।

युहन्‍ना 8:24

हीगो झ्‍यीनी, ङे खीत्‍रङ्‌ल दीक्‍पल भीङ्‌न ॱस्‍यीगेन् बेत् सीक्‍को़त्। ङ ॱसु हीन् सीगुक्‍क हुल छ्‌य मत् स्‍यक्‍न ॱनी, खीत्‍रङ् गन्‍दीय ॱसोस्‍सोरङ्‌गी दीक्‍पल भीङ्‌न ॱस्‍यीगेन् बेत् झ्‍यीब बेत्।

युहन्‍ना 8:28

हुगो झ्‍यीनी, येशुगी यङ् हुबल कोलीमीगी ॱरेबु खीत्‍रङ्‌गी ॱनम्‍ल तानी क, हस्‍सो़त् ङ ॱसु बेक्‍क हुगो धङ् ङरङ् च्‍यीक्‍पी़ घन्‍ड अक् मीत् झ्‍यीप्‍प, यप्‍की ङल घङ् ॱङाब दीरङ् ॱस्‍यो़क्‍को़त् झ्‍यीब दी हुगी यङ्‌ल क खीत्‍रङ्‌गी ॱह घोगेन् बेत्।

१ युहन्‍ना 4:1

झ्‍यम्‍बे दगुसो, यो़च्‍चो़क्‍की ॱसीम्‍नी थो़म्‍बे केच्‍च्‍य कुरीक्‍ल ढीम्‍बु छ्‌य मत् स्‍योक्‍च्‍यीत्। हुगो को़न्‍ज्‍योक् ङो़गी ॱसीम्‍नी युङे केच्‍च्‍य हीन् धङ् मेन् नम् च्‍येत्‍न तो़ज्‍यीत्। घन्‍ड हीन् सीन्‍न जम्‍बुलीङ्‌ल कलुङ् जी़म ॱस्‍यो़क्‍केन् गज्‍येन् थो़न्‍न यो़क्‍केन् बेत्।