लुका 8:44 - ल्होमी

⁴⁴ ॱनी लम्‍दु हुगो येशुगी तक्‍नी छुल्‍ल युङ्‌न खोङ्‌गी घो़ छ्‌यी घो़गी थी़च्‍ची दील रेक्‍नी, हुनी ॱस्‍यर्च्‍यक् हुगी ठक् जक्‍केन् दी छ्‌येत्‍नर बेत्।

लुका 8:44 Iomraidhean Croise

मत्‍ती 20:34

हुनी येशु हुबल ॱङीङ् छन हुबे ॱमीक् दील रेक्‍नी, हुनी ॱस्‍यर्च्‍यक् हुबे ॱमीक् दी थोङ्‌गेल्‍ल ॱसोङ बेत्। ॱनी हुब अक् येशुगी तीङ्‌ल टप्‍नर बेत्।

मत्‍ती 8:3

हीनी येशुगी खोङ् रोरङ्‌गी लक्‍प दी च्‍यङ्‌न हुगी जीस्‍सो़ दील रेक्‍न रङ् ढक्‍तु ची़च्‍च्‍ये ॱनो़ब यो़त्। रङ् हीगी नज हीनी ढक्‍न चङ्‌मल ज्‍युक्‍च्‍यीत् सीन्‍न ॱसुङ बेत्। हुनी ॱस्‍यर्च्‍यक् हुगी जी नज दी ढक्‍न चङ्‌मल ॱसोङ बेत्।

मत्‍ती 9:20

ॱनी लम्‍ल डोये यङ्‌ल भुमु च्‍यीक्‍की येशुगी तक्‍नी छुल्‍ल युङ्‌न खोङ्‌गी ली़गी घो़ छ्‌यी घो़गी थी़च्‍ची दील रेक् तङ बेत्। हुल ली़गी ठक् भप्‍न युङ्‌नी ॱमत् छ्‌येप्‍प, लो च्‍युन्‍नी ॱसोङ हीङ्‌गो़प्‍प बेत्।

मर्कुस् 6:56

येशु युगङ्‌ल, सार्ल, खीम् छ्‌यीक्‍कीरीक्‍प यो़स्‍सल घल फीन्‍न आक्, खोङ् घङ् डोस्‍सल हुगी मी घयेत् दीबे ठोम् छुसदु नेप्‍प गज्‍येन् स्‍यक्‍न खोङ्‌ल नीज्‍यरङ्‌गी ली़गी छ्‌यी घो़गी थी़च्‍ची च्‍यीक्‍ल हीन्‍न अक्, रेक्‍तु ची़त्‍रो झ्‍यी सीन्‍न स्‍युव पुब बेत्। ॱनी खोङ्‌ल रेक्‍प घयेत् दी कुरीक् ढक्‍नर बेत्।

लुका 13:13

हुगोल खोङ्‌गी छ्‌यक्‍वङ् केनी, हुनी ॱस्‍यर्च्‍यक् हुगी कीक्‍कुक्‍म दी ॱसीरील लोङ् छुब बेत्। हुनी भुमु दीगी को़न्‍ज्‍योक्‍ल तो़प्‍प पुब बेत्।

लुका 7:38

ॱनी हुगो येशुगी तक् ङो़गी कङ्‌स्‍यम्‍दु देत्‍न ङी़ब बेत्। हुगी ॱमीक्‍च्‍यु दी येशुगी कङ्‌बल घप्‍न खुर्नी, हुगी भुमु दीगी रोरङ्‌गी ट दीगी फीन च्‍युप् झ्‍यीन हुगी ॱनुम् दी खोङ्‌गी कङ्‌बल ॱही़न्‍न टेप्‍प बेत्।

लुका 8:43

ॱनी मी घयेत् दीगी छीक्‍न ली़गी ठक् भप्‍न युङ्‌नी ॱमत् छ्‌येप्‍प, लो च्‍युन्‍नी ॱसोङे भुमु च्‍यीक् यो़प्‍प बेत्। [हुगी रोरङ्‌गी नोर् घङ् यो़प्‍प घयेत् दी खुर्न ॱमेम्‍बा घयेत् तुक्‍न आक्,] ॱसी़ इक् हुगो ढक्‍तु ची़त् ॱमत् छुब हीङ्‌गो़प्‍प बेत्।

लुका 8:45

ॱनी येशुगी हुगी मी घयेत् दील खीत् ॱसी़ ङल रेक्‍प? सीन्‍न ढीब बेत्। ॱनी मी घयेत् दीगी ॱमत् ॱस्‍यी, ङ ॱनी मेन्, ङ ॱनी मेन् सीन्‍न झ्‍यीब बेत्। ॱनी पत्रुस्‍की खोङ्‌ल चयेलम नीज्‍यरङ्‌ल मी घयेक्‍की हीन्‍दुक्‍मे कोदुम् ज्‍यक्‍केल्‍ल ॱसुल सीक्‍केन्? सीन्‍न झ्‍यीब बेत्।

युहन्‍ना 5:13

ॱनी येशु ॱसु हीम्‍ब हुगोल ॱस्‍यो़च्‍च्‍ये मीप्‍पल हुगी हुबल ॱस्‍यो़त् ॱमत् छुब बेत्। घन्‍ड हीन् सीन्‍न हुगो ढक्‍स दीदु मी मङ् ढाब झ्‍यीनी, येशु स्‍योक् च्‍यीक्‍ल टप्‍नर हीङ्‌गो़प्‍प बेत्।

ठीक्‍नल 19:12

पावल्‍की रुमल् हीन्, ली़गी घो़ हीन्‍न अक्, हुगो मी ॱयोङ्‌म घयेक्‍की लीन्‍न नेप्‍प घयेत्‍ल रेक्‍तु ची़त्‍नी, नज ढक्‍नर बेत्। ॱनी ॱनो़प्‍प अयेक्‍प स्‍यीन्‍न यो़प्‍प घयेत् एत् थो़न्‍नर बेत्।

ठीक्‍नल 5:15

ॱनी हीन्‍दुक् झ्‍यीब अक् झ्‍युङ बेत्। मी यरीबे नेप्‍प घयेत् यरी पलङ्‌ल धङ् यरी तेन्‍दङ् डक्‍च्‍यक्‍ल खुर्न युङ्‌न, पत्रुस् डोये यङ्‌ल खोङ्‌गी ढीक्‍मक् च्‍यीक् ॱयम्‍ल फोक्‍न आक्, ढक्‍को़ट्‌टो ॱनो़ब ॱसम्‍न नेप्‍प घयेत् ॱसट्‌टक्‍तु च्‍यो़गो़प्‍प बेत्।