लुका 7:47 - ल्होमी

⁴⁷ हीगी ढीक्‍ल ङे रङ्‌ल ॱस्‍येत् योङ्। हीगी ङल झ्‍यम्‍ब मङा झ्‍यीच्‍च्‍ये दी हील दीक्‍प मङा यो़प्‍प दी धक्‍न खुर्नी, झ्‍यीक्‍केन् बेत्। ॱसी़ दीक्‍प नुङा धक् यो़दङ् हुगी ढीन् दी इक् नुङा ॱसम्‍न झ्‍यम्‍ब दी इक् नुङारङ् झ्‍यीक्‍केन् बेत् सीन्‍न झ्‍यीब बेत्।

लुका 7:47 Iomraidhean Croise

मत्‍ती 10:37

मी ॱसु ङले ॱल्‍हक्‍मा रोरङ्‌गी फमल धङ् भीजल ॱसीम् छ्‌याब झ्‍यीगुक्‍क हुगो ङे मी हीम्‍बल ओ़ब मीत् युङ्‌गेन् बेत्।

लुका 7:39

ॱनी हुगी ॱनेजङ फरीसी दीगी हुगो थोङ्‌नी हुगी ॱसीम्‍ल हीगी येशु हीगो कलुङ् ॱस्‍यो़क्‍केन् खुङ्‌देन् हीन्‍न ॱनी, रोरङ्‌ल सीङ्‌गेन् भुमु हुगो घन्‍दुक् झ्‍यीबे मी दीक्‍च्‍येन् बेक्‍क हुगो ॱह घोयेत् क ॱनी ॱनो़ब छ्‌यर बेत्।

लुका 7:46

खोक्‍की ङे गोल ॱनुम् च्‍यीक् इक् ॱही़म्‍मोङ्। हीगी क ङे कङ्‌बल ढीम स्‍यीम्‍सी ॱहीक्‍केङ्‌गी ॱनुम् ॱही़न्‍न बीन्‍ज्‍युङ्।

लुका 7:48

हुनी भुमु दील येशुगी रङ्‌गी दीक्‍प घयेत् ह धक् छर बेत् सीन्‍न झ्‍यीब बेत्।

ठीक्‍नल 5:31

इस्राएली घयेत् ॱएङ्‌गी लम्‍नी ॱसीम् ज्‍युर्न युङ्‌न हुबे दीक्‍प धक्‍च्‍ये यो़प्‍पल येशु हुगो को़न्‍ज्‍योक्‍की खोङ् रोरङ्‌गी छ्‌यक् ॱये छ्‌योदु तो़त्‍न स्‍यक्‍न चो छ्‌यीम्‍मु धङ् च्‍यप्‍को़ल्‍ल सो़ब बेत्।

रोमी 5:20

छ्‌यो़डीम् हुगो म दी मी घयेक्‍की ङीब गज्‍येन् झ्‍यीब थोङ्‌ज्‍ये यो़प्‍पे ढीक्‍ल ॱनङ बेत्। घन दीक्‍प गज्‍येन् फीन युङ्‌गुक्‍क हुगो धक्‍च्‍येल को़न्‍ज्‍योक्‍की थुज्‍यी दी इक् हुले ॱल्‍हक्‍मा युङ्‌गेन् बेत्।

२ कोरीन्‍थी 5:14

मीरङ् च्‍यीक् मी छङ्‌म थम्‍ज्‍येक्‍की ढीक्‍ल ढोङ हीम्‍बे लम्‍नी मी कुरीक् ॱस्‍यी छर डस्‍सील ॱसोङ बेत्। हीगो ॱङो़न्‍ने हीम्‍ब ङीक्‍की ॱह घोन, देङ् खीन यो़त्। हीगो झ्‍यीनी ङीत् ख्रीष्‍ट्‌की झ्‍यम्‍बे ॱवङ्‌गी होक्‍ल देत्‍न ले झ्‍यीक्‍को़त्।

गलाती 5:6

ख्रीष्‍ट् येशुदङ् मत् ढेब यो़क्‍केन् ङीत् घयेत्‍ल यहुदीगी दक् हुगो ज्‍यप्‍न अक् बेत्। मत् ज्‍यप्‍न अक् बेत्। हुगी फेन् घन्‍ड अक् ॱमीत् थोगेन् बेत्। ॱनी फेन् थोस्‍योल छ्‌य स्‍यक्‍प दी धङ् छ्‌य स्‍यक्‍पे लम्‍नी झ्‍यीन युङे झ्‍यम्‍ब हुगो ॱनेगेन् बेत्।

एफीसस् 6:24

हज्‍यरङ्‌गी चोव ज्‍यीन्‍दक् येशु ख्रीष्‍ट्‌ल धी़ ज्‍यी़न्‍दु झ्‍यम्‍ब यो़क्‍केङ्‌गी मी घयेत्‍ल थुज्‍यी थोप् थोब युङ्‌ज्‍ये यो़प्‍प स्‍योक्‍च्‍यीत्।

फीलीप्‍पी 1:9

खीत्‍रङ् नङ्‌जोल यो़प्‍पे झ्‍यम्‍ब दी ज्‍यीक्‍तु, ॱनी धो़न् दी गदु ॱह घोज्‍ये यो़प्‍प धङ् गवक् ॱयुव पीक्‍लु दी गदु ॱस्‍यीज्‍ये यो़प्‍पे ढीक्‍ल ङे ॱसुव तोप्‍को़त्।

१ तीमोथी 1:14

हज्‍यरङ्‌गी चोव ज्‍यीन्‍दक्‍की ङल थुज्‍यी छ्‌यीम्‍मु ॱनङ्‌न युङ्‌नी, खोङ्‌गी लम्‍नी ङ झ्‍यम्‍ब झ्‍यीत् छुगेल्‍ल धङ् खोङ्‌ल छ्‌य स्‍योक् छुगेल्‍ल झ्‍युङ्।

१ युहन्‍ना 1:7

को़न्‍ज्‍योक् मेङ्‌ग झ्‍यीनी ॱनी, हज्‍यरङ् अङ् मेङ्‌गल डोगो़त्‍न ॱनी, हज्‍यरङ् च्‍यीक्‍तङ् च्‍यीक् इक् कङ्‌ज्‍यीक्‍प युङ्‌गेन् बेत्। हुनी खोङ्‌गी ॱरेबु येशुगी ठक्‍की हज्‍यरङ्‌गी दीक्‍प घयेत् टी़न धक्‍तु ची़क्‍केन् बेत्।

१ युहन्‍ना 3:18

भीजसो, हज्‍यरङ्‌गी झ्‍यम्‍ब दी ख यच्‍च्‍येक्‍की छ्‌युवक् मेम्‍ब, दीम्‍बरङ् लेगी झ्‍यीत् गोगेन् बेत्।

१ युहन्‍ना 4:19

को़न्‍ज्‍योक्‍की एल्‍ला हज्‍यरङ्‌ल झ्‍यम्‍ज्‍योङ् जेत्‍न युङ्‌नी क, हज्‍यरङ्‌गी ॱसीम्‍नी इक् खोङ्‌ल झ्‍यम्‍ब झ्‍युङ बेत्।

१ युहन्‍ना 5:3

को़न्‍ज्‍योक्‍की क धङ् धम्‍ल हज्‍यरङ्‌गी चीगो़त्‍न ॱनी, हस्‍सो़त् को़न्‍ज्‍योक्‍ल झ्‍यम्‍ब झ्‍यीब दील डोगेन् बेत्। खोङ्‌गी क घयेत् नन्‍दक्‍की घाब मीप्‍प बेत्।