Biblia Todo Logo
Bìoball air-loidhne

- Sanasan -




लुका 7:16 - ल्होमी

16 ॱनी उन यो़प्‍पे मी घयेत् दी ज्‍यीक्‍टक् लङ्‌न हुबे ॱवे हज्‍यरङ्‌गी घुङ्‌दु कलुङ् ॱस्‍यो़क्‍केन् छ्‌यीम्‍मु च्‍यीक् थो़न्‍दुक् व सीन्‍न हीगी ढीक्‍ल को़न्‍ज्‍योक्‍ल तो़प्‍प पुन हुबे को़न्‍ज्‍योक् खोङ् रोरङ्‌गी मीस्‍सीर्ल रोरम् जेत्‍तु झ्‍यो़न्‍दुक् सीन्‍न झ्‍यीब बेत्।

Faic an caibideil Dèan lethbhreac




लुका 7:16
31 Iomraidhean Croise  

ॱनी तम् लप् ॱमीत् छुगेन् घुव घयेत् लप् छुगेल्‍ल, सी़गी यल्‍लक् ॱस्‍योर्नर घयेत् ढक् डोव, घोङ्‌रीय छ्‌यम्‍न डोव धङ् स्‍यर्च्‍योक्‍की थोङ्‌गेल्‍ल डोव हुगी मी ॱयोङ्‌म घयेत् दीगी थोङ्‌नी, हुल ॱह लेन हुबे इस्राएल्‍की को़न्‍ज्‍योक्‍ल तो़प्‍प पुब बेत्।


ॱनी हुगी मी घयेत् दीगी लेल्‍ल हीगो गालीलागी नासरत् सार्की कलुङ् ॱस्‍यो़क्‍केन् येशु बेत् सीन्‍न ॱस्‍येप्‍प बेत्।


हुनी भुमु ॱङीबु दी ज्‍यीब अक् झ्‍युङ्, यङ् गेस अक् लङ्‌गील्‍ल रो बेक्‍स दीनी लोक्‍न ढीम्‍बु ज्‍युन युङ्‌न येशुगी ॱलोप्‍टुक् दीबल ॱस्‍यो़त्‍तु फीम्‍ब बेत्।


हीगो थोङ्‌नी हुगी मी घयेत् दी ज्‍यीक्‍टक् लङ्‌न कोलीमील हीन्‍दुक्‍मे ॱवङ् ॱनङ्‌दुक् ॱनो़न हुबे को़न्‍ज्‍योक्‍ल तो़प्‍प पुब बेत्।


हुनी खीम्‍जीब दीब ज्‍यीक्‍टक् लङ बेत्। हीगी केच्‍च्‍य हीगो यहुदीया लुङ्‌बे लदोक् लदोक्‍की यु घयेत्‍ल धर्नर बेत्।


इस्राएल्‍की को़न्‍ज्‍योक् चोव ज्‍यीन्‍दक्‍ल धी़ ज्‍यी़न्‍दु यस्‍सो युङ्‌ज्‍ये यो़प्‍प स्‍योक्‍च्‍यीत्। खोङ् इगीनी मल्‍ल झ्‍यो़म्‍बे धो़न् दी खोङ् रोरङ्‌गी मीस्‍सीर् घयेत् ॱलुदु झ्‍यो़म्‍ब बेत्।


हुनी रङ् धङ् रङ्‌गी नङ्‌ल यो़प्‍पे मी घयेत् ढक्‍ल दप्‍केन् बेत्। हुनी रङ् म दीरङ् दोलोक्‍प च्‍यीगी च्‍यीक् इक् थोक्‍चेत् मीप्‍प, ॱरुम् तोङ्‌गेन् बेत्। घन्‍ड हीन् सीन्‍न को़न्‍ज्‍योक् रङ् च्‍येल्‍ल झ्‍यो़म्‍बे धी़ हीगो रङ्‌गी ॱह मत् घोसोङ् सीन्‍न ॱसुङ बेत्।


ॱनी डोक्‍पा दीबे रोरङ्‌सो़ घङ् थोङ धङ् घङ् घोवे केच्‍च्‍य दीगी ढीक्‍ल को़न्‍ज्‍योक्‍ल यस्‍सो धङ् तो़प्‍प पुगील्‍ल लोक्‍प बेत्। हुबल तेङ् यी़गी भङ्‌ज्‍येम्‍बे ॱस्‍येप्‍प दी डस्‍सीरङ् ठोक्‍क ठेप्‍प हीङ्‌गो़प्‍प बेत्।


ॱनी हील खोङ्‌गी घन्‍ड झ्‍युङ बेक्‍क? सीन्‍न ढीनी, हील हुब ॱङीबी़ नासरत्‍की येशुगी ढीक्‍की केच्‍च्‍य ॱनी। को़न्‍ज्‍योक् धङ् मी घयेक्‍की खोङ् ॱङो़न्‍ने कलुङ् ॱस्‍यो़क्‍केन् हीम्‍ब ॱसम्‍न युङ बेत्। खोङ् यम् छेम्‍मे ले जेक्‍केन् धङ् ॱस्‍युक् छ्‌यीम्‍मी़ केच्‍च्‍य ॱस्‍यो़क्‍केन् झ्‍युङ बेत्।


हीनी हुगी मी घयेत् दी गन्‍दीक्‍म ॱह लेन ज्‍यीक्‍टक् लङ्‌न को़न्‍ज्‍योक्‍ल तो़प्‍प पुब बेत्। हुब रोरङ्‌सो नङ्‌दु हरीङ् न हज्‍यरङ्‌गी यीक् छ्‌यीम्‍मी़ ले च्‍यीक् थोङ्‌ज्‍युङ् झ्‍यीब बेत्।


ॱनी हीगो थोङ्‌नी शीमोन् पत्रुस्‍की छो़ छीग दीदु येशुल छ्‌यक् छेन ङ ॱनी दीक्‍च्‍येन् हीन्। चोव ज्‍यीन्‍दक् नीज्‍यरङ् ङ च्‍यानी भीन ॱयोङ्‌ल झ्‍यो़र्रो झ्‍यी झ्‍यीब बेत्।


हुनी ॱस्‍यीनर दी जोक् जोक्‍ल लोङ्‌न युङ्‌न तम् लब बेत्। ॱनी हुगी आम दील येशुगी ॱय ह रङ्‌गी भीज सीन्‍न टेप्‍प बेत्।


ॱनी हुगी ॱनेजङ फरीसी दीगी हुगो थोङ्‌नी हुगी ॱसीम्‍ल हीगी येशु हीगो कलुङ् ॱस्‍यो़क्‍केन् खुङ्‌देन् हीन्‍न ॱनी, रोरङ्‌ल सीङ्‌गेन् भुमु हुगो घन्‍दुक् झ्‍यीबे मी दीक्‍च्‍येन् बेक्‍क हुगो ॱह घोयेत् क ॱनी ॱनो़ब छ्‌यर बेत्।


हुनी गीरासीनीगी लुङ्‌बे मी घयेत् दी ज्‍यीक्‍टक्‍की येशुल हुबे नीज्‍यरङ् ङीत् च्‍यानी फल्‍ल लोक्‍न डोरो झ्‍यी सीन्‍न स्‍युव ज्‍यब बेत्। हुनी खोङ्‌जोसो ढुल स्‍युन लोक्‍च्‍येम झ्‍यीब बेत्।


ॱनी हीगी लेल्‍ल हुबे मी यरीबे युहन्‍ना बप्‍तीस् हीङ्‌गो़प्‍पेत् सीगुक्। यरीबे एलीया हीङ्‌गो़प्‍पेत् सीगुक्। यरीबे धङ्‌बी़ कलुङ् ॱस्‍यो़क्‍केन् च्‍यीक् ॱसोम्‍बुल लोङ हीङ्‌गो़प्‍पेत् सीगुक् सीन्‍न झ्‍यीब बेत्।


ॱनी हुबे खो़त् हुगो मेन्‍न, को़न्‍ज्‍योक्‍की कलुङ् ॱस्‍यो़क्‍केन् एलीया दी हीम्‍ब ॱनी? सीन्‍न ढीब बेत्। ॱनी युहन्‍नागी ङ हुगो ओक् मेन् सीन्‍न ॱस्‍येत्‍नी ॱनी, यङ् हुबे हुगो ओक् मेन्‍न ॱनी, खो़त् ङीक्‍की रीगो झ्‍यीबे को़न्‍ज्‍योक्‍की कलुङ् ॱस्‍यो़क्‍केन् दी हीम्‍ब ॱनी? सीन्‍न ढीब बेत्। ॱनी यङ् युहन्‍नागी ङ हुगो ओक् मेन् झ्‍यीब बेत्।


ॱनी फरीसी दीबे युहन्‍नाल खो़त् को़न्‍ज्‍योक्‍की को़बे च्‍यप्‍को़न् ख्रीष्‍ट् दी इक् मेन् सीक्‍केन्। ॱनी एलीया अक् मेन् सीक्‍केन्। ॱनी कलुङ् ॱस्‍यो़क्‍केन् हुगो ओक् मेन् सीक्‍को़त्‍न ॱनी, घन्‍डल मी घयेत् बप्‍तीस्‍ल ॱलुक्‍को़प्‍प? झ्‍यीब बेत्।


ॱनी भुमु दीगी लेल्‍ल नीज्‍यरङ् को़न्‍ज्‍योक्‍की कलुङ् ॱस्‍यो़क्‍केन् हीङ्‌गो़प्‍पेत् व।


ॱनी हुगी मी घयेत् दीबे हीन्‍दुक् झ्‍यीबे यीक् छ्‌यीम्‍मी़ लेगी ता झ्‍यीप्‍प थोङ्‌नी, हुब रोरङ्‌सो नङ्‌दु जम्‍बुलीङ्‌ल को़न्‍ज्‍योक्‍की कलुङ् ॱस्‍यो़क्‍केन् च्‍यीक् तोङ्‌गेन् सीक्‍केन् दी हीगो हीङ्‌गो़प्‍पेत् सीन्‍न लप्‍री चीय बेत्।


ॱनी यङ् हुबे फीच्‍च्‍य हुगी मी दील खोक्‍की ॱमीक् थोङ्‌गेल्‍ल सोगेन् हुगी ढीक्‍ल खो़त् घन्‍ड सीक्‍केन्? सीन्‍न ढीब बेत्। ॱनी हुगी लेम्‍बुल हुगो को़न्‍ज्‍योक्‍की कलुङ् ॱस्‍यो़क्‍केन् च्‍यीक् हीङ्‌गो़प्‍पेत् झ्‍यीब बेत्।


ॱनी हीगी तम् हीगो ॱह घोलोङ् मीक्‍ल हननीया टक् ॱस्‍यीन ॱसल ज्‍यदक् छर्नर बेत्। ॱनी हीगो ॱह घोगेङ्‌गी मी घयेत्‍ल ज्‍यीक्‍टक् छ्‌यीम्‍मु झ्‍युङ बेत्।


ॱनी हीगी मोशा हीगी इस्राएली घयेत्‍ल हीन्‍दुक् सीन्‍न ॱस्‍येप्‍प बेत्। खीत्‍रङ् इस्राएली घयेत्‍ल को़न्‍ज्‍योक्‍की ङ डस्‍सीगी कलुङ् ॱस्‍यो़क्‍केन् च्‍यीक् खीत्‍रङ् फम पी़न् घयेक्‍की छीक्‍नी तो़ङ्‌गेन् बेत्। (ठीम्‍लु १८:१५)


ङ ज्‍युर्न युङे ढीक्‍ल हुबे को़न्‍ज्‍योक्‍ल तो़प्‍प पुब हीङ्‌गो़प्‍प बेत्।


Lean sinn:

Sanasan


Sanasan