लुका 7:25 - ल्होमी

²⁵ न घन्‍ड च्‍यीक् थोङ्‌ज्‍युङ? न घो़ गङ्‌ज्‍येन् घो़म्‍ब च्‍यीक् थोङ्‌ज्‍युङ? मेम्‍बेत्। घो़ गङ्‌ज्‍येन् घो़न्‍न सप्‍केन् धङ् नोर्की लोङ्‌ज्‍यो़त् झ्‍यीक्‍केन् ज्‍यागङ्‌गी नङ्‌लरङ् युङ्‌गेन् बेत्।

लुका 7:25 Iomraidhean Croise

मत्‍ती 11:8

न घन्‍ड च्‍यीक् थोङ्‌ज्‍युङ? न घो़ गङ्‌ज्‍येन् घो़म्‍ब च्‍यीक् थोङ्‌ज्‍युङ? मेम्‍बेत्। घो़ गङ्‌ज्‍येन् घो़न्‍न सप्‍केन् ज्‍यागङ्‌गी नङ्‌लरङ् युङ्‌गेन् बेत्।

मत्‍ती 3:4

युहन्‍नागी घो़ दील ॱमुक्‍मु घमे भागी घो़ धङ् कीप्‍प दील कोदक् कीङ्‌गो़प्‍प बेत्। ॱनी सम दील पीज्‍येक्‍प धङ् भेरङ्‌मे डङ् सगो़प्‍प बेत्।

मत्‍ती 6:29

हीगी ढीक्‍ल ङे ॱस्‍येत् योङ्। ज्‍याबु सोलोमन्‍गी तो़प्‍प च्‍येम्‍मे नम्‍सा ज्‍येम्‍बे यङ्‌गी तेक्‍मुले त ॱङोमक् च्‍यीक्‍ल को़म्‍बे हुगी घो़ हुगो लेबा युङ्‌गेन् बेत्।

लुका 16:19

मी छ्‌युक्‍पु च्‍यीक् यो़प्‍प बेत्। हुगी घो़ दील रीन् छ्‌यीम्‍मु च्‍येम्‍म घो़ ॱमुक्‍लोक्‍प घो़न्‍न ङीन् रीम फो़स्‍स्‍यी डो़न्‍से तङ्‌न नोर्की लोङ्‌ज्‍यो़त्‍ल हुगो ग ग झ्‍यीन दो़क्‍को़प्‍प बेत्।

लुका 7:24

हीनी युहन्‍नागी लो़न् खुर्केन् दीब ॱसोङ् छर्नी, उन यो़प्‍पे मी घयेत् दील येशुगी युहन्‍नागी ढीक्‍ल हीन्‍दुक् सीन्‍न ॱस्‍येप्‍प बेत्। पक्‍क झ्‍यङ्‌दङ्‌ल तदु फीन्‍नी, खीत् घयेक्‍की घन्‍ड थोङ्‌ज्‍युङ? ॱलुङ्‌ल ॱनुक्‍म योक् योक् झ्‍यीप्‍प च्‍यीक् थोङ्‌ज्‍युङ?

लुका 7:26

ॱनी हीगो ओक् मेन्‍न ॱनी, घन्‍ड च्‍यीक् थोङ्‌ज्‍युङ? कलुङ् ॱस्‍यो़क्‍केन् च्‍यीक् थोङ्‌ज्‍युङ? ङे ॱस्‍येत् योङ्। हुगो कलुङ् ॱस्‍यो़क्‍केल्‍ले एक् छ्‌यीया बेत्।