लुका 8:18 - ल्होमी

¹⁸ हीगो झ्‍यीनी खीत्‍रङ्‌सो ॱसम्‍ल तङ्‌न नेन्‍ज्‍यीत्। मी ॱसुल दुक्‍क हुल ॱल्‍हक्‍मु तीक्‍केन् बेत्। ॱसुल मीन्‍दुक्‍क हुगो च्‍यानी रोरङ्‌गी यो़त् ॱनो़ब दी इक् ठो डोगेन् बेत् सीन्‍न ॱसुङ बेत्।

लुका 8:18 Iomraidhean Croise

मत्‍ती 13:12

हीगो झ्‍यीनी मी ॱसुल दुक्‍क हुल ॱल्‍हक्‍मु बीन्‍न मो़त् छ्‌यीली युङ्‌गेन् बेत्। ॱनी यङ् ॱसुल मीन्‍दुक्‍क हुगो च्‍यानी रोरङ्‌ल घङ् यो़प्‍प दी इक् ठो डोगेन् बेत्।

मत्‍ती 25:29

घन्‍ड हीन् सीन्‍न मी ॱसुल दुक्‍क हुल ॱल्‍हक्‍मु बीन्‍न मो़त् छ्‌यीली युङ्‌गेन् बेत्। ॱनी यङ् ॱसुल मीन्‍दुक्‍क हुगो च्‍यानी रोरङ्‌ल घङ् यो़प्‍प दी इक् ठो डोगेन् बेत्।

मर्कुस् 13:14

छ्‌येप्‍प फोक्‍तु ची़क्‍केन् स्‍यीलोक्‍सीगी यप्‍च्‍य हुगो मीत् ओ़गेङ्‌गी ॱसनेदु सो़न यो़प्‍प खीत्‍रङ्‌गी थोङ्‌गेन् बेत्। ॱसी़ हीगो डोक्‍कुक्‍क हुगी हीगो ॱह घोव झ्‍यीज्‍यीत्। हुगी यङ्‌ल यहुदीयागी मी घयेत् लदोक् लदोक्‍ल ढो़ज्‍यीत्।

लुका 19:26

हुनी ज्‍याबु दीगी ङे खीत्‍रङ्‌ल ॱस्‍येत् योङ्। मी ॱसुल दुक्‍क हुल ॱल्‍हक्‍मु तीक्‍केन् बेत्। ॱनी यङ् ॱसुल मीन्‍दुक्‍क हुगो च्‍यानी रोरङ्‌ल घङ् यो़प्‍प दी इक् ठो डोगेन् बेत्।

लुका 9:44

ङे केच्‍च्‍य हीगो खीत्‍रङ्‌गी ॱसीम्‍बे यीक्‍ल सुङ्‌ज्‍यीत्। कोलीमीगी ॱरेबु मी घयेक्‍की डलक्‍ल तोङ्‌गेन् बेत् सीन्‍न ॱस्‍येप्‍प बेत्।

युहन्‍ना 15:2

ॱनी डलु ॱमीत् छ्‌यागेन् यल्‍लक् घयेत् दी खोङ्‌गी कुरीक् चप्‍न पुर् तोङ्‌गेन् बेत्। डलु छ्‌यागेन् घयेत् दी हरुङ् गदु छ्‌याज्‍ये यो़प्‍पल खोङ्‌गी ॱहीप्‍न गदु सोगेन् बेत्।

ठीक्‍नल 10:33

हीनी ङे ॱस्‍यर्च्‍यक् नीज्‍यरङ् ठीक्‍तु तङेन्। ह नीज्‍यरङ् झ्‍यो़न्‍नी, गाल अक् गा झ्‍युङ्। ॱनी ङीत् घयेत् को़न्‍ज्‍योक्‍की ढुङ्‌दु हीदु नेन्‍दु जोम्‍न यो़त्। ह नीज्‍यरङ्‌ल चोव ज्‍यीन्‍दक्‍की घङ् ॱङाबे केच्‍च्‍य दी ङीत्‍ल ॱस्‍यो़त्‍रो झ्‍यी सीन्‍न झ्‍यीब बेत्।

ठीक्‍नल 17:11

ॱनी हुगी यहुदी घयेत् दीब थीस्‍सलोनीकागी यहुदी डस्‍सी मेम्‍ब, हुले गज्‍येङ्‌गी गा यो़प्‍प बेत्। पावल्‍की ॱस्‍येप्‍पे तम् दी हुबे गस्‍सी छोर्न, हुगो को़न्‍ज्‍योक्‍की ॱसुङ्‌रप्‍तङ् डीक् मीत् डीक् ङीन् रीम फो़स्‍स्‍यी ॱसुङ्‌रप् डोन तेब बेत्।

रोमी 12:3

ङल ॱनङे को़न्‍ज्‍योक्‍की थुज्‍यीगी लम्‍नी खीत्‍रङ् रीदङ् रील ङ हीगो सीक्‍केनो। खीत्‍रङ् ॱसोस्‍सोरङ् घन्‍दुक् झ्‍यीबे मी यो़दङ् उजो़त् च्‍यीक् मेन्‍द, हुले ज्‍यीक्‍पा ॱमत् ॱसम्‍ज्‍यीत्। मी ॱसोस्‍सोरङ्‌ल को़न्‍ज्‍योक्‍की ॱनङे छ्‌य स्‍यक्‍पे डेबु दील डीक्‍प मेन्‍द, हुले ज्‍यीक्‍पा ॱमत् ॱसम्‍ज्‍यीत्।

१ कोरीन्‍थी 14:37

उन मी ॱसी़ कलुङ् ॱस्‍यो़क्‍केन् हीन् ॱनो़ब झ्‍यीगुक्‍क, ॱनी यङ् ॱसी़ धम्‍बे थुगी कबप् यो़त् ॱनो़ब झ्‍यीगुक्‍क हुगी ङे ढीबे केच्‍च्‍य हीगो चोव ज्‍यीन्‍दक्‍की ॱनङे क बेत् ॱनो़ब ॱह घोव झ्‍यीज्‍यीत्।

१ कोरीन्‍थी 3:18

खीत्‍रङ् ॱसु उक् छ्‌यी़ज्‍ये मीप्‍प युङ झ्‍यीज्‍यीत्। खीत्‍रङ्‌गी नङ्‌दु जम्‍बुलीङ्‌गी झ्‍यी़ल ङ खेसी हीन् ॱनो़ब ॱसम्‍गेन् ॱसु यो़दङ् हुल दीम्‍बरङ्‌गी झ्‍यी़रीक् दी थोबल हुगो ॱलीम्‍बल ज्‍युक्‍च्‍यीत्।

१ कोरीन्‍थी 8:2

ॱसी़ घन्‍ड ॱस्‍यीगो़त् ॱनो़गुक्‍क हुगी घन्‍ड ॱस्‍यी गो़गेन् बेक्‍क हुगो ॱमीत् ॱस्‍यीगेन् बेत्।

फीलीप्‍पी 3:4

ङ ङरङ्‌गी कोलीमीगी ली़सीम्‍गी लेमुल ॱलो केन त, को़ छुगो़त्। ॱनी ङ ॱमीत् को़। मी ॱयोङ्‌म डस्‍सी कोलीमी रोरङ्‌गी ली़सीम्‍गी लेमुल ॱलो को़गेन् हीन्‍न त, ङ ॱसुम्‍ब हुले ॱल्‍हक्‍मु युङ्‌गो़त्।

हीब्रु 2:1

हुगो झ्‍यीनी थर्वे लम्‍नी हज्‍यरङ् छ्‌यी़ज्‍ये मीप्‍पल ॱरेबु च्‍यानी घोवे केच्‍च्‍य घयेत् दील गन्‍दीक्‍म नेन्‍न ॱसम् गोगेन् बेत्।