लुका 8:21 - ल्होमी

²¹ हुगी लेल्‍ल येशुगी को़न्‍ज्‍योक्‍की ॱसुङ्‌रप्‍की क धङ् धम्‍ल चीगेन् घयेत् दी ङे आम धङ् पी़न् हीम्‍बल युङ्‌गेन् बेत् सीन्‍न ॱसुङ बेत्।

लुका 8:21 Iomraidhean Croise

मत्‍ती 17:5

हीगो सीरे यङ्‌ल ॱमुब टक्‍सी च्‍यीक् युङ्‌न खोङ्‌जोसो तुम् तङ बेत्। ॱनी ॱमुबे नङ् दीनी मल्‍ल हीगो ङे झ्‍यम्‍बे भु हीन्। हील ङ गुव दुक्। हीगी झ्‍यीबल खीत्‍रङ् नेन्‍ज्‍यीत् सीरे ॱसुङ्‌गेत् च्‍यीक् युङ बेत्।

मत्‍ती 25:40

हीगी लेल्‍ल ज्‍याबु दीगी हुब घयेत्‍ल ङे गन्‍दीय ॱस्‍येत् योङ्। ङे पी़न्‍ज्‍या घयेक्‍की छीक्‍नी मी ॱनङ् च्‍युङ्‌स्‍यो च्‍यीक्‍ल खीत्‍रङ्‌गी घन्‍ड झ्‍यी यो़दङ् हुगो ङल झ्‍यीबल डोगेन् बेत्।

मत्‍ती 25:45

हीगी लेल्‍ल खोङ्‌गी हुब घयेत्‍ल ङे गन्‍दीय ॱस्‍येत् योङ्। हीब घयेक्‍की छीक्‍नी मी ॱनङ् च्‍युङ्‌स्‍यो च्‍यीक्‍ल खीत्‍रङ्‌गी घन्‍ड मत् झ्‍यी यो़दङ् हुगो ङल मत् झ्‍यीबल डोगेन् बेत् सीन्‍न सीक्‍केन् बेत्।

मत्‍ती 28:10

ॱनी खोङ्‌गी हुब ॱङीबुल खीत्‍रङ् ज्‍यीब मत् झ्‍यीत्। ह ज्‍युक्‍ल ङे पी़न्‍ज्‍या घयेत्‍ल हुब गालीलाल ज्‍युक्। ॱनी हुदु ङ ठेक्‍केन् बेत् झ्‍यी सीन्‍न ॱङाब बेत्।

लुका 8:15

ॱस गा ॱसदीक्‍ल खीबे धो़न् दी केच्‍च्‍य नेन्‍नी, हुबे ॱसीम् गङ्‌ज्‍येन् झ्‍यीनी ॱसीम्‍बे यीक्‍ल सुङ्‌न स्‍योक्‍केन् बेत्। हुबे धु च्‍यङ्‌न युङ्‌गेन् बेत्। हुनी डेबु छ्‌यागेन् बेत्।

लुका 8:20

ॱनी मी च्‍यीक्‍की खोङ्‌ल नीज्‍यरङ्‌गी आम धङ् पी़न् घयेत् नीज्‍यरङ् ठेत्‍तु उन छ्‌यीन ॱलीत्‍न दुक् सीगुक् झ्‍यीब बेत्।

युहन्‍ना 13:17

हीगो खीत्‍रङ्‌ल ॱस्‍यो़च्‍च्‍ये यो़क्‍केन् बेत्। ॱनी हीगो डस्‍सी खीत्‍रङ्‌गी झ्‍यीन युङ्‌न ॱनी, खीत्‍रङ् ॱसोदी च्‍येम्‍म युङ्‌गेन् बेत्।

युहन्‍ना 20:17

हुनी येशुगी ङल मत् सील्‍लेत्। ङ हुन्‍दो यप् च्‍याल ज्‍योक्‍पु मीत् डो। रङ् हुन्‍दो ङे पी़न्‍ज्‍या घयेत् च्‍याल ज्‍युक्‍ल हीगो ॱस्‍यो़त्‍लेत्। ङे एक् यप् खीत्‍रङ्‌गी इक् यप् ङे एक् को़न्‍ज्‍योक् खीत्‍रङ्‌गी इक् को़न्‍ज्‍योक् च्‍याल ह डोगेन् सीगुक् झ्‍यी सीन्‍न ॱङाब बेत्।

२ कोरीन्‍थी 5:16

ह ङीक्‍की कोलीमीगी लेमु डस्‍सी झ्‍यीन मी ॱसुल आक् गस्‍स्‍येङ् तेन नम् ॱमीत् च्‍यो़प्‍प यो़त्। एल्‍ला त ङीक्‍की ख्रीष्‍ट्‌ल आक् कोलीमीगी लेमु डस्‍सी झ्‍यीन गस्‍स्‍येङ् तेन नम् च्‍येप्‍पेन्। ॱनी ह हुगो डस्‍सी नम् ॱमीत् च्‍यो़प्‍प यो़त्।

२ कोरीन्‍थी 6:18

हुनी खीत्‍रङ्‌गी यप् दी ङ हीम्‍ब धङ् खीत्‍रङ् ङे भु भुमु हीम्‍बल युङ्‌गेन् बेत् सीन्‍न ॱवङ् की़न् च्‍येम्‍मे चोव ज्‍यीन्‍दक्‍की ॱसुङ्‌गुक्। (यशैया ५२:११)

याकुब् 1:22

ॱनी ॱसुङ्‌रप्‍की केच्‍च्‍य खीत्‍रङ्‌गी आम्‍ज्‍योक्‍की नेम्‍ब छ्‌युवक्‍की रङ्‌गी रङ्‌ल गो़गोर् तोङ्‌गेन् डस्‍सी बेत्। केच्‍च्‍य नेन्‍नी, हुगोदङ् डीक्‍प झ्‍यीन युङ् गोगेन् बेत्।

१ युहन्‍ना 2:29

खोङ् ढङ्‌बु हीम्‍ब खीत्‍रङ्‌ल ॱस्‍यो़च्‍च्‍ये यो़क्‍केन् बेत्। हुगो झ्‍यीनी हुनी को़न्‍ज्‍योक् गुवे ले ढङ्‌बु ॱसी़ झ्‍यीगुक्‍क हुगो खोङ् च्‍यानी छ्‌येप्‍पे मी बेत् ॱनो़ब खीत्‍रङ्‌गी ॱह घो छुगेन् बेत्।

३ युहन्‍ना 1:11

झ्‍यम्‍बे दगु रङ् ॱमीदे आक्‍पाल मेम्‍ब, गागी ॱमीदेल तो़ज्‍यीत्। गा झ्‍यीक्‍केन् दी को़न्‍ज्‍योक् ङो़गी बेत्। ॱनी आक्‍पा झ्‍यीक्‍केन् दी को़न्‍ज्‍योक्‍तङ् ङोस्‍स्‍यीन् मत् युङे मी बेत्।