मर्कुस् 1:19 - ल्होमी

¹⁹ हुनी येशु फच्‍चो़त् च्‍यीक्‍ल फीन्‍नी यङ् नबा पी़न् ॱङी ढी़ नङ्‌दु जाली चीम्‍गीन् झ्‍यीप्‍पदङ् ठेप्‍प बेत्। हुब ॱङीबु जब्‍दी सीक्‍केन् च्‍यीक्‍की भु, मीङ् दील याकुब् धङ् युहन्‍ना सीगो़प्‍प बेत्।

मर्कुस् 1:19 Iomraidhean Croise

मत्‍ती 4:21

येशु हुनी फल्‍ल फीन्‍नी यङ् नबा फेबेत् ॱसुम् ढी़ नङ्‌दु जाली चीम्‍गीन् झ्‍यीप्‍पदङ् ठेप्‍प बेत्। पब दीगी मीङ् दील जब्‍दी सीगो़प्‍प बेत्। ॱनी भु दीबल याकुब् धङ् युहन्‍ना सीगो़प्‍प बेत्। ॱनी हुब ॱङीबु येशुगी ॱलोप्‍टुक्‍ल भो़ब बेत्।

मर्कुस् 1:18

हीनी ॱस्‍यर्च्‍यक् हुबे रोरङ्‌सो़ जाली घयेत् दी हुदु च्‍यम् स्‍यक्‍न येशुगी ॱलोप्‍टुक्‍ल खोङ्‌दङ् दल टप्‍नर बेत्।

मर्कुस् 1:20

ॱनी ॱस्‍यर्च्‍यक् हुब ॱङीबु खोङ्‌गी ॱलोप्‍टुक्‍ल भो़ब बेत्। हुबे रोरङ्‌सो़ पब धङ् ॱयोक्‍पु घयेत् दीब हुदु ॱलो़ तङ्‌न रोरङ्‌सो येशुगी ॱलोप्‍टुक्‍ल खोङ्‌दङ् दल टप्‍नर बेत्।

मर्कुस् 10:35

ॱनी जब्‍दीगी भु याकुब् धङ् युहन्‍ना दी येशु च्‍याल युङ्‌न हुबे खोङ्‌ल चयेलम ङीक्‍की हुन्‍दो घन्‍ड लीङ्‌गो़दङ् हुगो ॱनङ्‌रो झ्‍यी सीन्‍न स्‍यी़ब बेत्।

मर्कुस् 14:33

पत्रुस्, याकुब्, युहन्‍ना झ्‍यीब कङ्‌ज्‍यीक्‍ल ठीक्‍न फीम्‍ब बेत्। हुनी झ्‍यीनी खोङ्‌ल गन्‍दीक्‍म ॱसीम्‍ल दुक्‍ङा धङ् ॱसीम्‍दुक् लङ्‌न युङ बेत्।

मर्कुस् 3:17

हुनी जब्‍दीगी भु याकुब् धङ् युहन्‍ना हुब ॱङीबुल बोअनेर्गेश् सीन्‍न मीङ् ॱसम्‍ब ताब बेत्। हुगी धो़न् दी डुक्‍की केक्‍की भु सीक्‍केन् बेत्।

मर्कुस् 5:37

हुनी खोङ्‌गी पत्रुस्, याकुब्, याकुब्‍गी पी़न् युहन्‍ना झ्‍यीबरङ् ठीक्‍नी ॱयोङ्‌म ॱसु उक् युङ्‌दु ॱमत् ची़प्‍प बेत्।

मर्कुस् 9:2

हीनी स्‍यक्‍पु ढुक् ॱसोङ्‌नी, येशुगी पत्रुस्, याकुब्, युहन्‍ना झ्‍यीब ठीक्‍न लदोक् थोया च्‍यीक्‍ल जेन फीम्‍ब बेत्। ॱनी हुगी लदोक् दीदु हुबे दोङ्‌दु येशुगी कुस्‍सी़ दी ज्‍युर्नर बेत्।

युहन्‍ना 21:2

छोब च्‍यीक्‍तु शीमोन् पत्रुस् दी, थोमा दीदीमस् दी, गालीलागी काना सार्की नथानेल् दी, जब्‍दीगी भु ॱङीबु दी, हुनी ॱलोप्‍टुक् ॱयोङ्‌म ॱङी झ्‍यीन जोम्‍न यो़प्‍प बेत्।

ठीक्‍नल 1:13

हीनी हुब घयेत् हुगी सार्की रोरङ्‌सो़ दो़स्‍से खीम् दीगी तेङ्‌स्‍युक्‍मे कोट्‌ट दील स्‍युन देप्‍प बेत्। हुदु पत्रुस्, युहन्‍ना, याकुब्, अन्‍द्रीयस्, फीलीप्, थोमा, बार्थोलोमै, मत्‍ती, अल्‍फयस्‍की भु याकुब्, शीमोन् जेलोतेस् धङ् याकुब्‍गी भु यहुदा झ्‍यीब यो़प्‍प बेत्।

ठीक्‍नल 12:2

ॱनी हेरोद् हुगी युहन्‍नागी पी़न् याकुब् दी सुङ्‌न ढी पदङ्‌गी दुम्‍न ॱसो़त्‍तु ची़प्‍प बेत्।