लुका 7:6 - ल्होमी

⁶ हुनी येशु हुबदङ् कङ्‌ज्‍यीक्‍ल फीम्‍ब बेत्। ॱनी खीम् दील ॱमत् ॱलीच्‍चो़त्‍तु हुगी ॱमक्‍पो़न् दीगी रोरङ्‌गी मी यरील हीन्‍दुक् झ्‍यीबे तम् ॱङान तङ बेत्। चोव ज्‍यीन्‍दक् नीज्‍यरङ् ओप्‍च्‍या जेत्‍रो ॱमत् ॱनङ्। ङे खीम्‍गी नङ्‌ल नीज्‍यरङ् झ्‍यो़म्‍बल ओ़ब च्‍येम्‍मे मी ङ मेन्।

लुका 7:6 Iomraidhean Croise

मत्‍ती 20:28

ॱनी हीगो डस्‍सी कोलीमीगी ॱरेबु उक् स्‍यप्‍च्‍यी़ लीन्‍दु युङ मेम्‍ब, स्‍यप्‍च्‍यी़ ज्‍युक्‍तु धङ् मी गज्‍येन् ॱलुये ढीक्‍ल रोरङ्‌गी ॱरोक् च्‍यो़दु युङ हीन् सीन्‍न ॱसुङ बेत्।

मत्‍ती 3:11

ङे त खीत्‍रङ् ॱएङ्‌गी लम्‍नी ॱसीम् ज्‍युर्न युङ घयेत् छ्‌यी़ बप्‍तीस्‍लरङ् क ॱलुक्‍को़त्। ॱनी ङे तीङ्‌ल ङले गज्‍येङ्‌गी ज्‍यीक्‍पा च्‍यीक् युङ्‌गेन् बेत्। ॱनी ङ खोङ्‌गी जुत्‍त खुर्केन्‍जो़त्‍ल आक् ॱमीत् ॱनेब यो़त्। ॱनी खोङ्‌गी क खीत्‍रङ् घयेत् धम्‍बे थु धङ् मी बरे बप्‍तीस्‍ल ॱलुक्‍केन् बेत्।

मर्कुस् 5:24

हुनी येशु हुगोदङ् दल फीम्‍ब बेत्। फीन्‍नी, खोङ्‌गी तीङ्‌ल मी गज्‍येन् युङ्‌न खोङ्‌ल कोदुम् ज्‍यब बेत्।

लुका 5:8

ॱनी हीगो थोङ्‌नी शीमोन् पत्रुस्‍की छो़ छीग दीदु येशुल छ्‌यक् छेन ङ ॱनी दीक्‍च्‍येन् हीन्। चोव ज्‍यीन्‍दक् नीज्‍यरङ् ङ च्‍यानी भीन ॱयोङ्‌ल झ्‍यो़र्रो झ्‍यी झ्‍यीब बेत्।

लुका 7:4

ॱनी हुब फीन्‍नी हुबे येशुल हुगी ॱमक्‍पो़न् हुगो हज्‍यरङ्‌गी ज्‍यी़त्‍ल झ्‍यम्‍ब झ्‍यीक्‍केङ्‌गी मी बेत्। हुगी छ्‌यो़गी छोगङ् च्‍यीक् इक् सो़न बीन्‍न यो़क्‍केन् बेत्। नीज्‍यरङ्‌गी हुगी ढीक्‍ल हुन्‍दुक् जेत्‍न टेप्‍पल हुगो ओ़ब यो़क्‍केन् बेत् सीन्‍न स्‍युदेन् ज्‍यब बेत्।

लुका 7:7

ङरङ् यङ् नीज्‍यरङ्‌गी ढुङ्‌दु युङल मीत् ओ़ब यो़त्। बोर नीज्‍यरङ्‌गी ढक्‍ल ज्‍युक् सीन्‍न छीक् च्‍यीक् ॱसुङ्‌नरङ्, ङे ॱयोक्‍पु हीगो ढक् डोगेन् बेत्।

लुका 8:49

खोङ्‌गी हीगो ॱसुङे यङ्‌ल यैरस् दीगी खीम् दीनी लो़न् खुर्केन् मी च्‍यीक् युङ्‌न यैरस् दील नीज्‍यरङ्‌गी भुमु दी ॱनी ॱस्‍यीसोङ्। ह चयेलमल ओप्‍च्‍या ॱलङ्‌नी घन्‍ड झ्‍यीच्‍च्‍ये झ्‍यीब बेत्।

ठीक्‍नल 10:38

नासरत्‍की येशु हुगो को़न्‍ज्‍योक्‍की धम्‍बे थु धङ् ॱस्‍यीक् ॱनङ्‌न को़न तङ बेत्। ॱनी खोङ्‌गी दगुल को़न्‍ज्‍योक् झ्‍यीनी, खोङ्‌गी म दीरङ् गये ले गज्‍येन् झ्‍यीन दी़क्‍की चो हुगी ॱवङ्‌यो़त्‍ल ॱस्‍योर्नर घयेत् ढक्‍तु ची़त्‍न घल अक् गीर बेत्। हीगो ओक् कुरीक् खीत्‍रङ्‌ल ॱस्‍यो़च्‍च्‍ये यो़ट्‌टो।

याकुब् 4:10

चोव ज्‍यीन्‍दक्‍की ढुङ्‌दु खीत्‍रङ् ॱनोम्‍ज्‍युङ् झ्‍यीज्‍यीत्। हुनी खोङ्‌गी खीत्‍रङ् यल्‍ल तो़क्‍केन् बेत्।

याकुब् 4:6

ॱनी हीन्‍न अक्, खोङ्‌गी हज्‍यरङ्‌ल थुज्‍यी गज्‍येन् ॱनङ्‌गेन् बेत्। हीगी ढीक्‍ल ॱसुङ्‌रप्‍ल थो़ङ्‌गेन् बेत्। ज्‍यीङ्‌ब बोम्‍सी झ्‍यीक्‍केल्‍ल खोङ्‌गी ड झ्‍यीक्‍केन् बेत्। ॱनी ॱनोम्‍ज्‍युङ् झ्‍यीक्‍केल्‍ल यङ् थुज्‍यी ॱनङ्‌गेन् बेत्। (पीस्‍येत् ३:३४)