लुका 7:2 - ल्होमी

² ॱनी उन ॱमक्‍पो़न् च्‍यीक्‍की ॱयोक्‍पु फङ्‌सी च्‍येम्‍म च्‍यीक् नन ॱस्‍यीज्‍येम ॱयेङ्‌न यो़प्‍प बेत्।

लुका 7:2 Iomraidhean Croise

मत्‍ती 27:54

ॱनी उन येशु ॱरुङ्‌गेन् ॱमक्‍पो़न् दी धङ् हुगी होक्‍की गोराब दीबे ॱसेर ज्‍यक्‍प धङ् हुदु घङ् झ्‍युङ दी थोङ्‌नी गन्‍दीक्‍म ज्‍यीबे, हुबे हीगी मी हीगो गन्‍दीय को़न्‍ज्‍योक्‍की ॱरेबु दीरङ् हीङ्‌गो़प्‍पेत् सीन्‍न झ्‍यीब बेत्।

लुका 23:47

उन यो़क्‍केन् ॱमक्‍पो़न् च्‍यीक्‍की हुदु झ्‍युङे लेमु घयेत् दी थोङ्‌नी हुगी को़न्‍ज्‍योक्‍ल तो़प्‍प पुन हीगी मी हीगो गन्‍दीय ढङ्‌बु दीरङ् हीङ्‌गो़प्‍पेत् व सीन्‍न झ्‍यीब बेत्।

लुका 7:1

खोङ्‌गी हुन्‍दुक् झ्‍यीन ॱस्‍येत् छर्नी, हुनी खोङ् कफर्नहुम् सार्की नङ्‌ल स्‍युब बेत्।

लुका 7:3

ॱनी हुगी ॱमक्‍पो़न् दीगी येशु हुदु ॱलीब ॱह घोनी हुगी यहुदीगी गेम्‍बा चो छ्‌यीया यरी येशु च्‍याल हीन्‍दुक् सीन्‍न ॱङान तङ बेत्। ङे खीम्‍ल युङ्‌न ङे ॱयोक्‍पु हीगो ढक्‍तु ची़त्‍रो झ्‍यी सीन्‍न स्‍युव पुलेत् झ्‍यीब बेत्।

लुका 8:42

हुगोल मोलो च्‍युन्‍नी ॱलीबे भुमु च्‍यीगी च्‍यीक्‍रङ् यो़प्‍प बेत्। ॱनी हुगो ॱस्‍यीज्‍येम ॱयेङ्‌न यो़प्‍प बेत्। ॱनी येशु हुगी खीम्‍ल झ्‍यो़म्‍बे यङ्‌ल खोङ्‌ल मी छेत्‍मीक्‍की कोदुम् ज्‍यब बेत्।

ठीक्‍नल 10:1

ॱनी हुगी यङ्‌ल सीजरीया सार्न मी कर्नीलीयस् सीक्‍केन् च्‍यीक् यो़प्‍प बेत्। हुगो इटालीगी ॱमक्‍च्‍यप् सीक्‍केङ्‌गी पोङ्‌ज च्‍यीक्‍की ॱमक्‍पो़न् च्‍यीक् बेत्।

ठीक्‍नल 10:7

हुनी हुगी तेङ् यी़गी भङ्‌ज्‍येम्‍ब दी टप्‍न खुर्नी, कर्नीलीयस्‍की रोरङ्‌गी ॱयोक्‍पु ॱङी धङ् रोरङ्‌ल स्‍यप्‍च्‍यी़ ज्‍युक्‍केन् ॱमक्‍मी च्‍यीक् भो़ब बेत्। हुगी ॱमक्‍मी दी को़न्‍ज्‍योक्‍ल धेप्‍प मो़ब झ्‍यीक्‍केङ्‌गी मी हीङ्‌गो़प्‍प बेत्।

ठीक्‍नल 22:26

हीगो ॱह घोनी हुगी ॱमक्‍पो़न् दी रोरङ्‌गी चो दी च्‍याल फीन्‍न हुल हीगी मी हीगो रोम्‍गी ज्‍यागक्‍की मीस्‍सीर् हीन् सीगुक्। ह घन्‍ड झ्‍यीक्‍केन्? झ्‍यीब बेत्।

ठीक्‍नल 23:17

ॱनी पावल्‍की ॱमक्‍पो़न् च्‍यीक् भो़न हुल हीगी स्‍यो़म्‍ब हीगो ॱमक्‍पो़न् चो च्‍याल च्‍यो़रो झ्‍यी। खोङ्‌ल ॱस्‍यो़च्‍च्‍येमे तम् च्‍यीक् हील दुक् झ्‍यीब बेत्।

ठीक्‍नल 27:1

हीनी फेस्‍तस्‍की ह पावल् हीगो इटालीगी लुङ्‌बल ढु छ्‌यीम्‍मुल ॱलुक्‍न तोङ्‌गेन् झ्‍यीब बेत्। हुनी पावल्‍तङ् दल चो़म्‍बा ॱयोङ्‌म ॱयोङ्‌म आक् तोङ्‌ज्‍येमल युलीयस् सीक्‍केन् ॱमक्‍पो़न् च्‍यीक्‍की गेल्‍ल स्‍यक्‍प बेत्। हुगो सीजर् ज्‍याबी़ ॱमक्‍च्‍यप् सीक्‍केन् च्‍यीक्‍की ॱमक्‍पो़न् हीङ्‌गो़प्‍प बेत्।

ठीक्‍नल 27:3

ॱनी नेम्‍बेत् दी सीदोन् सार्ल ॱलीबेन्। ॱनी हुदु ॱमक्‍पो़न् दीगी पावल्‍ल गस्‍सी झ्‍यीन पावल्‍ल गो़बे गो़ज्‍येत् घयेत् लीन्‍दु रोरङ्‌गी दगु घयेत् च्‍याल ढु दीनी थो़न्‍न सार्ल डोदु ची़प्‍प बेत्।

ठीक्‍नल 27:43

ॱनी ॱमक्‍पो़न् दीगी पावल्‍ल छ्‌यीज्‍ये ॱनो़न हुगी ढो़ दी डुप्‍तु ॱमत् ची़प्‍प बेत्। बोर हुगी मी घयेत् दील खीत्‍रङ् च्‍ये ज्‍यक् ॱस्‍यीगेन् घयेत् फीर्ल च्‍ये ज्‍योप्‍ल पक्‍कल थो़ल्‍ल ज्‍युक्।

कलस्‍सी 3:22

रङ्‌मो़ मीप्‍पे ॱयोक्‍पु घयेस्‍सो, खीत्‍रङ् ॱसोस्‍सोरङ्‌गी ज्‍यीन्‍दक्‍की घङ् झ्‍यीबल नेन्‍ज्‍यीत्। ख यच्‍च्‍येक्‍की दक्‍पु गुदोप्‍की ले मेम्‍ब, चोव ज्‍यीन्‍दक्‍ल ज्‍यीब झ्‍यीन कप्‍टी मीप्‍पे ले झ्‍यीज्‍यीत्।