लुका 7:13 - ल्होमी

¹³ ॱनी चोव ज्‍यीन्‍दक्‍ल हुगी आम दी ठेत्‍नी, ॱङीङ् छये, खोङ्‌गी हुल मत् ङु झ्‍यीब बेत्।

लुका 7:13 Iomraidhean Croise

मर्कुस् 8:2

मी घयेत् हीबल ङ ॱङीङ् छगुक्। हीब ङदङ् दल स्‍यक्‍पु ॱसुम् थम्‍ब देत्‍नी, हीबल सम हुन्‍दो घन्‍ड अक् मीप्‍प बेत्।

लुका 10:1

हीनी चोव ज्‍यीन्‍दक्‍की ॱयोङ्‌म मीरङ् दी़न्‍ज्‍यु धो़न्‍नी को़न खोङ् रोरङ् झ्‍यो़न्‍ज्‍ये ॱनो़बे सार् धङ् युगङ् घयेत् दील हुब एल्‍ला मीरङ् ॱङी ॱङी छ्‌य झ्‍यीन हीनी झ्‍यीब दी तङ बेत्।

लुका 11:1

हीनी ङीन् च्‍यीक् येशु ॱसने च्‍यीक्‍तु देत्‍न ॱसुव तब बेत्। ॱसुव तप् छर्नी, ॱलोप्‍टुक् च्‍यीक्‍की खोङ्‌ल युहन्‍नागी रोरङ्‌गी ॱलोप्‍टुक्‍प घयेत्‍ल ॱसुव तोप्‍च्‍ये ॱलब डस्‍सी ङीत्‍ल अक् चोव ज्‍यीन्‍दक् नीज्‍यरङ्‌गी ॱलोप्‍रो झ्‍यी सीन्‍न स्‍यी़ब बेत्।

लुका 11:39

ॱनी चोव ज्‍यीन्‍दक्‍की हुगोल हीन्‍दुक् ॱसुङ बेत्। खीत्‍रङ् फरीसी घयेक्‍की थार फोप्‍पे छ्‌यी दीरङ् ॱय च्‍येत्‍न चङ्‌मल सोगुक्। ॱनी खीत्‍रङ्‌गी नङ् दील लुप्‍केन् धङ् ङेम्‍बे ढङ्‌गी घेङ्‌न दुक्।

लुका 12:42

हीगी लेल्‍ल चोव ज्‍यीन्‍दक्‍की हीन्‍दुक् ॱसुङ बेत्। ॱयोक्‍पु तेम्‍बोक्‍म धङ् खेबोक्‍म च्‍यीक् यो़त्‍न ॱनी, हुगो दक्‍पु दीगी ॱयोक्‍पु ॱयोङ्‌म घयेत् दीबे गोयो़प्‍पल को़न धी़जो़त् धी़जो़त्‍ल हुब घयेत्‍ल गो़बे समे फक् टो़च्‍च्‍यीत् सीन्‍न ॱङान स्‍योक्‍केन् बेत्।

लुका 13:15

ॱनी चोव ज्‍यीन्‍दक्‍की हुगोल खीत्‍रङ् छ्‌यीलेल नङ् मत् लेबे मीसो, ङीत्‍तुवे ङील्‍ल खीक्‍की खीत्‍रङ्‌गी ॱलङ् हीन्, भोङ्‌गु हीन्‍न अक्, भजङ्‌नी तङ्‌न छ्‌यु थुङ्‌दु ॱमीत् ठीक्‍को़प्‍प ॱनी?

लुका 17:5

ॱनी ठीक्‍नल दीबे चोव ज्‍यीन्‍दक्‍ल ङीक्‍की छ्‌य स्‍यक्‍प दी ज्‍यीक्‍तु डोज्‍ये यो़प्‍प जेत्‍रो ॱनङ् सीन्‍न स्‍यी़ब बेत्।

लुका 17:6

हील खोङ्‌गी खीत्‍रङ्‌गी छ्‌य स्‍यक्‍प दी तोरीगी ॱसो़न्‍दोक् चो़त्‍म च्‍यीक् यो़त्‍न ॱनी, हीगी दोङ्‌बु हीगोल रङ् चा घोरोक् लोल छ्‌यु ज्‍यम्‍जो छ्‌यीम्‍मुदु छुलेत् सील्‍लोङ्‌दे हुगो नेङ्‌गेन् बेत्।

लुका 18:6

ढङ्‌ज्‍ये मीप्‍पे ठीम्‍बो़न् हुगी तम् हुगो ॱह घोव झ्‍यी।

लुका 19:8

हुनी जखायस् लोङ्‌न चोव ज्‍यीन्‍दक्‍ल हीन्‍दुक् झ्‍यीब बेत्। चोव ज्‍यीन्‍दक् ङल घङ् यो़प्‍पे नोर् घयेत्‍नी छ्‌यीक्‍क टङ्‌बु घयेत्‍ल गो़न तीक्‍केन्। ङे मी ॱसु ॱसी़ च्‍यानी गोप्‍नोक् तङ्‌न घन्‍ड लीन्‍न यो़दङ् हुल स्‍यीगोर् ॱल्‍हक्‍मु ॱलोक्‍न टो़क्‍केन् सीन्‍न झ्‍यीब बेत्।

लुका 22:61

हुनी फत्‍तेन्‍नी छुल्‍ल चोव ज्‍यीन्‍दक्‍की तक्‍ल लोक्‍न पत्रुस्‍ल तेनी, चोव ज्‍यीन्‍दक्‍की एल्‍ला पत्रुस्‍ल हरीङ् झ्‍यबु भो़त् भो़त्‍ले एल्‍ला रङ्‌गी ङल लेम्‍म ॱसुम् ङु ॱमीत् ॱस्‍यीबेत् सीक्‍केन् बेत् सीर दी पत्रुस्‍ल ढेन्‍सो़ झ्‍युङ्‌नी,

लुका 24:3

हुब नङ्‌ल स्‍युन फीन्‍नी चोव ज्‍यीन्‍दक् येशुगी कुबुर् दी उन मीप्‍प थोङ बेत्।

लुका 24:34

ॱनी उन जोम्‍न यो़प्‍प घयेत् दीबे हुगी मीरङ् ॱङीबु दील चोव ज्‍यीन्‍दक् गन्‍दीयरङ् ॱसोम्‍बुल लोङ्‌दुक्। शीमोन्‍दङ् ठेत्‍तुक् सीन्‍न ॱस्‍येप्‍प बेत्।

लुका 7:12

ॱनी हुगी सार्की च्‍यारीगी गोच्‍च दील ॱलीच्‍च्‍येम ॱयेङे यङ्‌ल हुदु रो च्‍यीक् तो़न्‍न युङदङ् ठेप्‍प बेत्। ॱनी रो च्‍यो़गेन् मी गज्‍येन् यो़प्‍प बेत्। ॱनी हुगी मी ॱस्‍यीगेन् दी उन मोरेङ्‌मु च्‍यीक्‍ल यो़प्‍पे भु च्‍यीगी च्‍यीक्‍पु दी हीङ्‌गो़प्‍प बेत्।

लुका 7:14

हुनी रो खुरे ज्‍योज्‍यङ् दील खोङ्‌गी सुङ्‌नी, रो खुर्केन् दीब देप्‍प बेत्। हुनी रो दील येशुगी ॱवे स्‍यो़म्‍ब, ङ रङ्‌ल सीक्‍केन्। रङ् लोङ् सीन्‍न झ्‍यीब बेत्।

लुका 7:19

खीत्‍रङ् चोव ज्‍यीन्‍दक् च्‍याल ज्‍युक्‍ल खोङ्‌ल तीङ्‌ला झ्‍यो़ङ्‌गेन् बेत् सीक्‍केन् दी नीज्‍यरङ्‌रङ् हीम्‍ब न, न ङीत् ॱयोङ्‌ल गुक् गोगेन् बेक्‍क? सीन्‍न ढीलेत् सीन्‍न तङ बेत्।

लुका 8:52

ॱनी हुदु येशुल मी घयेत् दी ङुच्‍च्‍यङ् तोङ धङ् नङेन् झ्‍यीप्‍प ठेप्‍प बेत्। ॱनी हुबल खोङ्‌गी मत् ङु। हुगी भुमु हुगो ॱस्‍यीय मेम्‍ब, ॱङीत्‍ल ॱसोङ बेत् सीन्‍न ॱसुङ बेत्।

युहन्‍ना 11:2

ॱनी हीगी मरीयम् हीगी एल्‍ला ॱनुम् ढीम स्‍यीम्‍बोक्‍म ॱहीक्‍केन् च्‍यीक् चोव ज्‍यीन्‍दक् येशुगी कङ्‌बल ॱही़न्‍न रोरङ्‌गी ट दीगी फीब हीङ्‌गो़प्‍प बेत्। ॱनी हुगी पी़न् दी लाजरस् हीङ्‌गो़प्‍प बेत्।

युहन्‍ना 11:3

ॱनी हुगी लाजरस् दी ननी, हुगी भुमु पी़न् ॱङीबु दीगी येशुल हीन्‍दुक् सीन्‍न लो़न् तङ बेत्। चोव ज्‍यीन्‍दक् नीज्‍यरङ्‌गी झ्‍यम्‍बे दगु लाजरस् दी ॱनी नगुक् सीन्‍न तङ बेत्।

युहन्‍ना 20:13

ॱनी हुब ॱङीबी़ मरीयम्‍ल भुमु, खो़त् घन्‍डल ङुगो़प्‍प? सीन्‍न ढीब बेत्। हील मरीयम्‍गी ङे चोव ज्‍यीन्‍दक्‍की कुबुर् दी इक् हीनी खुर्न खुर्तुक्। घदु खुर्न स्‍यक् स्‍यक्? ह ॱस्‍यो़च्‍च्‍ये मोङ्‌सोङ् सीन्‍न,

युहन्‍ना 20:15

ॱनी येशुगी हुल भुमु, खो़त् घन्‍डल ङुगो़प्‍प? ॱसु ॱयेङ्‌गो़प्‍प? सीन्‍न ढीब बेत्। ॱनी मरीयम्‍गी हुगो ॱस्‍यीङ्‌नाल तगेङ्‌गी मी च्‍यीक् ब अक् ॱनो़न, हुल हीनी नीज्‍यरङ्‌गी खोङ्‌गी कुबुर् ॱयोङ्‌ल खुर हीन्‍न, घन स्‍यक्‍न यो़प्‍प? ङल ॱस्‍यो़त्‍रो झ्‍यी। ङ खुर्तु डोज्‍येम झ्‍यीब बेत्।

युहन्‍ना 4:1

ॱनी युहन्‍नाले येशुगी मङा ॱलोप्‍टुक् सो़न बप्‍तीस्‍ल ॱलुक्‍कुक् सीर फरीसी घयेक्‍की ॱह घोव बेत्।

युहन्‍ना 6:23

ॱनी नेम्‍बेत् दी तीबेरीयास् सार्नी ढुबा गज्‍येन् ढु ज्‍यप्‍न, हुगी मी घयेत् झ्‍यीस्‍स चोव ज्‍यीन्‍दक्‍की थु छ्‌यी पुन सम टो़स्‍से ॱसने दील युङ बेत्।

१ कोरीन्‍थी 7:30

ॱनी ङुगेन् घयेत् ॱसीम्‍दुक् मीप्‍प डस्‍सी झ्‍यीन युङ् गोगेन् बेत्। ॱनी गेस झ्‍यीक्‍केन् घयेत् गेस मीप्‍प डस्‍सी झ्‍यीन युङ् गोगेन् बेत्। ॱनी नोगेन् घयेक्‍की नो़बे यप्‍च्‍य दील नन्‍दक्‍की फङ मीप्‍प झ्‍यीन युङ् गोगेन् बेत्।

१ थीस्‍सलोनीका 4:13

पी़न्‍ज्‍यासो, खीत्‍रङ्‌ल गन्‍दीक्‍म ॱस्‍यो़च्‍च्‍ये मीप्‍पे केच्‍च्‍य च्‍यीक् मी ॱस्‍यीन खुर घयेत्‍ल घन्‍दुक् झ्‍यीब युङ्‌गेन् बेक्‍क हुगो तो़ङ्‌गेन् हीनो। स्‍येन् रीगो मीप्‍पे मी ॱयोङ्‌मा डस्‍सीगी नङेन् खीत्‍रङ्‌ल आक् युङ्‌गेन् बेत्।

हीब्रु 2:17

ॱङीङ्‌ज्‍यी च्‍येम्‍म छ्‌यो़प्‍पो़न् चो छ्‌यीस्‍स्‍यो, को़न्‍ज्‍योक्‍की ले तेम्‍बर् झ्‍यीक्‍केन् धङ् खोङ् मीमङ्‌गी ढीक्‍ल दीक्‍पे ॱस्‍याब पु छुज्‍ये यो़प्‍पल खोङ्‌गी पी़न् हज्‍यरङ् डस्‍सीरङ् खोङ् झ्‍यीन झ्‍यो़न् गो़ ॱस्‍यर बेत्।

हीब्रु 4:15

हज्‍यरङ्‌गी छ्‌यो़प्‍पो़न् चो छ्‌यीस्‍स्‍यो खोङ्‌गी हज्‍यरङ् ॱसीम् योक्‍याबे मील ॱङीङ्‌ज्‍यी जेत् छुगेन् बेत्। घन्‍ड हीन् सीन्‍न हज्‍यरङ्‌ल झ्‍युङे छो़त्‍लीन् डस्‍सी खोङ्‌ल आक् कुरीक् झ्‍युङ बेत्। ॱनी झ्‍युङ्‌न अक्, खोङ्‌गी दीक्‍प ॱस्‍युली मत् झ्‍यीब बेत्।