मर्कुस् 1:11 - ल्होमी

¹¹ हुनी इगी तेङ् यी़नी मल्‍ल रङ् ङे झ्‍यम्‍बे भु हीन्। रङ्‌ल ङ गुव दुक् सीक्‍केङ्‌गी ॱसुङ्‌गेत् च्‍यीक् युङ बेत्।

मर्कुस् 1:11 Iomraidhean Croise

मत्‍ती 12:18

को़न्‍ज्‍योक्‍की ॱसुङ्‌गेन् बेत्। ङे दम्‍बे झ्‍यम्‍बे ॱयोक्‍पुल ङ गुव दुक्। खोङ्‌गी ज्‍यप्‍तक्‍ल ङे ङरङ्‌गी थु तङ्‌न स्‍योक्‍केन्। ज्‍यी़त् ज्‍यी़त् घयेत्‍ल खोङ्‌गी दम्‍ङीत् मीप्‍पे ठीम् सीगेन् बेत्।

मत्‍ती 17:5

हीगो सीरे यङ्‌ल ॱमुब टक्‍सी च्‍यीक् युङ्‌न खोङ्‌जोसो तुम् तङ बेत्। ॱनी ॱमुबे नङ् दीनी मल्‍ल हीगो ङे झ्‍यम्‍बे भु हीन्। हील ङ गुव दुक्। हीगी झ्‍यीबल खीत्‍रङ् नेन्‍ज्‍यीत् सीरे ॱसुङ्‌गेत् च्‍यीक् युङ बेत्।

मत्‍ती 3:17

हुनी इगी तेङ् यी़नी मल्‍ल हीगो ङे झ्‍यम्‍बे भु हीन्। हील ङ गुव दुक् सीक्‍केङ्‌गी ॱसुङ्‌गेत् च्‍यीक् युङ बेत्। (यशैया ४२:१)

मर्कुस् 1:10

हुनी खोङ् छ्‌यु दीनी थो़न्‍नी, इगी तेङ् यी़ भीन इगीनी मल्‍ल धम्‍बे थु पुक्‍मु डस्‍सील युङ्‌न खोङ् रोरङ्‌ल घप्‍न युङ खोङ्‌गीरङ् थोङ बेत्।

मर्कुस् 9:7

हुन्‍दुक् सीरे यङ्‌ल ॱमुब च्‍यीक् युङ्‌न, खोङ्‌जोसो तुम् तङ बेत्। ॱनी ॱमुबे नङ् दीनी मल्‍ल हीगो ङे झ्‍यम्‍बे भु हीन्। हीगी झ्‍यीबल खीत्‍रङ् नेन्‍ज्‍यीत् सीरे ॱसुङ्‌गेत् च्‍यीक् युङ बेत्।

लुका 3:22

ॱनी इगीनी मल्‍ल धम्‍बे थु पुक्‍मी़ सी़ डस्‍सील युङ्‌न खोङ्‌ल घब बेत्। हुनी इगी तेङ् यी़नी मल्‍ल रङ् ङे झ्‍यम्‍बे भु हीन्। रङ्‌ल ङ गुव दुक् सीक्‍केङ्‌गी ॱसुङ्‌गेत् च्‍यीक् युङ बेत्।

लुका 9:35

ॱनी ॱमुबे नङ् दीनी मल्‍ल हीगो ङे दम्‍बे भु हीन्। हीगी झ्‍यीबल खीत्‍रङ् नेन्‍ज्‍यीत् सीरे ॱसुङ्‌गेत् च्‍यीक् युङ बेत्।

युहन्‍ना 1:34

ॱनी हीगो खुङ् तान युङ ङे थोङ्‌ज्‍युङ्। हीगी ढीक्‍ल ङ पङ्‌बु यो़त्। खोङ् गन्‍दीय को़न्‍ज्‍योक्‍की ॱरेबु दीरङ् बेत् सीन्‍न युहन्‍नागी ॱस्‍येप्‍प बेत्।

युहन्‍ना 3:16

जम्‍बुलीङ्‌गी मील को़न्‍ज्‍योक्‍की घन्‍दुक्‍मे झ्‍यम्‍ब छ्‌यीय जेत्‍न खोङ् रोरङ्‌गी ॱरेबु च्‍यीगी च्‍यीक्‍पु दी इक् मत् स्‍यक्‍प, तङ्‌न युङ बेत्। ॱनी ॱरेबुल मी ॱसी़ छ्‌य स्‍योक्‍कुक्‍क हुगो खरप्‍ल मीत् डोव, म दीरङ् हुल फु तक्‍पे छी थोप्‍केन् बेत्।

युहन्‍ना 5:37

ङ तोङ्‌गेन् यप्‍की इक् ङे ढीक्‍ल एल्‍लादु पङ्‌बु जेत्‍न ॱसुङ बेत्। खीत्‍रङ्‌गी खोङ्‌गी ॱसुङ्‌गेत् ॱह घोज्‍ये न, न खोङ्‌गी ङोरी थोङ् ॱनोङ्‌ज्‍ये।

युहन्‍ना 6:69

नीज्‍यरङ् चङ्‌म को़न्‍ज्‍योक् च्‍यानी युङ हीम्‍बल ङीक्‍की छ्‌य स्‍यक्‍न यो़त्। ॱनी हीगो खुङ् हीम्‍ब दी इक् ङीक्‍की ॱह घोज्‍युङ् झ्‍यीब बेत्।

रोमी 1:4

ॱनी खोङ् ढोङ्‌नरनी ॱसोम्‍बुल लोङ हीम्‍बे लम्‍नी हुनी धक्‍पर् झ्‍यीक्‍केन् धम्‍बे थुगी जेत्‍नी, को़न्‍ज्‍योक्‍की ॱरेबुल खोङ् ॱवङ् च्‍येम्‍मल खो़त्‍न यो़क्‍केन् बेत्। ॱनी खोङ् येशु ख्रीष्‍ट् हज्‍यरङ्‌गी चोव ज्‍यीन्‍दक् बेत्।

कलस्‍सी 1:13

खोङ्‌गी हज्‍यरङ् घयेत् मेन्‍नक्‍की ॱवङ्‌गी लक्‍नी या टेन खोङ् रोरङ्‌गी झ्‍यम्‍बे ॱरेबी़ ज्‍यागक्‍ल ठीक्‍न हुन्‍दो हीन यो़क्‍केन् बेत्।